ជីវិតកម្សាន្ដ

តួ ជាំង ជីយ៉ា ប្តូរអាជីពមកធ្វើជាចុងភៅ ក្រោយបាត់មុខពីសិល្បៈ៦ឆ្នាំ

បានផុស

៥ នាទីutes មុន

នៅ

ថ្ងៃសៅរ៍ ១០ ឧសភា ២០២៥

ដោយ

លោក Sammul Chan ជាតារាសម្ដែងនិងច្រៀងរបស់ហុងកុងដ៏មានប្រជាប្រិយភាពម្នាក់ ជាពិសេសមហាជនស្គាល់រូបលោកតាមរយៈរឿងភាគល្បី «យុទ្ធសិល្ប៍ទេវបុត្រណាចា» សម្ដែងជាតួ ជាំង ជីយ៉ា ។ លោកធ្លាប់ជាមុខមាត់ដ៏ល្បីរបស់ប៉ុស្តិ៍ទូរទស្សន៍ TVB ក្រោយចូលនិវត្តន៍ជិត៦ឆ្នាំ តារាសម្តែងរូបនេះបានបរាជ័យជាច្រើនដងក្នុងការផ្លាស់ប្តូរអាជីពពីមួយទៅមួយ។ ឥឡូវនេះនៅអាយុ ៤៧ ឆ្នាំលោកបានក្លាយទៅជាចុងភៅជាផ្លូវការ លែងវិលមកកាន់ការសម្ដែងទៀតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអាជីពសិល្បៈ លោក Sammul Chan ត្រូវគេចាត់ទុកថាមានសម្រស់សង្ហា និងមន្តស្នេហ៍ដ៏លេចធ្លោ ដោយបានទាក់ទាញអ្នកគាំទ្របានយ៉ាងច្រើន ចាប់តាំងពីចាប់ផ្ដើមអាជីពដំបូងៗ។ មុនពេលលាឈប់ លោកបានចូលរួមក្នុងរឿងភាគទូរទស្សន៍ ៣ ទៅ ៤ ក្នុងមួយឆ្នាំ។ នៅឆ្នាំ ២០១៩ លោកស្រាប់តែលាឈប់ឈប់ពីការសម្តែងភ្លាមៗ ហើយតួនាទីដែលបានបង្ហាញខ្លួននៅលើកញ្ចក់ទូរទស្សន៍បន្ទាប់ពីនោះ គឺជាគម្រោងទាំងអស់ដែលផលិតមុនឆ្នាំ ២០១៩ ដូច្នេះហើយរហូតមកដល់ពេលនេះ តារាប្រុសបានចាកចេញពីវិស័យសិល្បៈអស់រយៈពេលជិត៦ឆ្នាំ។

បន្ទាប់ពីបាត់មុខអស់ជាច្រើនឆ្នាំ កាលពីថ្មីៗនេះ អតីតតារាសម្តែង TVB ស្រាប់តែបង្ហោះព័ត៌មានអំពីជីវិតបច្ចុប្បន្នរបស់លោក ហើយបានបង្ហើបថា ខ្លួនបានបញ្ចប់វគ្គបង្រៀនធ្វើម្ហូប (១០០ម៉ោង) ជាផ្លូវការ ក្លាយជាចុងភៅជនជាតិបារាំងដ៏ជំនាញ។ គាត់បានទៅប្រទេសថៃ ដើម្បីសិក្សាធ្វើម្ហូបជាមួយមេចុងភៅដ៏ល្បីឈ្មោះ Alain Ducasse។

នេះចាត់ទុកថាជាវិថីអាជីពថ្មីមួយដែលអតីតតារាសម្ដែងរូបនេះ ខំប្រឹងយ៉ាងខ្លាំង។ គាត់តែងតែចែករំលែករូបភាពថ្មីរបស់គាត់ ទៅកាន់អ្នកដែលស្រលាញ់វិស័យម្ហូប។ ម្តងម្កាល លោកក៏ថតរូបមុខម្ហូបដែលធ្វើ និងទទួលបានការសរសើរជាច្រើនពីអ្នកលេងអ៊ីនធឺណិតនិងអ្នកគាំទ្រ។

