តោ មិញស៊ឺ ដៃគូចាស់ បង្ហាញអារម្មណ៍រន្ធត់ចិត្ត ចំពោះការស្លាប់របស់ តួអង្គសាន់ ឆាយ

ដូចដែលយើងដឹងហើយថា Barbie Hsu តួអង្គ សាន់​ ឆាយ ត្រូវបានប្អូនស្រីប្រកាសដំណឹងមរណភាពកាលពីម្សិលមិញនេះ ដោយមូលហេតុនៃការស្លាប់គឺបណ្ដាលមកពីជំងឺផ្ដាសាយ និងរលាកសួត។ ជុំវិញដំណឹងក៏ក្រៀមក្រំមួយនេះ តារាសម្ដែងប្រុស Jerry Yan ដែលជាតួអង្គ តោ មិញស៉ឺ ដៃគូសម្ដែងរបស់ Barbie ក៏បានបង្ហាញអារម្មណ៍រន្ធត់នឹងដំណឹងនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងជើងចាស់ Jerry Yan បានសរសេរសារទៅកាន់តារាស្រី Barbie ថា “ខ្ញុំពិតជារីករាយណាស់ដែលបានជួបអ្នក។ នៅពេលដែលអ្នករស់នៅក្នុងជីវិតដ៏មានសេរីភាពដូចជាកូនក្មេង អ្នកតែងតែនិយាយថា ត្រូវចាត់ទុករាល់ថ្ងៃឲ្យដូចជាថ្ងៃចុងក្រោយនៃជីវិត ហើយធ្វើរឿងឲ្យបានច្រើន។ ពេលនេះ យកពេលវេលារបស់អ្នក ហើយទៅតាមសម្រួលចុះ។ ចាប់ពីថ្ងៃនេះតទៅ នៅពិភពលោកផ្សេង អ្នកមានពេលវេលាស្ងប់ស្ងាត់ ដោយមិនមានអ្វីមករំខានហើយ។”

គួរបញ្ជាក់ផងដែរថា Jerry Yan គឺជាតារាសម្ដែងប្រុសដ៏មានប្រជាប្រិយភាពខ្លាំងនៅក្នុងរឿង F4 ដែលដើរតួឯក តោ មិញស៉ឺ ជាមួយតួស្រី សាន់ ឆាយ ដែលសម្ដែងដោយ Barbie Hsu នេះឯង។ តាមរយៈសាររបស់ Jerry បានឲ្យដឹងថា អ្នកទាំងពីរនៅតែមានមិត្តភាពជាមួយគ្នា បើទោះបីជាមិនបានជួបមុខគ្នាទៀតក៏ដោយចុះ៕