កន្លងទៅជាង១០ឆ្នាំហើយ សម្រស់តួ កូនប្រសារស្រី នៅតែក្មេងល្ហក់ ដូចទើបនឹងថតរឿងចប់ម្សិលមិញ!

ដូចដែលយើងដឹងស្រាប់ហើយថា រឿង កូនប្រសារស្រី ដែលជាស្នាដៃនិពន្ធរបស់អ្នកស្រី ពាន់ ភួងបុប្ផា ត្រូវបានជីកកកាយ​សារឡើងវិញ ធ្វើឲ្យផ្ទុះការគាំទ្រសាជាថ្មី។ ជាពិសេស តួអង្គ កូនប្រសារស្រី ដែលសម្ដែងដោយ អ្នកនាង នី មុល្លីកា ទទួលបានការចាប់អារម្មណ៍ជាខ្លាំង តាមរយៈសមត្ថភាពសម្ដែងនៅក្នុងរឿងភាគខ្មែរមួយនេះ។

មិនតែប៉ុណ្ណោះ ថ្មីៗនេះ អ្នកនាង មុល្លីកា ក៏បានបង្ហោះវីដេអូមួយ តុបតែងខ្លួនជាតួអង្គ សោភា ដែលជាកូនប្រសារស្រី ម្ដងទៀត។ រូបនាង បានបង្ហាញអំពីឈុតឆាកកន្លែងញុំានំបញ្ចុក ធ្វើឲ្យមហាជនមានការភ្ញាក់ផ្អើលជាខ្លាំង ចំពោះសម្រស់ដែលនៅតែក្មេងដដែល ដូចទើបនឹងថតរឿងនេះចប់ម្សិលមិញអ៊ីចឹង។

បើទោះបីជារឿងភាគខ្មែរមួយនេះ បានចាក់បញ្ចាំងតាំងពីជាង១ទសវត្សហើយក្ដី ប៉ុន្ដែក្រឡេកមកមើលសម្រស់របស់តួឯកស្រី ហាក់បីដូចជាមិនចាស់ទាល់តែសោះ ខុសប្លែកពីតួអង្គដទៃទៀត​។​ បច្ចុប្បន្នអ្នកនាង នី មុល្លីកា កំពុងតែរស់នៅយ៉ាងមានសុភមង្គល ជាមួយស្វាមី និងកូនប្រុសស្រី២រូប នៅឯសហរដ្ឋអាមេរិក លាចាកឆ្ងាយពីអាជីពសិល្បៈ៕

ចុច Link ដើម្បីទស្សនាវីដេអូ៖

https://www.facebook.com/reel/568062309029788