ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់

យោងតាមប្រព័ន្ធផ្សព្វផ្សាយតៃវ៉ាន់ និងចិនកាលពីថ្ងៃទី ០៨ Douyin ដែលជាកម្មវិធី TikTok របស់ចិន បានផ្អាកជាអចិន្ត្រៃយ៍នូវគណនីរបស់អតីតស្វាមី Barbie Hsu គឺ អ្នកជំនួញ Wang Xiaofei និងអតីតម្តាយក្មេក Zhang Lan។ សូម្បីតែគណនី SNS របស់តួសាន់ឆាយក៏ត្រូវផ្អាកបណ្ដោះអាសន្នដែរ។

អ្នកគ្រប់គ្រប់កម្មវិធី Douyin បាននិយាយថា សកម្មភាពរបស់ Wang Xiaofei និង Zhang Lan បានរំខានដល់សណ្តាប់ធ្នាប់សាធារណៈ និងរំលោភលើបទដ្ឋានសង្គម និងស្តង់ដារសីលធម៌។ ពួកគេបានផ្សព្វផ្សាយព័ត៌មានមិនពិត​ដោយមិនគោរពចំពោះអ្នកស្លាប់ និងក្រុមគ្រួសារ។ ​

មិនតែប៉ុណ្ណោះ កម្មភាពរបស់ពួកគេបានធ្វើឲ្យមានការរិះគន់យ៉ាងខ្លាំងពីសាធារណជន​ ក្នុងពេលដែលអ្នកលេងអ៊ីនធឺណិតចិនបានសម្តែងការរំលែកទុក្ខរៀងៗខ្លួនចំពោះការស្លាប់ភ្លាមៗរបស់​ Barbie Hsu និងបានជំរុញឲ្យមានការគោរពចំពោះអ្នកស្លាប់។

កាលពីថ្ងៃទី ០៥ នៅពេលដែលkoo jun-yup និងគ្រួសាររបស់ Barbie បានត្រលប់ទៅតៃវ៉ាន់វិញជាមួយនឹងអដ្ឋិធាតុរបស់នាង ភ្លាមៗអតៅតម្ដាយក្មេក Zhang Lan បានរៀបរាប់ពីការស្លាប់របស់កូនប្រសារស្រី ក្នុងអំឡុងពេលផ្សាយពាណិជ្ជកម្មផ្ទាល់។ ការចាក់ផ្សាយនេះ បានទាក់ទាញអ្នកទស្សនាចំនួន ៩.៣ លាននាក់ ជាមួយនឹងចំនួនអ្នកទស្សនា ជិត៣ម៉ឺននាក់ ក្នុងពេលតែមួយគាត់រកបានជាង ១ លានយន់ ពីការផ្សាយមួយនេះ។

អ្នកគ្រប់គ្រង Douyin បានសង្កត់ធ្ងន់ទៀតថា ខ្លួននឹងពង្រឹងវិធានការប្រឆាំងនឹងការរំលោភសិទ្ធិគ្រប់ប្រភេទ និងព័ត៌មានមិនពិតប្រកបដោយអារម្មណ៍ ហើយនឹងដំណើរការសហគមន៍អនឡាញប្រកបដោយការទទួលខុសត្រូវ។ សូម្បីតែ Weibo ក៏បានផ្អាកការផ្សាយបន្តផ្ទាល់ពិធីបុណ្យសព ដែលអតីតម្ដាយក្មេកបានបំពានម្ដងហើយម្ដងទៀតដែរ។

យ៉ាងណាមិញ មានពាក្យចចាមអារ៉ាមបានរីករាលដាលនៅលើវេទិកាដូចជា Weibo ថា Wang Xiaofei បានចំណាយលើការចំណាយលើយន្តហោះធម្មនុញ្ញដើម្បីផ្លាស់ទីអដ្ឋិធាតុរបស់ Barbie Hsu។ ក្រោយមក ប្អូនស្រីរបស់ សាន់ឆាយ បានចេញមុខនិយាយតាមរយៈទីភ្នាក់ងាររបស់នាងថា នីតិវិធីពិធីបុណ្យសពទាំងអស់ត្រូវបានអនុវត្តដោយផ្ទាល់ដោយគ្រួសារ​ និងស្វាមីបច្ចុប្បន្នប៉ុណ្ណោះ។ នាងក៏មិនយល់ថា ហេតុអ្វីអ្នកជំនួញរូបនេះបែរជានិយាយកុហកគេឯងទៅវិញ។ ជាពិសេសលោកក៏កំពុងតែកេញចំណេញលើមនុស្សដែលស្លាប់ទៅហើយ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ​ស្រីល័ក្ខ

ចុចអាន៖តួឯកស្រីក្នុងរឿង F4 កូរ៉េ មានជីវិតមិនខុសពី​ សាន់ឆាយ ឡើយ