ជីវិតកម្សាន្ដ

កំពូលតារាចម្រៀង ព្រាប សុវត្ថិ ប្រកាសឆន្ទៈប្ដេជ្ញាគាំទ្រ និងជឿជាក់លើរាជរដ្ឋាភិបាលកម្ពុជា

បានផុស

១ ខែ មុន

នៅ

ថ្ងៃសៅរ៍ ១៧ សីហា ២០២៤

ដោយ

កំពូលតារាចម្រៀងមានងារជាឧកញ៉ា ព្រាប សុវត្ថិ បានប្រកាសឆន្ទៈយ៉ាងមុតមាំដោយប្ដេជ្ញាគាំទ្រ និងជឿជាក់យ៉ាងពេញទំហឹងលើរាជរដ្ឋាភិបាលកម្ពុជា ដឹកនាំដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ តារាចម្រៀងជើងចាស់លំដាប់ប្រទេសល្បីឈ្មោះឧកញ៉ា ព្រាប សុវត្ថិ ក៏បានប្រកាសពីឆន្ទៈផងដែរក្នុងការគាំទ្រកិច្ចសហប្រតិ្តការអភិវឌ្ឍន៍តំបន់ត្រីកោណ CLV-DTA។ លោកឧកញ៉ា ព្រាប សុវត្ថិ បញ្ជាក់ដែរថា លោកពិតជាមានទំនុកចិត្តខ្លាំងលើរាជរដ្ឋាភិបាលកម្ពុជាចំពោះការអភិវឌ្ឍនៅតំបន់នោះ។

តារាចម្រៀង ព្រាប សុវត្ថិ បានឲ្យដឹងថា ក្រោមការដឹកនាំ និងការអភិវឌ្ឍរីកចម្រើនទាំងសុខសន្តិភាព ទាំងហេដ្ឋារចនាសម្ព័ន្ធនានា របស់ប្រមុខរាជរដ្ឋាភិបាល ទើបធ្វើឲ្យប្រជាពលរដ្ឋខ្មែរមានទំនុកចិត្តដោយភាពកក់ក្ដៅ និងពង្រីកអាជីវកម្មរបស់ខ្លួនបន្តទៀតប្រកបដោយភាពជឿជាក់។

លោកឧកញ៉ា ព្រាប សុវត្ថិ បានបញ្ជក់ដោយខ្លីទៀតថា «ខ្ញុំជឿជាក់លើរដ្ឋាភិបាលកម្ពុជា ខ្ញុំគាំទ្រកិច្ចសហប្រតិបត្តិការអភិវឌ្ឍន៍តំបន់ត្រីកោណCLV-DTA»។

សូមបញ្ជាក់ដែរថា លោកឧកញ៉ា ព្រាប សុវត្ថិ គិតមកដល់ពេលនេះ លោកនៅតែរក្សាបានការគាំទ្រច្រើននៅលើវិថីសិល្បៈចម្រៀង ខណៈចំណងស្នេហាក៏ទទួលបានការកោតសរសើរថាជាគូស្នេហ៍គំរូសម្រាប់អ្នកសិល្បៈ និងមហាជនផងដែរ៕

អត្ថបទ ៖ ចាន់រ៉ា