តៃវ៉ាន់ បង្អួតរថក្រោះ M1 Abrams ផ្ដល់ដោយអាមេរិក ចំពេលមានសម្ពាធពី ចិន

យោធាតៃវ៉ាន់កាលពីថ្ងៃទី ៣១ តុលា បានដាក់ឲ្យប្រើប្រាស់រថក្រោះចម្បាំងសំខាន់ៗ M1 Abrams ផលិតដោយសហរដ្ឋអាមេរិក ដែលជាផ្នែកមួយនៃកិច្ចខិតខំប្រឹងប្រែងដើម្បីជំរុញសមត្ថភាពការពារជាតិរបស់ខ្លួន ចំពេលមានសម្ពាធយោធាកាន់តែខ្លាំងឡើងពីប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយពីសារព័ត៌មាន NHK ពិធីប្រគល់រថក្រោះ M1A2T Abrams ចំនួន ២៨ គ្រឿង បានធ្វើឡើងនាថ្ងៃសុក្រ ៣១ តុលា។ ស្របពេលដែល សហរដ្ឋអាមេរិកបានសម្រេចចិត្តលក់រថក្រោះទាំងនោះទៅឲ្យតៃវ៉ាន់ ក្នុងអំឡុងពេលរដ្ឋបាលដំបូងរបស់ប្រធានាធិបតី ដូណាល់ ត្រាំ។

លោក Lai Ching-te ប្រធានាធិបតីតៃវ៉ាន់ បានថ្លែងនៅក្នុងពិធីនោះថា តៃវ៉ាន់កំពុងពង្រឹងការការពារជាតិរបស់ខ្លួន ដើម្បីការពារខ្លួន និងរក្សាសន្តិភាព និងស្ថិរភាពនៃច្រកសមុទ្រតៃវ៉ាន់។ តៃវ៉ាន់ក៏ប្រឆាំងយ៉ាងម៉ឺងម៉ាត់ ចំពោះការបញ្ចូលទឹកដី ការឈ្លានពាន និងការបង្រួបបង្រួមដោយបង្ខំ។

ក្រសួងការពារជាតិតៃវ៉ាន់និយាយថា រថក្រោះនេះត្រូវបានបំពាក់ដោយកាំភ្លើងធំទំហំ ១២០ មីលីម៉ែត្រ ដែលផ្តល់នូវកម្លាំងបាញ់ដ៏ខ្លាំងក្លា និងមានចលនាខ្ពស់ ជាមួយនឹងល្បឿនអតិបរមា ៦៧ គីឡូម៉ែត្រក្នុងមួយម៉ោង។

យ៉ាងណាមិញ រថក្រោះ M1A2T Abrams សរុបចំនួន ១០៨ គ្រឿង គ្រោងនឹងដឹកជញ្ជូនពីសហរដ្ឋអាមេរិក ទៅកាន់តៃវ៉ាន់ នៅឆ្នាំ ២០២៦។ ជាក់ស្តែង តៃវ៉ាន់មានបំណងជំរុញសមត្ថភាពការពារជាតិបន្ថែមទៀត ដោយធ្វើទំនើបកម្មឧបករណ៍របស់ខ្លួន តាមរយៈការណែនាំរថក្រោះចម្បាំងសំខាន់ៗរបស់យោធាអាមេរិក៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

លោក អាន់វ៉ា៖ កិច្ចព្រមព្រៀងរវាង កម្ពុជា-ថៃ ជាការរំលឹកថា សន្តិភាពមិនត្រូវមើលស្រាលឡើយ