ព័ត៌មានអន្ដរជាតិ
លោកត្រាំរំសាយទណ្ឌកម្មអាវុធ ដែលលោកបៃដិន ធ្លាប់ដាក់មកលើកម្ពុជា
សហរដ្ឋអាមេរិកបានដកទណ្ឌកម្មអាវុធរបស់ខ្លួនមកលើប្រទេសកម្ពុជា ជាវិធានការមួយធ្វើឡើងបន្ទាប់ពីមានកិច្ចព្រមព្រៀងបទឈប់បាញ់រវាងកម្ពុជានិងថៃ កាលពីថ្ងៃទី២៦ខែតុលា ដែលសម្របសម្រួលដោយលោកប្រធានាធិបតី ដូណាល់ ត្រាំ។ ចំណាត់ការនេះ ត្រូវគេមើលឃើញថាមានសារៈសំខាន់បំផុតក្នុងការបង្កើនទំនាក់ទំនងទ្វេភាគីរវាងកម្ពុជា-អាមេរិកក្នុងរយៈពេលជាងមួយទសវត្សរ៍កន្លងមកនេះ។
ការដាក់ទណ្ឌកម្មក្នុងឆ្នាំ២០២១ក្រោមការដឹកនាំរបស់អតីតប្រធានាធិបតី ចូ បៃដិន ធ្វើឡើងក្រោមហេតុផលថាមានការកើនឡើងនៃឥទ្ធិពលយោធារបស់ប្រទេសចិននៅក្នុងទឹកដីកម្ពុជា។
យោងតាមការចុះផ្សាយរបស់រ៉យទ័រនាថ្ងៃសុក្រទី៧ខែវិច្ឆិកានេះ រដ្ឋមន្ត្រីការបរទេសអាមេរិកលោក Marco Rubio បានលុបចោលការរឹតបន្តឹងដោយផ្អែកលើ«កិច្ចខិតខំប្រឹងប្រែងស្វែងរកសន្តិភាព និងសន្តិសុខរបស់កម្ពុជា» រួមទាំងការចូលរួមជាថ្មីជាមួយទីក្រុងវ៉ាស៊ីនតោន លើកិច្ចសហប្រតិបត្តិការការពារជាតិ និងការប្រយុទ្ធប្រឆាំងនឹងឧក្រិដ្ឋកម្មឆ្លងដែន។
ការប្រកាសនេះ កើតឡើងប៉ុន្មានថ្ងៃបន្ទាប់ពីរដ្ឋមន្ត្រីក្រសួងការពារជាតិអាមេរិក Pete Hegseth បានជួបជាមួយរដ្ឋមន្ត្រីក្រសួងការពារជាតិកម្ពុជា ទៀ សីហា នៅប្រទេសម៉ាឡេស៊ី ដែលភាគីទាំងពីរបានព្រមព្រៀងគ្នាក្នុងការចាប់ផ្តើមសមយុទ្ធយោធាទ្វេភាគី ដែលត្រូវបានផ្អាកតាំងពីឆ្នាំ២០១៧។
ក្នុងអំឡុងការចុះហត្ថលេខាបទឈប់បាញ់កាលពីចុងខែតុលាជាមួយប្រទេសថៃ សម្ដេចនាយករដ្ឋមន្ត្រី ហ៊ុន ម៉ាណែត បានសរសើរកិច្ចខិតខំប្រឹងប្រែងសម្របសម្រួលរបស់លោកត្រាំ ហើយបាននិយាយថា សម្ដេចបានតែងតាំងប្រធានាធិបតីសហរដ្ឋអាមេរិកសម្រាប់រង្វាន់ណូបែលសន្តិភាព សម្រាប់តួនាទីរបស់គាត់ក្នុងការបញ្ចប់ការប៉ះទង្គិចនៅតាមព្រំដែនដែលបានផ្ទុះឡើងកាលពីខែកក្កដា៕
ប្រែសម្រួល៖ ឈាង
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង