ជីវិតកម្សាន្ដ

ឌួង ហ្សូរីដា លើកឡើង ៦ ចំណុច ពាក់ព័ន្ធស្ត្រី

បានផុស

១០ ខែ មុន

នៅ

ថ្ងៃព្រហស្បតិ៍ ៤ កក្កដា ២០២៤

ដោយ

ទោះបីជាពេលនេះ ពិធីការិនី កញ្ញា ឌួង ហ្សូរីដា មានវ័យជាង ៤០ ឆ្នាំហើយ ក៏ពិតមែន ប៉ុន្តែនាងនៅមិនទាន់គិតគូររឿងជ្រើសរើសគូអនាគតទេ ខណៈថ្មីៗ នេះ នាងបាននិយាយថា ខ្លួនមិនទាន់អាចធ្វើជាស្រ្តីមេផ្ទះ ឬជាប្រពន្ធគេទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធបញ្ហានេះដែរតារាស្រី ឌួង ហ្សូរីដា បានលើកហេតុផលចំនួន ៦ ចំណុចដែលនាងយល់ថា ខ្លួននៅមិនទាន់អាចយកស្វាមីបាននាពេលនេះ។ កញ្ញា ឌួង ហ្សូរីដា បានបញ្ជាក់ដោយភ្ជាប់ខ្លឹមសារ ៦ ចំណុចថា សុំទោសមិនអាចធ្វើជាស្រ្តីមេផ្ទះ និង ជាប្រពន្ធ ឬម្តាយដ៏ល្អរបស់អ្នកណាបានទេ ព្រោះរាល់ថ្ងៃយោងអត្មាខ្លួនឯងមិនទាន់រួចផង មិនចង់ឲ្យអ្នកណាម្នាក់មកពិបាកជាមួយខ្លួនឡើយ។

រឿង ៦ ចំណុចដែលពិធីការិនី ឌួង ហ្សូរីដា បានបញ្ជាក់ដូច្នេះថា ,១.ប្រសិនបើអ្នកជ្រើសរើសស្ត្រីដែលធ្វើការ(ការងារ)អ្នកត្រូវតែទទួលយកថា នាងប្រហែលជាមិនអាចគ្រប់គ្រងកិច្ចការផ្ទះទាំងស្រុងបានទេ។ ២. ប្រសិនបើអ្នកជ្រើសរើសស្ត្រីមេផ្ទះដែលអាចមើលថែអ្នក និងគ្រប់គ្រងផ្ទះរបស់អ្នកបានទាំងស្រុង អ្នកត្រូវតែទទួលស្គាល់ថា នាងមិនបានរួមចំណែកផ្នែកហិរញ្ញវត្ថុទេ។

៣.ប្រសិនបើអ្នកជ្រើសរើសស្ត្រីដែលស្តាប់បង្គាប់ អ្នកត្រូវតែទទួលស្គាល់ថា នាងនឹងពឹងផ្អែកតែលើអ្នកហើយអ្នកទទួលខុសត្រូវចំពោះសុខុមាលភាពរបស់នាង។ ៤.ប្រសិនបើអ្នកសម្រេចចិត្តនៅជាមួយនារីខ្លាំង អ្នត្រូវតែទទួលស្គាល់ថា នាងឯករាជ្យ និងមានគំនិតផ្ទាល់ខ្លួន។

៥. ប្រសិនបើអ្នកជ្រើសរើសនារីដ៏ស្រស់ស្អាត អ្នកនឹងត្រូវទទួលយកការចំណាយខ្ពស់ដែលមកជាមួយនាង។ ៦.ប្រសិនបើអ្នកសម្រេចចិត្តនៅជាមួយនារីជោគជ័យ អ្នកត្រូវតែយល់ថា នាងមានគោលដៅ និងមហិច្ឆតាផ្ទាល់ខ្លួនរួមជាមួយនឹងចរិតរឹងមាំ។

ពិធីការិនីកញ្ញា ឌួង ហ្សូរីដា បាននិយាយបន្ថែមទៀតថា សូមចាំថា ភាពល្អឥតខ្ចោះនឹងមិនមានទេ។ មនុស្សគ្រប់រូបមានគុណសម្បត្តិផ្ទាល់ខ្លួនរបស់ពួកគេដែលធ្វើឲ្យពួកគេពិសេស៕

អត្ថបទ៖ ចាន់រ៉ា