**ឈុតមួយក្នុងរឿងភាគល្បី «យុទ្ធសិល្ប៍ទេវបុត្រណាចា»**

ជិត៦ឆ្នាំហើយដែលតួ ជាំង ជីយ៉ា បានចូលនិវត្តន៍ពីវិស័យកម្សាន្ត។ ព័ត៌មានខ្លះនិយាយថា មូលហេតុដែលលោក ចូលនិវត្តន៍ ប្រហែលជាដោយសារគាត់មានជំងឺសរសៃឈាមហ្សែន។ ដោយសារតែមានបញ្ហាសុខភាព លោកត្រូវបង្ខំចិត្តបោះបង់ចោលការងារសម្ដែងដែលមានកម្លាំងខ្លាំង។

បន្ទាប់ពីចាកចេញពីលោក Sammul Chan បានសិក្សា និងទទួលបានវិញ្ញាបនបត្រវិជ្ជាជីវៈជាច្រើនដូចជា៖ ការជិះទូក ការទំនាក់ទំនងភាសាសញ្ញា អាជ្ញាប័ណ្ណមុជទឹក។ តារាសម្ដែងរូបនេះត្រូវបានគេទទួលស្គាល់ថា ជាគ្រូមុជទឹកដែលមានសមត្ថភាពខ្ពស់។

ទោះបីជាយ៉ាងណាក៏ដោយ ឧបទ្ទវហេតុនេះបានកើតឡើងនៅឆ្នាំ ២០២១ នៅពេលដែលគាត់ជាគ្រូបង្រៀនមុជទឹក លោកបានជាប់ពាក់ព័ន្ធនឹងរឿងអាស្រូវដែលបណ្តាលឲ្យសិស្សមុជទឹកលង់ទឹកស្លាប់។ ឆ្លើយតបនឹងការរិះគន់នេះ តារាសម្ដែងមិនបានឆ្លើយតបអ្វីទាំងអស់ទាក់ទង នឹងរឿងអាស្រូវនេះទេ ប៉ុន្តែក្រោយមកលោកក៏លែងបន្តការងារជាគ្រូបង្វឹកទៀតហើយ។

ងាកមកកាន់ជីវិតឯកជន ខុសពីការចែចង់របស់តារាប្រុសជាច្រើននាសម័យដូចគ្នា ដូចជា៖ Raymond Lam, Bosco Wong, Ron Ng តារាប្រុសតូបសង្ហានេះ សឹងតែមិនដែលជាប់ពាក់ព័ន្ធនឹងរឿងអាស្រូវស្នេហាណាមួយឡើយ។ តារាប្រុស ត្រូវបានគេផ្សំគំជាមួយតារាស្រីជាច្រើនដួង ប៉ុន្តែមិនដែលណាត់ជួបអ្នកណាជាសាធារណៈឡើយ។

យ៉ាងណាមិញ ក្នុងវ័យ៤៧ឆ្នាំ លោក Sammul Chan នៅលីវមិនមានគូគាប់ទ្រនាប់ចិត្តឡើយ។ គាត់តែងតែចែករំលែករូបភាពជីវិតសាមញ្ញរបស់គាត់ ពេលខ្លះធ្វើម្ហូបនៅផ្ទះ ពេលខ្លះធ្វើដំណើរឆ្ងាយ ដើម្បីស្វែងរកការបំផុសគំនិតថ្មីៗ។ ហាក់ដូចជាជួបរឿងមិនល្អច្រើនពីជីវិតទាំងសុខភាពនិងការងារ លោកបានជ្រើសរើសផ្លូវផ្សេងសម្រាប់ខ្លួនឯង មិនសូវមានសំឡេងច្រើន មានសន្តិភាពជាង៕