ឈឺចិត្តពេក! Drake បានដាក់ពាក្យប្ដឹងបទ Not Like Us របស់ Kendrick Lamar

ដូចដែលយើងដឹងហើយថា វប្បធម៌របស់វិស័យ Hip Hop គេតែងតែចេញបទចម្រៀងដៀមដាមវាយប្រហារទៅកាន់តារាណាម្នាក់ដែលជាដៃគូប្រជែង ហើយគេបង្កើតបទបែបម៉្យាង ដែលគេហៅថា Diss Track ដើម្បីបង្កើតជាការឆ្លងឆ្លើយគ្នា បម្រើអារម្មណ៍អ្នកស្ដាប់កម្សាន្ត។

ដូចដែល Kendrick Lamar បានចេញបទ Not Like Us ដែលជាបទបែបនិយាយផ្លែផ្កា ចំៗទៅកាន់ Drake ដែលបទនេះ ចេញភ្លាម ធ្វើឲ្យកក្រើកវិស័យ Hip Hop ជាខ្លាំង ព្រោះនៅក្នុងបទនោះ វាយប្រហារយ៉ាងខ្លាំង ហើយក៏មានឃ្លាដែលដាក់ឈ្មោះ Drake ចំៗ ដែលជាតារារ៉េបម្នាក់ កំពុងតែមានជម្លោះនឹងគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ដោយសារតែបទនេះ ធ្វើឲ្យប៉ះពាល់ដល់កិត្តិយសខ្លាំងពេក ថ្មីៗនេះ តាមប្រភពបានឲ្យដឹងថា Drake បានដាក់ពាក្យបណ្ដឹងទៅលើ Universal Music Group និង Spotify ដោយចោទប្រកាន់ទៅលើពួកគេថា ឃុបឃិតគ្នាដើម្បីធ្វើឲ្យប្រជាប្រិយភាពរបស់បទ Not Like Us កាន់តែរីករាលដាល។

Drake បានចោទប្រកាន់ទៅលើ UMG ថា Artificially Inflate ដែលមានន័យថា បំប៉ោងរឿងតូច ធ្វើឲ្យក្លាយជារឿងធំ ដោយបានប្រើវិធីគ្រប់យ៉ាងធ្វើយ៉ាងណាឲ្យបទចម្រៀងខាងលើ កាន់តែមានប្រជាប្រិយភាព។ គេបានទាយដឹងថា បើទោះបីជា Drake អាចនឹងឈ្នះក្ដីក៏ពិតមែន ប៉ុន្ដែរូបលោកនឹងបាត់បង់កិត្តិយស ដោយសារតែការប្ដឹងមួយនេះ៕