ជីវិតកម្សាន្ដ

តួឯកស្រីក្នុងរឿង F4 កូរ៉េ មានជីវិតមិនខុសពី សាន់ឆាយ ឡើយ

បានផុស

២ ខែ មុន

នៅ

ថ្ងៃសុក្រ ៧ កុម្ភៈ ២០២៥

ដោយ

ការស្លាប់ភ្លាមៗរបស់ Barbie Hsu ដែលល្បីល្បាញដោយសារតួនាទីជាសាន់ឆាយ ក្នុងរឿង Meteor Garden ឆ្នាំ ២០០១ របស់តៃវ៉ាន់ កាលពីថ្ងៃទី ០២ ខែកុម្ភៈ បានធ្វើឲ្យអ្នកគាំទ្រភ្ញាក់ផ្អើលជាខ្លាំង។ ប៉ុន្តែទន្ទឹមគ្នានោះដែរ ទស្សនិកជនជាច្រើននឹកឃើញដល់តួឯកស្រីក្នុងរឿង Boys Over Flowers កូរ៉េ គឺ Goo Hye Sun ហើយបានដឹងថាជីវិតរបស់នាងវេទនាមិនចាញ់គ្នាប៉ុន្មានទេ។

Goo Hye Sun កើតនៅឆ្នាំ ១៩៨៤ ហើយបានបង្ហាញខ្លួននៅក្នុងឧស្សាហកម្មកម្សាន្តតាមរយៈការផ្សាយពាណិជ្ជកម្មក្នុងឆ្នាំ ២០០២។ នាងបានចូលប្រឡូកក្នុងវិស័យភាពយន្ដជាមួយនឹងរឿង Nonstop 5 ប៉ុន្តែត្រូវបានគេស្គាល់ ដោយសារតែដលើរជាតួឯកស្រីក្នុងរឿង F4 ប៉ុណ្ណោះ។

ចេញផ្សាយក្នុងឆ្នាំ ២០០៩ ភាពយន្តនេះទទួលបានក្លាយជាល្បីល្បាញជាអន្តរជាតិ ដែលរួមចំណែកដល់តារាប្រុសស្រីដែលចូលរួមសម្ដែងរួមគ្នា។ ទទួលតួនាទីជាតួឯកស្រីដែលមានឈ្មោះថា Geum Jan Di ដំបូងឡើយ នាងទទួលបានមតិអវិជ្ជមានជាច្រើន។ ប៉ុន្តែបន្ទាប់មក នាងបានបង្ហាញដោយជោគជ័យនូវតួអង្គដ៏រឹងមាំ និងរឹងរូស។ បន្ទាប់ពីភាពយន្តនេះទទួលបានការគាំទ្រពេញទ្វីបអាស៊ី Goo Hye Sun ស្រាប់តែក្លាយជាតារាក្នុងឧស្សាហកម្មកម្សាន្តកូរ៉េ ដោយឈរជួរមុខជាមួយ Song Hye Kyo, Kim Tae Hee ជាដើម។

ក្រៅពីសមត្ថភាពសម្ដែងដ៏ល្អតារាស្រីវ័យ៤០ឆ្នាំក៏ជាអ្នកនិពន្ធរឿងដ៏ពិសេសម្នាក់ ដោយបានសរសេរសៀវភៅជាច្រើនដែលទទួលបានការចាប់អារម្មណ៍ខ្លាំងពីទស្សនិកជន។ នាងក៏មានភាពយន្តខ្នាតខ្លីដែលមានស្ទីលផ្ទាល់ខ្លួន ហើយត្រូវបានអ្នកជំនាញកោតសរសើរយ៉ាងខ្លាំង។ ប្រលោមលោករបស់នាងមានឈ្មោះថា Tango លក់បាន ៣ម៉ឺនច្បាប់ក្នុងរយៈពេលមួយសប្តាហ៍នៃការចេញផ្សាយ។ ភាពយន្តដំបូងរបស់នាង The Cheerful Helper បន្ទាប់មកបានឈ្នះរង្វាន់ធំនៅឯមហោស្រពភាពយន្តខ្លីអាស៊ីប៊ូសាន ហើយគម្រោងភាពយន្តដំបូងរបស់នាងគឺ Witchcraft ត្រូវបានចេញផ្សាយនៅថ្ងៃទី ២៤ ខែមិថុនា ឆ្នាំ ២០១០។ តារាស្រីកើតឆ្នាំ ១៩៨៤ ក៏មានសមត្ថភាពគូរ ច្រៀង និងនិពន្ធបទចម្រៀងផងដែរ។

បន្ទាប់ពីការសម្ដែងជាច្រើនឆ្នាំ Goo Hye Sun នៅតែមិនអាចយកឈ្នះស្រមោលដ៏ធំរបស់ Boys Over Flowers បានឡើយ។ នាងត្រូវបានចាត់តាំងឲ្យដើរតួសំខាន់ក្នុងគម្រោងភាពយន្តសំខាន់ៗជាច្រើន ប៉ុន្តែការសម្ដែងមិនបានប្រសើរឡើងទេ គ្រប់ភាពយន្តដែលនាងសម្តែងសុទ្ធតែបរាជ័យ។ មនុស្សជាច្រើនបាននិយាយបែបចំអកថា អាជីពទាំងមូលរបស់តារាស្រី ភ្លឺដោយសាររឿង F4 បន្ទាប់មកក៏រសាត់បាត់ទៅតាមពេលវេលាតែប៉ុណ្ណោះ។

