ជីវិតកម្សាន្ដ

សួង សាខារ៉ានីត អំពាវនាវអ្នកបើកបររថយន្តកុំបើកលឿនពេលមេឃភ្លៀង ខ្លាចមានគ្រោះថ្នាក់ដល់អ្នកដទៃ

បានផុស

២ years មុន

នៅ

ថ្ងៃព្រហស្បតិ៍ ៤ កក្កដា ២០២៤

ដោយ

តារាសម្តែងរូបស្រស់ សួង សាខារ៉ានីត ខណៈរដូវនេះជារដូវមានភ្លៀងធ្លាក់បន្តបន្ទាប់ នាងក៏បានចេញមុខអំពាវនាវអ្នកបើកបររថយន្តដែលធ្វើដំណើរតាមដងផ្លូវឲ្យមានការប្រុងប្រយ័ត្ន កុំបើកលឿនពេក ក្រែងបង្កគ្រោះថ្នាក់ដល់អ្នកដទៃ។

ជាមួយគ្នានេះ តារាស្រី អ្នកនាង សួង សាខារ៉ានីត បានលើកហេតុផលដែរថា ពេលបើកបរលឿន មិនត្រឹមបង្កជាគ្រោះថ្នាក់នោះទេ គឺវាក៏ជាឥទ្ធិពលមួយមិនល្អសម្រាប់អ្នកធ្វើដំណើរជាមួយគ្នាផងដែរ។ រ៉ានីត លើកឡើងថា មេឃកំពុងភ្លៀងខ្លាំង ទឹកពីលើផង ទឹកពីក្រោមផង បើយើងកំពុងជិះក្នុងឡានស្រួល មានភ្លេងស្តាប់ មានម៉ាស៊ីនត្រជាក់ ចុច facebook បានទៀត។

តារាសម្តែង សួង សាខារ៉ានីត និយាយទៀតថា សូមទុកឱកាសឲ្យអ្នកជិះម៉ូតូបានទៅមុន និងកុំបើកលឿនពេក គ្រោះថ្នាក់ហ្វ្រាំងមិនសូវស៊ីផង សាចទឹកដាក់គេផង និងរលកចូលផ្ទះគេផង កុំអាងមានឡានថ្លៃ ឡានខ្ពស់ ចេះតែជាន់មិនគិតនោះ។ នាងថា បានបុណ្យច្រើនណាស់(ពីអ្នកធ្លាប់ជិះកង់ ជិះម៉ូតូកាត់ភ្លៀង ឆ្លងផ្លូវ ឡានមិនឲ្យទៅមុន ហើយសន្យាខ្លួនឯងថា បើមានឡានជិះថ្ងៃក្រោយ នឹងមិនចិត្តអាក្រក់អ៊ីចឹងទេ)។

តួអង្គស្រីក្នុងរឿងខ្នាតធំ”កូនក្រក” អ្នកនាង សួង សាខារ៉ានីត បច្ចុប្បន្នត្រូវបានទស្សនិកជនមួយចំនួនកត់សម្គាល់មើលឃើញថា ទោះបីនាងបានក្លាយជាម្តាយដ៏ល្អហើយក៏ពិតមែន តែតារាស្រីរូបនេះ នៅតែទទួលបានការសរសើរពីរូបសម្រស់ស្រស់ស្អាតមិនចាញ់ក្រមុំឡើយ៕

អត្ថបទ ៖ ចាន់រ៉ា