ជីវិតកម្សាន្ដ

ព្រះកាយ ច័ន្ទ មោទនភាពខ្លាំងបានឱកាសសម្តែងល្ខោនក្បាច់របាំបុរាណខ្មែររឿង «ព្រះបាទជ័យវរ័្មនទី៧”

បានផុស

៧ ខែ មុន

នៅ

ថ្ងៃពុធ ៤ កញ្ញា ២០២៤

ដោយ

តារាស្រីពហុជំនាញកញ្ញា ព្រះកាយ ច័ន្ទ បានសម្តែងពីអារម្មណ៍រំភើប និងមោទនភាពខ្លាំងបន្ទាប់ពីទទួលបានឱកាសចូលរួមសម្តែងល្ខោនក្បាច់របាំបុរាណខ្មែររឿង «ព្រះបាទជ័យវរ្ម័នទី៧” ដែលនឹងរៀបចំឡើងនាចុងខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែង ព្រះកាយ ច័ន្ទ បានបញ្ជាក់ថា នាងពិតជារំភើបហួសនឹងថ្លែងដែលមាននិស្ស័យ មានសំណាងក្នុងការចូលរួមព្រឹត្តិការណ៍ដ៏អស្ចារ្យបែបនេះ។ ម្យ៉ាងទៀត រឿងដែល ព្រះកាយ ច័ន្ទ កាន់តែរំភើបខ្លាំងទៀតនោះគឺនាងមានឱកាសបានគ្រងឈុតព្រះនាងជ័យរាជទេវី ផងដែរ។

ព្រះកាយ ច័ន្ទ បាននិយាយឲ្យដឹងថា “នាងខ្ញុំពិតជាមានកិត្តយសណាស់ដែលមានវត្តមាន នៅក្នុងការសម្តែងល្ខោនក្បាច់របាំបុរាណខ្មែររឿង «ព្រះបាទជ័យវរ្ម័នទី៧ ដកស្រង់ត្រង់ឈុតស្នាព្រះហស្ថ និង សមិទ្ធផលនៃមហាវីរក្សត្រទាំង ៣ អង្គ» ដូច្នេះបងប្អូនដែលស្រលាញ់ នឹងចង់ថែនៅសិល្បៈវប្បធម៌យើងដល់ពេលដែលអ្នកទាំងអស់ត្រូវបង្ហាញហើយ“។

នាងបញ្ជាក់បន្ថែមថា កម្មវិធីមហោស្រពរបាំក្បាច់បុរាណខ្មែររឿង” ព្រះបាទជ័យវរ្ម័នទី៧”គឺនឹងមានការសម្តែងនៅសាលមហោស្រពកោះពេជ្រនាថ្ងៃទី២៨ និងទី២៩ ខែកញ្ញា ឆ្នាំ២០២៤ ដោយមានការសម្តែងពីរពេលនៅវេលាម៉ោង ១៥:០០រសៀលនិងវេលាម៉ោង១៨ :០០ល្ងាច។លើសពីចូលរួមទស្សនាលោកអ្នកក៏បានរួមចំណែកអភិរក្សគាំទ្រ និងលើកស្ទួយគុណៈតម្លៃដ៏វិសេសនៃសិល្បៈវប្បធម៌ខ្មែរទៀតផង។

សូមបញ្ជាក់ថា ព្រះកាយ ច័ន្ទ បានចូលប្រឡូកក្នុងសិល្បៈនាអំឡុងងឆ្នាំ២០១១ ខណៈដែលទស្សនិកជនស្គាល់នាងដំបូងតាមរយៈការធ្វើជាពិធីការិនី និងសម្ដែងភាពយន្តជាច្រើនរួមមាន “ផ្ការីកក្នុងចិត្ត” និង រឿង” ភ្លើងព្យាបាទ”ជាដើម។ បច្ចុប្បន្ន ព្រះកាយ ច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយលើអាជីពសិល្បៈស្ទើរគ្រប់ទម្រង់។

បន្ទាប់ពីចូលរួមប្រកួតដោយឆ្លងកាត់ការប្រឡងវគ្គជម្រុះជាច្រើននៅក្នុងកម្មវិធីកញ្ញាឯកដ៏អស្ចារ្យទីបំផុត គឺរកឃើញម្ចាស់ម្កុដ Miss Grand ភ្នំពេញ២០២៤ បានទៅលើបេក្ខភាពតារាសម្តែងកញ្ញា ព្រះកាយ ច័ន្ទ ដែលតំណាងខណ្ឌទួលគោក ប៉ុន្តែក្រោយកាន់តំណែងនេះបានប៉ុន្មាននាង ក៏បានប្រកាសដំណឹងលាឈប់ពីតំណែងដោយគ្មានការសោកស្តាយឡើយ៕

អត្ថបទ៖ ចាន់រ៉ា