រដ្ឋមន្ត្រីសង្គ្រាមអាមេរិក រងការរិះគន់ព្រោះពាក់ក្រវាត់.ក ពណ៌ដូចទង់ជាតិរុស្ស៊ី 

រដ្ឋមន្ត្រីក្រសួងសង្គ្រាមអាមេរិក Pete Hegseth កំពុងរងការរិះគន់ ដោយសារតែពាក់ក្រវាត់.ក មានពណ៌ ស ខៀវ និង ក្រហម ដូចទៅនឹងទង់ជាតិរុស្ស៊ី អំឡុងពេលទទួលទានអាហារថ្ងៃត្រង់ការងារ ជាមួយប្រធានាធិបតីអាមេរិក ដូណាល់ ត្រាំ និងប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី នៅឯសេតវិមាន កាលពីថ្ងៃទី ១៧ ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាហានជើងចាស់អាមេរិក Jake Broe ដែលជាម្ចាស់គណនី YouTube មានអ្នកតាមដានជាង ៦៥០ ០០០ នាក់ បានសរសេរនៅលើបណ្ដាញសង្គមថា៖ «លោក Pete Hegseth បានបង្ហាញខ្លួនក្នុងជំនួបជាមួយប្រធានាធិបតី ហ្សេលេនស្គី នៅឯសេតវិមានថ្ងៃនេះ ដោយពាក់ក្រវាត់ក ដែលមានពណ៌ទាំងបីនៃទង់ជាតិរុស្ស៊ី។ អ្នកទាំងនេះពិតជាស្រលាញ់ លោកពូទីននិងរុស្ស៊ី ខ្លាំងណាស់ហើយមើលទៅ។

ទន្ទឹមនោះ សកម្មជនគាំទ្រអ៊ុយក្រែន ឈ្មោះ Joni Askola ក៏ចោទជាសំណួរដែរថា៖ «តើលោក Pete Hegseth កំពុងព្យាយាមផ្ញើសារអ្វីទៅ? ឬមួយគាត់គ្រាន់តែជាមនុស្សល្ងង់?»។

ចំណែក អ្នកប្រើប្រាស់ម្នាក់ទៀតបានលើកឡើងថា កម្រមានក្រវាត់.កពណ៌បែបនេះណាស់។ លោក Hegseth អាចកាត់ក្រវាត់កនេះ តាមការច្នៃម៉ូដដោយខ្លួនឯង។ រីឯអ្នកខ្លះទៀតនិយាយថា លោក Hegseth មិនមែនជាអ្នកគាំទ្ររុស្ស៊ីទេ ប៉ុន្តែហាក់ដូចជាកំពុងបង្ហាញការប្រឆាំងរបស់លោកចំពោះប្រធានាធិបតី ហ្សេលេនស្គី។

ទោះបីជាយ៉ាងណាក៏ដោយ លោក Hegseth មិនទាន់ចេញមុខបកស្រាយចំពោះរឿងជ្រើសរើសក្រវាត់.កនេះទេ ប៉ុន្តែអនុប្រធានាធិបតី JD Vance គិតថា ក្រវាត់កនេះ អាចជាកំពុងបង្ហាញពណ៌របស់ទង់ជាតិអាមេរិកទៅវិញទេ៕

អត្ថបទ៖ សុខ សុវណ្ណ

ចុចអាន៖ Pete Hegseth គំរាមរុស្ស៊ី ខ្លាំងៗ រឿងសង្គ្រាមនៅអ៊ុយក្រែន