ជីវិតកម្សាន្ដ

Jacquelin ខ្លាចការអញ្ជើញទៅថៃ ក្រោយតួសម្ដែងចិន២រូប ជាប់ក្នុងអន្ទាក់ចាប់ជំរិត

បានផុស

៤ ខែ មុន

នៅ

ថ្ងៃចន្ទ ២៧ មករា ២០២៥

ដោយ

តារាសម្ដែងហុងកុង Jacquelin Ch’ng បានលើកឡើងពីការព្រួយបារម្ភអំពីការបោកប្រាស់ដែលអាចកើតមានបន្ទាប់ពីទទួលបានការផ្តល់ជូនការងារទៅប្រទេសថៃ ជាពិសេសក្រោយបាត់ខ្លួនតារាសម្តែង Wang Xing និងតារាម៉ូដែល Yang Zeqi នៅពេលពួកគេមកដល់ប្រទេសមួយនេះ។

យោងតាមសារព័ត៌មាន Dimsum Daily តារាសម្ដែងវ័យ៤៤ឆ្នាំបានបង្ហាញនៅលើ Instagram ថា នាងទទួលការអញ្ជើញដែលសរសេរជាភាសាចិនពីភ្នាក់ងារផ្សាយពាណិជ្ជកម្មថៃ។ សំណើនេះបានផ្តល់ ថវិកាជាង១ម៉ឺនដុល្លារ សម្រាប់នាងក្នុងការចូលរួមក្នុងយុទ្ធនាការម៉ាកយីហោឈុតហែលទឹក ដោយផ្តល់សិទ្ធិប្រើប្រាស់ផ្តាច់មុខសម្រាប់រូបថតផ្សព្វផ្សាយក្នុងរយៈពេលប្រាំមួយខែ។ ទីតាំងថតដែលបានស្នើរួមមានភូកេត ឬប៉ាតាយ៉ា។

ទោះបីជាមានការផ្តល់ជូនដ៏ទាក់ទាញក៏ដោយ Ch’ng បានសួរភ្លាមៗអំពីភាពត្រឹមត្រូវរបស់វា ដោយពណ៌នាថាវាគួរឲ្យសង្ស័យ។ នាងបានបញ្ចេញការព្រួយបារម្ភផ្ទាល់ខ្លួនតាមប្រព័ន្ធអ៊ីនធឺណិត ដោយសរសេរថា «ពេលទទួលបានការអញ្ជើញផ្សាយពាណិជ្ជកម្មដែលនិយាយពីការថតនៅប្រទេសថៃ តើធ្វើដូចម្តេចទើបអាចកំណត់បានថាពិត ឬក្លែងក្លាយ?

ការបារម្ភរបស់នាងឆ្លុះបញ្ចាំងពីការភ័យខ្លាចកាន់តែខ្លាំងឡើង លើការបោកប្រាស់ដែលផ្តោតលើតួរលេខឧស្សាហកម្មកម្សាន្ត នោះក៏ជាក្តីបារម្ភមួយដែលត្រូវបានគូសបញ្ជាក់ដោយករណីថ្មីៗរបស់ Wang Xing និង Yang Zeqi ។

សូមរម្លឹកថា ករណីចាប់ជំរិតលើតារាសម្ដែងចិន២រូបគឺ Wang Xing និង Yang Zeqi គឺសុទ្ធតែទទួលការអញ្ញើញឲ្យទៅប្រទេសថៃដូចគ្នា។ អ្នកទាំង២បានទៅដល់នាំទៅព្រំដែនថៃ-មីយ៉ាន់ម៉ា ក្នុងខេត្ត Tak ហើយស្រាប់តែបាត់បងទំនាក់ទំនងជាមួយគ្រួសារ។ យ៉ាងណាមកដល់សពញវថ្ងៃ តារាចិនបានទៅដល់ស្រុកកំណើតវិញរៀងៗខ្លួនហើយដោយកាលណោះប៉ូលិសទៅជួយទាន់ពេលវេលា៕