ទោះមិនជាប់ Top! ខុន ស្រីខួច បានបំពេញតួនាទីជាអ្នកតំណាងជាតិអស់ពីសមត្ថភាព ក្នុងឆន្ទៈជាបវរកញ្ញាកម្ពុជា

តាមរយៈកម្មវិធីប្រកួតសម្រស់ និងសមត្ថភាព Miss Global 2025 លទ្ធផលបង្ហាញថា បវរកញ្ញាតំណាងកម្ពុជា ខុន ស្រីខួច មិនជាប់ Top ក្នុងចំណោមបេក្ខភាពបវរកញ្ញានោះទេ។ តែទោះជាបែបនេះ បវរកញ្ញាតំណាងកម្ពុជារូបនេះ បានបង្ហាញឱ្យមហាជនបានឃើញច្បាស់នូវឆន្ទៈខ្ពស់ ក្នុងការតំណាងឱ្យប្រទេសជាតិ ដោយប្រឹងប្រែងអស់ពីសមត្ថភាព។

ជាមួយនឹងបរាជ័យក្នុងការដណ្តើមមកុដ Miss Global 2025 កញ្ញា ខុន ស្រីខួច បានសម្តែងការសុំទោសពីមហាជន ពិសេសអ្នកគាំទ្រ ខណ:ដែលនាងមិនអាចពាំនាំយកលទ្ធផលល្អជូនអ្នកគាំទ្រពីការប្រកួតបានឡើយ។

ទន្ទឹមនឹងការសុំទោស កញ្ញា ខុន ស្រីខួច ក៏បានអះអាងឆន្ទ:របស់ខ្លួនដែរថា បើយកជីវិតទៅប្តូរដើម្បីលើកមុខមាត់ប្រទេសជាតិ ក៏នាងសុខចិត្តព្រម។ ខណៈអ្នកគាំទ្រមួយចំនួន ក៏បានសម្តែងការអាណិត និងលើកទឹកចិត្តនាងផងដែរ។

បន្ទាប់ពីបញ្ចប់ការប្រកួត Miss Global Cambodia 2024 កញ្ញា ខុន ស្រីខួចបានរៀបរាប់ថា “កម្ពុជា ជាទីស្រលាញ់ ខ្ញុំបានខិតខំអស់ហើយលះបង់គ្រប់យ៉ាង ទាំងពេលវេលាផ្ទាល់ខ្លួនទាំងថវិកាទាំងមិត្តភាពដើម្បីអ្នក ពេលនេះខ្ញុំបានបំពេញតួនាទីជាអ្នកតំណាងមុខមាត់ប្រទេសរួចរាល់ហើយ”។

បវរកញ្ញាកម្ពុជារូបនេះបន្តទៀតថា សុំទោស សុំទោសខ្លាំងណាស់ដែលមិនអាចពាំនាំយកលទ្ធផលដែលល្អ ណាមួយជូនអ្នក តែខ្ញុំចង់ប្រាប់អ្នកថាខ្ញុំពិតជាស្រឡា ញ់អ្នកណាស់ប្រជាជនរបស់ខ្ញុំ។ បើយកជីវិតទៅប្តូរដើម្បីលើកមុខមាត់ប្រទេសជាតិខ្ញុំ ខ្ញុំក៏ព្រម។

គួរបញ្ជាក់ថាបន្ទាប់ពីប្រទេសកម្ពុជាបានក្លាយជាម្ចាស់ផ្ទះរយៈពេល៩ ថ្ងៃនៃកម្មវិធីប្រកួតសម្រស់អន្តរជាតិ Miss Global 2025 ដោយមានការទទួលស្វាគ មន៍បេក្ខភាពបវរកញ្ញាមកពីជាង៦០ប្រទេសជុំវិញពិ ភពលោកហើយនោះពោលគឺក្នុងវគ្គសំខាន់នានា ក៏បានបន្តទៅរៀបចំនៅឯប្រទេសថៃ ។

ប្រាកដណាស់នៅក្នុងវគ្គផ្តាច់ព្រ័ត្របានបញ្ចប់ទៅយ៉ា ងរលូនកាលពីថ្ងៃទី០៩ ខែមីនា ឆ្នាំ២០២៥កន្លងទៅ ខណ:បវរកញ្ញាដែលដណ្តើមបានជ័យជំនះក្នុងការប្រកួតកម្មវិធីនេះបានទៅលើនាង Nguyen Dinh Nh u Van មកពីប្រទេសវៀតណាម៕ អត្ថបទ៖ ចាន់រ៉ា