កូរ៉េខាងត្បូង និងសហរដ្ឋអាមេរិក ព្រមព្រៀងគ្នា លើការសាងសង់នាវាមុជទឹកនុយក្លេអ៊ែរ

ប្រធានាធិបតីកូរ៉េខាងត្បូង លោក Lee Jae Myung បានមានប្រសាសន៍នៅថ្ងៃសុក្រទី១៤ វិច្ឆិកាថា កូរ៉េខាងត្បូង និងសហរដ្ឋអាមេរិក បានបញ្ចប់សន្លឹកព័ត៌មានរួមមួយស្តីពីកិច្ចព្រមព្រៀងលើបញ្ហាពាណិជ្ជកម្ម និងសន្តិសុខជាតិ បន្ទាប់ពីកិច្ចប្រជុំកំពូលរបស់លោក ជាមួយប្រធានាធិបតីអាមេរិក ដូណាលត្រាំ កាលពីខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ពី Reuters លោក Lee បានប្រាប់សន្និសីទសារព័ត៌មានតាមទូរទស្សន៍ថា កូរ៉េខាងត្បូងនឹងសាងសង់នាវាមុជទឹកដើរដោយថាមពលនុយក្លេអ៊ែរ ហើយនឹងបង្កើតភាពជាដៃគូថ្មីជាមួយសហរដ្ឋអាមេរិក លើការសាងសង់នាវា បញ្ញាសិប្បនិម្មិត និងឧស្សាហកម្មនុយក្លេអ៊ែរ។

លើសពីនេះទៀតដែរ កូរ៉េខាងត្បូង ទទួលបានការគាំទ្រពីសហរដ្ឋអាមេរិក ចំពោះសិទ្ធិក្នុងការកែច្នៃឡើងវិញនូវឥន្ធនៈនុយក្លេអ៊ែរដែលបានប្រើប្រាស់រួច។ ចំណែកអាមេរិក គាំទ្រការប្តេជ្ញាចិត្តរបស់កូរ៉េខាងត្បូង ក្នុងការទទួលបានការគ្រប់គ្រងប្រតិបត្តិការសម័យសង្គ្រាមពីទីក្រុងវ៉ាស៊ីនតោន។

ការប្រកាសនេះដែរ បានធ្វើឡើងប្រហែលពីរសប្តាហ៍ បន្ទាប់ពីទីក្រុងសេអ៊ូល និងទីក្រុងវ៉ាស៊ីនតោន បានតម្រៀបព័ត៌មានលម្អិតអំពីការកាត់បន្ថយពន្ធរបស់សហរដ្ឋអាមេរិក លើការនាំចូលរបស់កូរ៉េខាងត្បូង រួមទាំងរថយន្ត; ការវិនិយោគរបស់កូរ៉េខាងត្បូងលើគម្រោងរបស់សហរដ្ឋអាមេរិក; និងកិច្ចសហប្រតិបត្តិការសន្តិសុខរបស់សម្ព័ន្ធមិត្ត ដែលអាមេរិកបានយល់ព្រមអនុញ្ញាតឲ្យកូរ៉េសាងសង់ និងដំណើរការនាវាមុជទឹកដើរដោយថាមពលនុយក្លេអ៊ែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

អាល្លឺម៉ង់ ទាមទារឲ្យស៊ើបអង្កេត លើរឿងអាស្រូវពុករលួយនៅ អ៊ុយក្រែន