សាលី ស្រីមាស សន្យាចូលរួមថែរក្សាការផ្សព្វផ្សាយជួយលើកស្ទួយសិល្បៈបុរាណខ្មែរឱ្យគង់វង្ស

បន្ទាប់ពីទទួលបានការឧបត្ថម្ភសង្គ្រោះជីវិតតាមរយ:ការដូរក្រលៀនថ្មីគឺនាដការីរបាំអប្សរាកញ្ញា សាលី ស្រីមាស និងក្រុមគ្រួសារបានបង្ហាញអារម្មណ៍សប្បាយរីករាយ ខណ:នាងមានភ័ព្វសំណាងដែលបានអ្នកឧកញ៉ា លាង ម៉េង ផ្តល់ក្តីអាណិតជួយសង្គ្រោះជីវិត។

ជាគ្នានេះដែរក្រៅពីការដឹងគុណដ៏ធំធេងរបស់អ្នកឧ កញ៉ា នាដការី សាលី ស្រីមាស ក៏បានសន្យាក្នុងការ ចូលរួមថែរក្សាការផ្សព្វផ្សាយជួយលើកស្ទួយសិល្បៈបុរាណខ្មែរឱ្យគង់វង្សក្រោយពេលដែលនាងបានព្យា បាលជំងឺជាសះស្បើយនាពេលខាងមុខ។ប្រាកដណា ស់ សាលី ស្រីមាស ជានាដការីរបាំព្រះរាជទ្រព្យដ៏មា នទេពកោសល្យនិងមានស្នាដៃច្រើនដែលជាធនធានដ៏សំខាន់សម្រាប់ការអភិវឌ្ឍនិងអភិរក្សសម្បត្តិវប្បធម៌ខ្មែរ។

ស្រីមាស បានបង្ហោះសារនៅលើបណ្តាញសង្គមហ្វេសប៊ុករបស់ខ្លួនថានាងខ្ញុំពិតជារំភើបត្រេកអរណាស់ ក្រោយពី​បានបានដំណឹងដ៏ល្អបំផុតមួយថានាងខ្ញុំ ទទួលបាន​ជំនួយពីអ្នកឧកញ៉ា លាង ម៉េង បានរ៉ាប់រងផ្ដល់ថវិកាជួយព្យាបាល​នាងខ្ញុំដែលផ្តល់ក្តីសង្ឃឹមជា ថ្មីផ្តល់កម្លាំងចិត្តបន្ដការសម្រាកព្យាបាលនិងបំពេញក្ដីស្រមៃថែរក្សាការផ្សព្វផ្សាយជួយលើកស្ទួយសិល្បៈបុរាណខ្មែរឱ្យគង់វង្ស។

នាដការីរបាំអប្សរាកញ្ញា សាលី ស្រីមាស បានបន្ថែមថាយ៉ាងណាមិញនាង សូមអរគុណដល់លោកជំទាវ អ្នកឧកញ៉ា ម៉ៅ ចំណានដែលបានជួយជ្រោមជ្រែងក្នុ ងការស្វែងរកជំនួយដល់នាងជាចុងក្រោយសុំលើកម្រាមដៃដប់​សូមអរគុណចំពោះទឹកចិត្តដ៏ធំធេង និងក្ដីមេត្តាករុណាដល់នាងដែលជាសិល្បករបុរាណ៕ អត្ថបទ៖ ចាន់រ៉ា