ស្នេហាកាំរន្ទះដូច ទ្រី ដាណា? Madam Da ទើបនឹងទាក់ទង ប៊ឺរី មិនទាន់បានប៉ុន្មានផង គិតគូរថ្ងៃរៀបការបាត់ហើយ (មានវីឌេអូ)

ប្រិយមិត្តច្បាស់ជាដឹងរួចមកហើយថា Madam Da ទើបនឹងប្រកាសបើកចំហជាសារធារណៈអំពីទំនាក់ទំនងស្នេហារបស់ខ្លួន ជាមួយនឹងកម្លោះរូបសង្ហា ដែលជាតារាសម្ដែងប្រុស ប៊ឺរី ដែលអ្នកទាំងពីរតែងតែបង្ហាញភាពផ្អែមល្ហែមនៅលើបណ្ដាញសង្គមជាញឹកញយ។

មិនតែប៉ុណ្នោះ មហាជនក៏មានការចាប់អារម្មណ៍ទៅលើគូស្នេហ៍ថ្មីថ្មោងមួយនេះខ្លាំងមែនទែន ដែលខាងស្រីគឺជា អ្នកជំនួញអនឡាញដ៏ល្បីល្បាញ និង មានទ្រព្យសម្បត្តិរាប់លានដុល្លារ ហើយក៏ទើបនឹងប្រកាសបែកបាក់ស្នេហាជាមួយនឹងគូស្នេហ៍ដែលជាភេទដូចគ្នា ចំណែកឯ ខាងប្រុស ក៏ទើបតែចែកផ្លូវជាមួយមិត្តស្រីវ័យក្មេងដូចគ្នាផងដែរ។

ថ្មីៗនេះទៀតសោត មហាជនមានផ្ទុះចំណាប់អារម្មណ៍ទៅលើអ្នកទាំងពីរ តាមរយៈការឡាយវីដេអូ Madam Da និង លោក ប៊ឺរី​ ក៏បាននិយាយនៅនឹងមុខអ្នកទស្សនាថា ពួកគេមានគម្រោងរៀបការនៅ ខែកុម្ភៈ ដើមឆ្នាំ២០២៥ ខាងមុខនេះហើយ យ៉ាងណាមិញ សារធារណជន បាននាំគ្នាខមិនអបអរទៅកាន់គូស្នេហ៍មួយគូនេះ ហើយជូនពរឲ្យមានសុភមង្គលថែមទៀតផង៕