ជីវិតកម្សាន្ដ

តារាសម្តែង សឿន វីតា រងការប្រមាថពីបុរសម្នាក់ ខណៈជីវភាពកំពុងដុនដាបរឿងបំណុល

បានផុស

២ years មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

តារាសម្តែង លោក រឿន វីតា បានបង្ហាញការហួសចិត្តជាខ្លាំង ក្រោយរងការប្រមាថពីសំណាក់បុគ្គលម្នាក់ ជុំវិញរឿងរ៉ាវផុងខ្លួនជំពាក់បំណុលគេរាប់សែនដុល្លារ ដែលធ្វើឲ្យជីវភាពគ្រួសារកំពុងជួបការខ្វះខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សឿន វីតា បានចេញសារឆ្លើយតបក្រោយពេលម្ចាស់គណនីហ្វេសប៊ុកមានឈ្មោះ Sokmao Heng បានចូលខមមិនរិះគន់លោកថា «អញទៅខ្វល់ស្អី មានលុយសងគេផង កុំហ៊ឺហា ហើយមិនសងគេ អាងអ្វីដ្រាម៉ាតាមហ្វេសប៊ុកឲ្យគេអាណិត មាឌប៉ុនក្របី»។

ឆ្លើយតបការលើកឡើងនេះ តារាសម្តែង សឿន វីតា បាននិយាយថា «ខ្ញុំសំពះសុំទោសដល់បងប្អូនមហាជនទាំងដែលខ្ញុំយករឿងអត់ប្រយោជន៍ក្នុងផេកដែលធ្វើឲ្យបងប្អូនធុញ តែថ្ងៃនេះសុំផុសបងថតប្រុសម្នាក់នេះ ដែលខ្ញុំផុសពីម្សិលមិញ ដែលគាត់ខមមិនរឿងបំណុលខ្ញុំនៅផេកធំរបស់ក្រុមហ៊ុន»។

លោកបន្តទៀតថា «ឥឡូវគាត់បានចូលមកខមមិនក្នុងផេកខ្ញុំ បន្តតិះដៀលខ្ញុំទៀត ហើយ Sokmao Heng ហាមរត់ ហាមប្លុកខ្ញុំ។ ខ្ញុំមានតែបងប្អូនជួយខ្ញុំសម្រាប់ការតតាំងជាមនុស្សបុគ្គលអគតិបែបនេះ»។ សឿន វីតា និយាយទៀតថា «អរគុណសម្រាប់ការខមមិនបងប្អូន អរគុណសម្រាប់ការស៊ែរពីបងប្អូន»។

លោក សឿន វីតា បន្ថែមទៀតថា លោកមិនឯកាទៀតទេ លោកមិនអស់សង្ឃឹមទេ ពេលនេះអ្នកគាំទ្រនៅក្បែរលោក ពេលនេះផេកដំណើរការវិញហើយ ផេកលោកមិនមានលុយសម្រាប់ boost ទេ ផេកក៏ផ្តើមចេញមកពីការអាណិត និងស្រលាញ់ពីអ្នកគាំទ្រគ្រប់គ្នា អ្នកគាំទ្រជាដង្ហើម និងផ្តល់ជីវិតទី ២ ឲ្យ លោក សឿន វីតា។

សូមជម្រាបថា តារាសម្តែង លោក សឿន វីតា កន្លងមក ធ្លាប់បានចេញមកទម្លាយការពិតជុំវិញរឿងរ៉ាវធ្លាក់ខ្លួនស្ទើរដល់ចំណុចសូន្យ បន្ទាប់ពីលោកលង់ខ្លួនក្នុងបំណុលដោយសារការចាញ់បោក និងជួយយកអាសាដល់បុគ្គលមួយចំនួនដែលជាមនុស្សស្គាល់រាប់អានគ្នា។ យ៉ាងណាមិញបច្ចុប្បន្ន លោក វីតា បាននិងកំពុងតស៊ូព្យាយាមរកស៊ីលក់ម្ហូបត្រីសាច់គ្រប់មុខនៅតាមអនឡាញ ដើម្បីរកលុយដោះបំណុលគេ និងសម្រាប់ផ្គត់ផ្គង់គ្រួសារ៕

អត្ថបទ ៖ ចាន់រ៉ា