ព័ត៌មានអន្ដរជាតិ

ប្រទះឃើញសត្វមូសជាលើកដំបូងនៅក្នុងប្រទេសអ៊ីស្លង់

បានផុស

៩ ខែ មុន

នៅ

ថ្ងៃពុធ ២២ តុលា ២០២៥

ដោយ

យោងតាមការចេញផ្សាយរបស់សារព័ត៌មាន CNA នៅថ្ងៃទី២២ខែតុលា សត្វមូសត្រូវបានគេប្រទះឃើញជាលើកដំបូងនៅក្នុងប្រទេសអ៉ីស្លង់ ដែលបញ្ចប់ការគ្មានមូសដ៏យូរអង្វែងរបស់ប្រទេសនេះ និងជាប្រទេសស្ថិតក្នុងចំណោមកន្លែងគ្មានមូសនៅលើផែនដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលោក Matthias Alfredsson អ្នកជំនាញផ្នែកធម្មជាតិនៅវិទ្យាស្ថានវិទ្យាសាស្រ្តធម្មជាតិនៃប្រទេសអ៉ីស្លង់ សត្វមូស Culiseta annulata ចំនួន ៣ ក្បាល ញី ពីរ និងឈ្មោលមួយ ត្រូវបានគេរកឃើញប្រហែល ៣០គីឡូម៉ែត្រភាគខាងជើងនៃទីក្រុង Reykjavik ។

នេះជាលើកទីមួយហើយដែលមូសត្រូវបានគេរកឃើញរស់នៅតាមធម្មជាតិក្នុងប្រទេសអ៉ីស្លង់។ កាលពីមុន មានតែមូសមួយក្បាលប៉ុណ្ណោះដែលត្រូវបានគេរកឃើញ ដែលវាបានដំណើរតាមយន្តហោះទៅកាន់អាកាសយានដ្ឋាន Keflavik ប៉ុន្តែមិនដែលត្រូវបានគេប្រទះឃើញទៀតទេ។

លោក Alfredsson បានផ្តល់យោបល់ថា សត្វល្អិតនេះអាចមកដល់ថ្មីៗនេះ តាមរយៈកប៉ាល់ ឬកុងតឺន័រដឹកជញ្ជូន។ កាអ្នកវិទ្យាសាស្ត្រនឹងពិនិត្យម្តងទៀតនៅនិទាឃរដូវដើម្បីមើលថាតើមូសអាចរស់នៅ និងបន្តពូជនៅក្នុងប្រទេសអ៉ីស្លង់ដែរឬទេ។

លោកAlfredsson បានបន្តថា ទោះបីអាកាសធាតុកាន់តែក្តៅដោយសារការប្រែប្រួលអាកាសធាតុជួយឱ្យមូសរស់នៅបានឆ្ងាយពីខាងជើងក៏ដោយ តែមូសប្រភេទនេះអាចរស់នៅពេលត្រជាក់បានមិនមែនដោយសារមូលហេតុនេះទេ ។ វាអាចរស់នៅក្នុងរដូវរងាដ៏ត្រជាក់ដ៏យូរ និងអាចពងនៅកន្លែងជាច្រើន ដែលជួយឱ្យវារស់នៅក្នុងអាកាសធាតុដ៏លំបាករបស់អ៉ីស្លង់បាន៕