ភ្ញាក់ផ្អើល! បវរកញ្ញាតំណាងកម្ពុជាឆ្នាំនេះ លាបស្បែកខ្មៅ និងគ្រោងឈុតតាមលំនាំ «លោកតា ដំបងគ្រញូង»

មហាជនកំពុងចាប់អារម្មណ័នឹងការតុបតែងកាយជា លោកតា ដំបងគ្រញូង របស់កញ្ញា ខុន ស្រីខួច បវរកញ្ញាតំណាងកម្ពុជា Miss Global 2025 ដែលតុបតែងកាយខ្មៅមួយតួខ្លួនគ្រោងឈុត «លោកតាដំបងគ្រញូង» មើលទៅពេញដោយឫទ្ធិអំណាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីប្រកួតសម្រស់អន្តរជាតិ Miss Global International 2025 នឹងរៀបចំធ្វើចាប់ផ្តើមនាថ្ងៃទី ៣ ខែមីនា ឆ្នាំ២០២៥ ខាងមុខ លើទឹកដីប្រទេសថៃ ខណៈបច្ចុប្បន្ន កម្ពុជាកំពុងធ្វើជាម្ចាស់ផ្ទះររៀបចំកម្មវិធីផ្សេងៗទទួលស្វាគមន៍បេក្ខភាពបវរកញ្ញាមកពី ៦១ ប្រទេសជុំវិញពិភពលោកផងដែរ មុននឹងទៅប្រកួតបន្តនៅប្រទេសថៃ។

យ៉ាងណាមិញ មុខនឹងធ្វើដំណើរទៅប្រកួតបន្តលើឆាកអន្តរជាតិនៅប្រទេសថៃ ម្ចាស់មកុដ Miss Global Cambodia ខុន ស្រីខួច បានធ្វើឱ្យមហាជនផ្ទុះការចាប់អារម្មណ៍ និងកោតសរសើរខ្លាំង ក្រោយពីបានឃើញនាងថតបង្ហាញនូវឈុតតំណាងជាតិសម្រាប់ត្រៀមយកទៅប្រកួតលើឆាកអន្តរជាតិនេះ ជាមួយនឹងការតុបតែងកាយមិនធ្លាប់មាន។

ក្នុងនោះ ខុន ស្រីខួច បានលើកយកឈុតតំណាងជាតិប្លែកពីឈុតតំណាងជាតិកន្លងមក ដែលមានឈ្មោះថា «លោកតាដំបង គ្រញូង» ដែលត្រូវបានឆ្នៃឡើង តាមលំនាំរូបសំណាក់ តាដំបងគ្រញូង ក្នុងគោលបំណងចង់បង្ហាញពី រូបតំណាងខេត្តបាត់ដំបង ជំនឿលើការបន់ស្រន់ និងប្រពៃណីរបស់ខ្មែរតាំងពីដើមរហូតដល់សព្វថ្ងៃ។

បវរកញ្ញារូបនេះ បានថតបង្ហាញឈុតតំណាងជាតិជាតិនេះ នូវមុខផ្ទាំងប្រាសាទខ្មែរ ខណៈត្រៀមយកទៅប្រកួតលើឆាកប្រទេសថៃ ក្នុងវគ្គប្រកួតបឋមនៅថ្ងៃទី ៧ ខែមីនា ឆ្នាំ២០២៥ នេះដែរ៕