ជីវិតកម្សាន្ដ

សុខភាព Justin កាន់តែព្រួយបារម្ភ ក្រោយតារារ៉េប Diddy ចាប់ខ្លួនបទល្មើសផ្លូវភេទ

បានផុស

៣ ខែ មុន

នៅ

ថ្ងៃសុក្រ ២៧ កញ្ញា ២០២៤

ដោយ

ចាប់តាំងពីតារារ៉េប Diddy ត្រូវចោទប្រកាន់ពីបទជួញដូរផ្លូវភេទកក្រើកក្នុងវិស័យសិល្បៈបរទេស ងាកទៅកាន់ Justin Bieber បានធ្វើឲ្យសាធារណជនព្រួយបារម្ភអំពីសុខភាព ដោយសារតែគាត់មើលទៅស្គមស្គាំងខ្លាំងពេលបង្ហាញខ្លួនជាលើកដំបូងជាមួយភរិយា។

កាលពីថ្ងៃទី ២៦ ខែកញ្ញា កាសែត Daily Mail បានទាក់ទាញការចាប់អារម្មណ៍ នៅពេលដែលវាបានចេញផ្សាយស៊េរីចុងក្រោយនៃរូបថតរបស់ Justin Bieber ចំពេលព័ត៌មានទាក់ទងនឹងការចាប់ខ្លួនមហាសេដ្ឋីហ៊ីបហប Sean Combs (Diddy) ដែលអង្រួនសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែតអង់គ្លេស ប៉ាប៉ារ៉ាស៊ីបានប្រទះឃើញ Justin Bieber ចេញទៅញ៉ាំបាយជាមួយភរិយានៅទីក្រុង Los Angeles កាលពីថ្ងៃទី ២៣ ខែកញ្ញា ខណៈពេលដែល Hailey បង្ហាញរូបរាងដ៏ភ្លឺស្អាត ឯស្វាមីបានធ្វើឲ្យគ្រប់គ្នាហាក់មានការភ្ញាក់ផ្អើល ជាមួយនឹងរូបរាងដ៏ស្គមស្គាំងនិងមិនធ្លាប់ឃើញពីមុនមកទេ។

គូស្នេហ៍តារាត្រូវគេប្រទះឃើញអមដំណើរដោយអង្គរក្ស ហើយអ្នកទាំងពីរមើលទៅសប្បាយរីករាយ ព្រមទាំងញញឹមដាក់គ្នាទៅមក។ ផ្ទុយទៅនឹងការបញ្ចេញទឹកមុខដ៏ស្រស់ស្អាតរបស់ Justin ហាក់បង្ហាញអាការក្រៀមក្រំ ចំណែកពុកចង្ការបានធ្វើឲ្យគាត់មិនសមនឹងអាយុ ៣០ ឆ្នាំហើយមើលទៅដូចជាបុរសវ័យកណ្តាលក្នុងវ័យ ៤០ ឆ្នាំដែលបានឆ្លងកាត់ការលំបាកជាច្រើន។

នៅលើវេទិកាអនឡាញ អ្នកគាំទ្របានសម្តែងការព្រួយបារម្ភថា គាត់ហាក់ដូចជាកំពុងឆ្លងកាត់អ្វីមួយដែលមានអារម្មណ៍មិនសប្បាយចិត្ត។ គាត់មើលទៅមិនមានសុខភាពល្អដូចពីមុនទេ កាន់តែស្គមស្គាំងជាងមុនឆ្ងាយ មិនដឹងថាមានអ្វីកើតឡើងទេ។

យ៉ាងណាមិញ មិនមែនជារឿងចម្លែកនោះទេដែល Justin បានក្លាយជាចំណុចកណ្តាលនៃការចាប់អារម្មណ៍ បន្ទាប់ពីអតីតអ្នកណែនាំរបស់គាត់ឈ្មោះ Diddy ត្រូវបានចាប់ខ្លួន និងចោទប្រកាន់កាលពីថ្ងៃទី ១៦ ខែកញ្ញា លើការចោទប្រកាន់ជាច្រើន រួមទាំងការជួញដូរផ្លូវភេទផងដែរ។ មកដល់ពេលនេះ ម្ចាស់បទ Sorry មិនទាន់ចេញមុខបកស្រាយជាសាធារណៈជុំវិញហេតុការណ៍នេះទេ ប៉ុន្តែគេថាកំពុងជួបវិបត្តិរហូតឈានដល់ការកាត់ផ្តាច់ទំនាក់ទំនងជាមួយភាគីខាងក្រៅ ដើម្បីកុំឲ្យគេសួររឿងដែលខ្លួនមិនចង់ឆ្លើយ។

គួរបញ្ចាក់ដែរថា ថ្មីៗនេះ វីដេអូ និងរូបភាពជាច្រើនរបស់ Justin និង Diddy កាលពីអតីតកាលកំពុងរីករាលដាលលើបណ្ដាញអ៉ិនធើណេត។ ទស្សនិកជនសង្ស័យថា មានរឿងខុសឆ្គងរវាងអ្នកទាំងពីរ នៅពេលពួកគេបានសហការបទចច្រៀងជាមួយគ្នា ហើយរហូតមកដល់សព្វថ្ងៃនេះ គ្មាននរណាដឹងថាមានរឿងអ្វីកើតឡើងរវាង Justin និង Didd yឡើយ។ ទោះជាយ៉ាងណា ការធ្លាក់ចុះដែលអាចមើលឃើញរបស់ Justin ធ្វើឲ្យការថប់បារម្ភរបស់អ្នកគាំទ្រជុំវិញពិភពលោកកើនឡើងពីមួយថ្ងៃទៅមួយថ្ងៃ៕