ជីវិតកម្សាន្ដ

អវត្តមាន Park Bom លើឆាកនៅអាមេរិក នាំឲ្យ គេទស្សន៍ទាយវាសនារបស់ក្រុម 2NE1 នាថ្ងៃមុខ

បានផុស

១ year មុន

នៅ

ថ្ងៃព្រហស្បតិ៍ ៥ មិថុនា ២០២៥

ដោយ

សមាជិក 2NE1 បានត្រលប់មកឆាកវិញកាលពីថ្ងៃទី ៣ ខែមិថុនា ក្នុងពិធីបុណ្យដ៏ធំមួយនៅទីក្រុង Los Angeles សហរដ្ឋអាមេរិក ប៉ុន្តែការសម្តែងរបស់ពួកគេមានត្រឹមតែសមាជិកតែបីនាក់ប៉ុណ្ណោះពោលគឺ CL, Sandara Park និង Minzy ដោយអវត្តមាន Park Bom និងបានបញ្ឆេះនូវការបញ្ចេញមតិពីអ្នកគាំទ្រ និងការពិភាក្សាតាមអ៊ីនធឺណិតយ៉ាងគគ្រឹកគគ្រេងពាក់ព័ន្ធនឹងវាសនាក្រុមចម្រៀងមួយនេះ។

**Sandara Park, Minzy និង CL** **រូបភាព៖ kbizoom**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អវត្តមានរបស់ Park Bom ដែលបានទៅកម្សាន្តនៅទីក្រុង Los Angeles កាលពីថ្ងៃទី ២១ ខែឧសភា បើយោងតាមការបង្ហោះនៅលើបណ្តាញសង្គមរបស់នាងផ្ទាល់ ដោយនោះបានធ្វើឲ្យអ្នកគាំទ្រ និងប្រព័ន្ធផ្សព្វផ្សាយមានការងឿងឆ្ងល់ជាខ្លាំង។

ទោះបីជាមានវត្តមាននៅក្នុងទីក្រុងក៏ដោយ ក៏នាងមិនបានចូលរួមក្នុងការសម្តែងការជួបជុំគ្នាដ៏ល្បីរបស់ក្រុមនេះឡើយ ដោយបង្កឲ្យមានសំណួរអំពីហេតុផលនៅពីក្រោយការសម្រេចចិត្តរបស់តារាចម្រៀងវ័យ៤១ឆ្នាំជាពន់ពេក។

ជាមួយគ្នានេះដែរ សមាជិកបីនាក់ផ្សេងទៀតបានចែករំលែកការបង្ហោះសារអបអរសាទរ និងរូបថតក្រុមពីការសម្តែងនៅលើឆាក។ CL បានដាក់ចំណងជើងលើការបង្ហោះរបស់នាងថា «Thank you LA ខណៈ Sandara Park បានអរគុណអ្នកគាំទ្រ ហើយបន្ថែមថា Thank you Blackjacks (fandom ផ្លូវការរបស់ 2NE1)។ ចំណែក Minzy បានសរសេរថា ក្រុមពួកយើងមិនឈប់ត្រឹមនេះទេ ។ រូបភាពបានបង្ហាញយ៉ាងច្បាស់ថា អ្នកទាំងបីកំពុងបង្ហាញថាមពលដ៏ខ្លាំងក្លានៅលើឆាក ដោយទំនុកចិត្តបំផុត ថ្វីដ្បិតតែសលសមាជិកតែ៣នាក់ក៏ដោយ។

ការបង្ហាញខ្លួននៅទីក្រុង Los Angeles របស់ 2NE1 ធ្វើឡើងបន្ទាប់ពីការប្រគំតន្ត្រីដ៏ជោគជ័យរបស់ក្រុមកាលពីលើកមុននៅក្នុងចំណងជើងថា Welcome Back ដែលបានធ្វើឡើងនៅឯសង្វៀនកីឡាអូឡាំពិក KSPO Dome របស់ទីក្រុងសេអ៊ូល ដែលបានបញ្ចប់ការប្រគំតន្ត្រីទេសចរណ៍ពិភពលោករបស់ពួកគេជាមួយនឹងវគ្គផ្តាច់ព្រ័ត្រដ៏ជោគជ័យបំផុត។

យ៉ាងណាមិញ មកទល់ពេលនេះ មិនទាន់មានសេចក្តីថ្លែងការណ៍ផ្លូវការណាមួយត្រូវបានធ្វើឡើងទាក់ទងនឹងការអវត្តមានរបស់ Park Bom នៅឡើយទេ ប៉ុន្តែវត្តមានរួមគ្នា និងការផ្ញើសារដ៏រីករាយរបស់អ្នកទាំងបី បង្ហាញពីសកម្មភាពដែលកំពុងបន្ត ហើយអាចជាជំពូកថ្មីសម្រាប់ក្រុម 2NE1 ក្នុងនាមសមាជិកដែលនៅសេសសល់៣នាក់៕