Dj Koo ស្វាមី សាន ឆាយ បាត់ខ្លួន ក្រោយពីឈឺចាប់ចំពោះការស្លាប់របស់ ប្រពន្ធខ្លួន

ផ្ទុះការព្រួយបារម្ភ ពាក់ព័ន្ធនឹងការបាត់ដំណឹងរបស់​ Dj Koo ដែលជាស្វាមីរបស់ Barbie Hsu ក្រោយពីតារាស្រីរូបនេះ ស្លាប់ ដោយសារជំងឺផ្ដាសាយ និងរលាកសួត កាលពីថ្ងៃទី03 ខែមករា កន្លងទៅនេះ។

ថ្មីៗនេះ Dj Koo ទើបតែបានលើកទូរស័ព្ទរបស់អ្នកកាសែតដែលខលទៅសួរដំណឹងនៃការស្លាប់របស់ប្រពន្ធលោក ដែលគេបានដឹងថា ចម្លើយនោះគឺ វាជារឿងពិត ហើយលោកពិតជាសោកសៅ និងមិនអាចទទួលយកការស្លាប់មួយនេះបានឡើយ។

យ៉ាងណាមិញ តាមរយៈមិត្តជិតស្និទ និងសាច់ញាតិរបស់ Barbie Hsu បានឲ្យដឹងថា ក្រោយពីការស្លាប់របស់ Barbie ហើយ ពួកគេមិនអាចទាក់ទង Dj Koo បាននោះទេ។ បច្ចុប្បន្ន រូបលោក កំពុងតែរស់នៅប្រទេសតៃវ៉ាន់ ដែលជាទីលំនៅរបស់ខ្លួន និងភរិយានេះឯង។

ដោយឡែក មិត្តភក្ដិគេ​បានទៅរកដល់ផ្ទះដោយក្ដីបារម្ភ ប៉ុន្ដែពួកគេរកមិនឃើញ Dj Koo នោះទេ ខណៈដែលខលក៏មិនលើក សារក៏មិនព្រមតប ដែលធ្វើឲ្យមានការបារម្ភកាន់តែខ្លាំង។ គេបានដឹងថា Dj Koo មានតែ Barbie ម្នាក់ប៉ុណ្ណោះ ដែលជាសមាជិកគ្រួសារ និងជាកម្លាំងចិត្ត នៅលើទឹកដីតៃវ៉ាន់។

សុខទុក្ខរបស់ Dj Koo យ៉ាងណាក្ដី គេនៅមិនទាន់ដឹងដំណឹងនៅឡើយ ដឹងត្រឹមតែថា លោកពិតជាពិបាកទទួលយកជាមួយការបាត់បង់ប្រពន្ធជាទីស្រឡាញ់ម្នាក់នេះ៕