ព័ត៌មានអន្ដរជាតិ
តៃវ៉ាន់ជម្លៀសមនុស្សជាង៣០០០នាក់ចេញ មុនពេលព្យុះទីហ្វុង Fung-wong ទៅដល់
តៃវ៉ាន់បានចេញការព្រមាន និងជម្លៀសអ្នកស្រុកជាង៣០០០នាក់នាថ្ងៃអង្គារទី១១ខែវិច្ឆិកានេះ ខណៈដែលព្យុះទីហ្វុង Fung-wong កំពុងបោកបក់មកឆ្នេរសមុទ្រភាគខាងត្បូងរបស់កោះ ដោយនាំមកនូវការគំរាមកំហែងនៃភ្លៀងធ្លាក់ខ្លាំង និងគ្រោះទឹកជំនន់។
យោងតាមរ៉យទ័រ ព្យុះដែលបានចុះខ្សោយបន្ទាប់ពីវាយលុកប្រទេសហ្វីលីពីន និងសម្លាប់មនុស្ស៨នាក់នោះ ត្រូវបានគេរំពឹងថានឹងបោកបក់នៅជិតទីក្រុងកំពង់ផែ Kaohsiung នៅថ្ងៃពុធ មុនពេលឆ្លងកាត់ភាគខាងត្បូងកោះតៃវ៉ាន់ និងចេញតាមតំបន់ភាគខាងកើត Taitung និង Hualien។
អាជ្ញាធរបានបញ្ជាឲ្យមានការជម្លៀសនៅក្នុងស្រុក និងទីក្រុងចំនួនបួន ដោយបានផ្លាស់ទីមនុស្សសរុបចំនួន៣៣៣៧នាក់ទៅកាន់តំបន់មានសុវត្ថិភាព។ ទីប្រជុំជន Guangfu ក្នុងទីក្រុង Hualien ដែលមានមនុស្ស១៨នាក់បានស្លាប់ដោយសារទឹកជំនន់ ក្នុងអំឡុងពេលព្យុះទីហ្វុងកាលពីខែកញ្ញា គឺស្ថិតក្នុងចំណោមអ្នកដែលត្រូវជម្លៀសចេញ។
សាលារៀន និងការិយាល័យនានាត្រូវបានបិទនៅថ្ងៃអង្គារនេះនៅក្នុងទីក្រុង Hualien និងទីក្រុង Yilan ខណៈដែលក្រុមមន្ត្រីបានព្រមានអំពីបំណាក់ដីដែលអាចកើតមាន និងការចាល់ទឹកទន្លេ។
លោកប្រធានាធិបតី Lai Ching-te បានជំរុញពលរដ្ឋឲ្យនៅឆ្ងាយពីភ្នំ តំបន់ឆ្នេរ និងតំបន់ដែលមានហានិភ័យខ្ពស់ ដោយនិយាយថា សុវត្ថិភាពគួរតែជាអាទិភាពកំពូល។
ក្រុមអ្នកឧតុនិយមបានប្រកាសថា ភាគខាងជើងកោះតៃវ៉ាន់ រួមទាំងទីក្រុង Hsinchu ដែលជាទីតាំងរបស់ក្រុមហ៊ុនផលិតបន្ទះឈីប TSMC ដ៏សំខាន់ នឹងមិនរងផលប៉ះពាល់ដោយសារព្យុះនោះទេ៕
ប្រែសម្រួល៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