ជីវិតកម្សាន្ដ
ហ៊ុយ យ៉ាឡេង ប្រកាសបញ្ចាំទ្រព្យចុងក្រោយតម្លៃ ១ លានដុល្លារ យកលុយថតភាពយន្ត
ផលិតករល្បីឈ្មោះរឿង”ដើម្បីកូន”លោក ហ៊ុ យ យ៉ាងឡេង បានប្រកាសដាក់បញ្ចាំទ្រព្យចុងក្រោយរបស់ខ្លួនដែលមានតម្លៃរហូតទៅដល់ ១ លានដុល្លារ ដើម្បីយកលុយផលិតភាពយន្ត ខណៈលោកអះអាងថា បើមិនបានផលិតភាពយន្ត គឺ ស្មើនឹងស្លាប់។
លោក ហ៊ុយ យ៉ាងឡេង បញ្ជាក់ថា ស៊ីក្លូដែលលោកប្រកាសដាក់បញ្ចាំតម្លៃខ្ទង់លានដុល្លារនេះគឺលោកសុំបញ្ចាំនៅក្នុងតម្លៃតែ ១៥ ០០០ ដុល្លារប៉ុណ្ណោះ ដើម្បីបានទុនផលិតភាពយន្តបន្ត។
ប្រាកដណាស់កន្លងមក លោក ហ៊ុយ យ៉ាឡេង ផលិតករភាពយន្ត និងជាអ្នកដឹកនាំសម្តែងរបស់ខ្មែរ ធ្លាប់បានទម្លាយឆន្ទៈរបស់ខ្លួន ដោយចាត់ទុកថា ក្នុងមួយជីវិតលោក គឺរស់ដើម្បីផលិត និងលើកស្ទួយវិស័យភាពយន្តជាតិទៅកាន់ពិភពលោក។
ផលិតករខ្មែររូបនេះ និយាយដូច្នេះថា “ខ្ញុំត្រូវការបញ្ចាំស៊ីក្លូដែលមានតម្លៃ ១ លានដុល្លារ យកទៅថតភាពយន្ត គឺខ្ញុំយកតែ ១៥ ០០០ ដុល្លារទេ ខ្ញុំយក ៧ ខែ ខែមីនា ២០២៥ ខ្ញុំលួសយកស៊ីក្លូវិញដោយជូនប្រាក់លួសយកស៊ីក្លូវិញចំនួន ៣០ ០០០ ដុល្លារ បើមិនទុកចិត្ត អាចតម្កល់សែកជូនក៏បាន ជីវិតខ្ញុំរស់ដើម្បីភាពយន្ត មិនបានផលិតភាពយន្តស្មើនឹងស្លាប់”។
លោក ហ៊ុយ យ៉ាឡេង បន្តទៀតថា នេះជាទ្រព្យដែលមានតម្លៃក្នុងជីវិតលោក គឺសល់តែស៊ីក្លូ ១ នេះទេ។ លោកសូមឲ្យជួយចែករំលែកដល់អ្នកមានចិត្តបុណ្យបានឃើញផង។
កន្លងមក លោក ហ៊ុយ យ៉ាឡេង ធ្លាប់ឲ្យដឹងដែរថា លក្ខណៈពិសេសរបស់ស៊ីក្លូនេះ គឺ មានវ័យចំណាស់ទៅហើយ រហូតដល់ ៨០ ឆ្នាំ ឯណោះ ដែលត្រូវបានធ្វើឡើងដោយស្នាដៃជនជាតិបារាំងម្នាក់។
លោកថា មូលហេតុដែលសម្រេចកែច្នៃស៊ីក្លូមកធ្វើជាវត្ថុមានតម្លៃនេះឡើង ដោយសារលោកមើលឃើញពីតម្លៃរបស់ស៊ីក្លូខ្មែរ និងចង់ឲ្យប្រជាជនខ្មែរងាកមកចាប់អារម្មណ៍នូវវត្ថុដ៏មានតម្លៃរបស់ខ្មែរមួយនេះឡើងវិញ។ ហេតុនេះ ទើបលោកមានគំនិតច្នៃស៊ីក្លូនេះឡើងឲ្យមានប្រយោជន៍ និងមានសោភ័ណភាពឡើងវិញ ដោយស្រោបរូបរាងស៊ីក្លូគឺពណ៌មាសរំលេចពន្លឺយ៉ាងស្រស់ស្អាត។
គួរបញ្ជាក់ថា ផលិតករភាពយន្តខ្មែរ លោក ហ៊ុយ យ៉ាឡេង ថ្វីត្បិតកន្លងទៅលោកត្រូវខាតបង់អស់ទ្រព្យពីខ្លួនក្នុងការផលិតរឿងក៏ពិតមែន ប៉ុន្តែលោកនៅរក្សាជំហរ និងឆន្ទៈ សម្រាប់លើកស្ទួយវិស័យសិល្បៈរបស់ខ្មែរ ដើម្បីផ្សព្វផ្សាយទៅកាន់ពិភពលោក។ ជាឆន្ទៈ លោក ហ៊ុយ យ៉ាឡេង ក៏បានធ្វើការសន្យាដោយខិតខំប្រឹងប្រែងឲ្យអស់លទ្ធភាព ដើម្បីចូលរួមការពារថែរក្សាលើកតម្កើងសិល្បៈទៅកាន់ពិភពលោក៕
អត្ថបទ ៖ ចាន់រ៉ា
ក្រុងហូជីមិញ ត្រៀមសង់ផ្លូវរថភ្លើង ឲ្យបានប្រវែង ៥១០គីឡូម៉ែត្រត្រឹមឆ្នាំ២០៦០
សម្តេច ម៉ែន សំអន ស្នើពលរដ្ឋខេត្តស្វាយរៀង ដែលប្រើអណ្តូងទឹកទាំងអស់ រួមគ្នាថែរក្សាអណ្តូង ដើម្បីប្រយោជន៍រួម
កម្ពុជារំពឹងនឹងទទួលបានភ្ញៀវទេសចរអន្តរជាតិបន្ថែមទៀតមកពីវៀតណាមក្រោយមានការហោះហើរត្រង់ពីទីក្រុងហាណូយ-ភ្នំពេញនាខែតុលា
Miss Preteen Junior Idol 2024 សម្រេចក្តីស្រមៃរាំ «របាំអប្សរា» នៅប្រាសាទអង្គរវត្ត
ហ៊ុយ យ៉ាឡេង ប្រកាសបញ្ចាំទ្រព្យចុងក្រោយតម្លៃ ១ លានដុល្លារ យកលុយថតភាពយន្ត
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល
កម្ពុជា វ៉ាដាច់វៀតណាម និងថៃ ជាប់ក្នុងតារាងចំណាត់ថ្នាក់សណ្ឋាគារល្អបំផុតទាំង១០លើពិភពលោក
-
ព័ត៌មានជាតិ៥ ថ្ងៃ agoអ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ២ ថ្ងៃ agoគម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ១៤ ម៉ោង agoសមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ២ ថ្ងៃ agoសមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
ព័ត៌មានជាតិ១ សប្តាហ៍ agoឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
ជីវិតកម្សាន្ដ១៩ ម៉ោង agoព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៤ ថ្ងៃ agoម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
សុខភាព៦ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