ក្នុងឆ្នាំ ២០១៦ Goo Hye Sun បានរៀបការជាមួយតារាសម្តែង Ahn Jae Hyun បន្ទាប់ពីបានសម្តែងរួមគ្នាក្នុងរឿង Vampire Doctor ។ ពួកគេត្រូវបានគេចាត់ទុកថាជាគូស្នេហ៍ដ៏ស្រស់ស្អាតមួយក្នុងវិស័យកម្សាន្តកូរ៉េ ប៉ុន្តែបានលែងលះគ្នាក្រោយពេល៣ឆ្នាំ។ នៅពេលប្រកាសលែងលះ តួស្រីកូរ៉េបាននិយាយម្តងហើយម្តងទៀតថា ជីវិតរៀបការរបស់នាងគឺដូចជាឋាននរក ដោយចោទប្រកាន់ប្តីថាមិនស្មោះត្រង់ និងបោះបង់ចោលប្រពន្ធ។

ទោះបីជាយ៉ាងណាក៏ដោយ ក្រោយមក ភស្តុតាងជាច្រើនត្រូវបានចេញផ្សាយដែលបង្ហាញថា តារាស្រីរូបនេះបានកុហក។ កត្តានេះបានធ្វើឲ្យតួឯកស្រីក្នុងរឿង F4 ត្រូវទស្សនិកជនបង្ហាញអារម្មណ៍លែងទុកចិត្ត។ ជាពិសេសនាងចូលចិត្តដើរតួជាជនរគ្រោះបំផ្លាញអាជីពរបស់អតីតស្វាមី។ ដោយសារតែនោះ អាជីពសម្ដែងរបស់ Goo Hye Sun កំពុងធ្លាក់ចុះ។

បន្ទាប់ពីមានរឿងអាស្រូវ និងរឿងអាស្រូវជាបន្តបន្ទាប់ Goo Hye Sun បានប្រកាសចូលនិវត្តន៍នៅចុងឆ្នាំ ២០១៩។ ទោះជាយ៉ាងណាក៏ដោយ ត្រឹមតែ ២០ ថ្ងៃបន្ទាប់ពីការប្រកាសនោះ នាងបានបញ្ចេញផលិតផលសិល្បៈថ្មី។ ប៉ុន្មានឆ្នាំចុងក្រោយនេះ នាងកម្របានចូលរួមក្នុងកម្មវិធីកម្សាន្តណាស់។ ម្តងម្កាល នាងបង្ហាញមុខក្នុងកម្មវិធីទូរទស្សន៍ធំៗ ឬសកម្មភាពថតភាពយន្ត។

នៅក្នុងខែឧសភា ឆ្នាំ ២០២៤ Goo Hye Sun បានបង្ហាញខ្លួននៅលើកញ្ចក់ទូរទស្សន៍ដោយត្អូញត្អែរថា នាងគ្មានផ្ទះ ហើយត្រូវរស់នៅក្នុងឡានផ្ទាល់ខ្លួន។ តារាស្រីរូបនេះបន្តថា រាល់សកម្មភាពរបស់នាងធ្វើឡើងក្នុងឡាន ហើយនាងញ៉ាំមី ឬបាយ ព្រមទាំងលាងមុខដោយកន្សែងសើមប៉ុណ្ណោះ។

បន្ទាប់ពីកម្មវិធីបានចាក់ផ្សាយ អ្នកទស្សនាបានគិតថា Goo Hye Sun កុហកដោយសារតែនាងពិតជាមនុស្សចាយលុយ។ ប្រឈមមុខនឹងភាពចម្រូងចម្រាស តារាស្រីបានបកស្រាយថា រឿងនាងមិនមានផ្ទះគ្រាន់តែជាការយល់ច្រលំថា នាងត្រូវរស់នៅបណ្តោះអាសន្នក្នុងឡាន ព្រោះនាងកំពុងសង់ផ្ទះវីឡាក្បែរសាលា។ សម្រស់បាននិយាយថា នាងក៏មានគម្រោងទិញផ្ទះឲ្យសាច់ញាតិម្នាក់ៗផងដែរ។

យ៉ាងណាមិញ ការពន្យល់នេះធ្វើឲ្យអ្នកស្តាប់កាន់តែធុញទ្រាន់។ នៅលើវេទិកាកូរ៉េ មនុស្សជាច្រើនបានរិះគន់ Goo Hye Sun ថាបានប្រើល្បិចដើម្បីទាក់ទាញការចាប់អារម្មណ៍ ដោយនិយាយមិនច្បាស់អំពីស្ថានភាព គ្មានផ្ទះសម្បែងរបស់នាងនៅលើកញ្ចក់ទូរទស្សន៍ឲ្យគេអាណិតអាសូរតែប៉ុណ្ណោះ៕