ព័ត៌មានអន្ដរជាតិ

រកឃើញមេរោគគ្រុនផ្តាសាយថ្មី កំពុងឆ្លងរាលដាលលឿននៅប៉ែកអឺរ៉ុប

បានផុស

៦ ខែ មុន

នៅ

ថ្ងៃព្រហស្បតិ៍ ១៨ ធ្នូ ២០២៥

ដោយ

ជំងឺគ្រុនផ្តាសាយប្រភេទថ្មី A(H3N2) កំពុងរីករាលដាលពាសពេញតំបន់អ៊ឺរ៉ុប ដែលកើតឡើងយ៉ាងលឿនប្លែកខុសពីធម្មតាក្នុងរដូវរងារនេះ បានកំពុងដាក់សម្ពាធបន្ថែមលើប្រព័ន្ធសុខាភិបាលក្នុងប្រទេសមួយចំនួននៅប៉ែកអ៊ឺរ៉ុប។ នេះតាមការឱ្យដឹងពីការិយាល័យប្រចាំតំបន់របស់អង្គការសុខភាពពិភពលោក [WHO] របស់តំបន់អឺរ៉ុបកាលពីថ្ងៃពុធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារនេះបានឲ្យដឹងថា ជំងឺផ្តាសាយឆ្នាំនេះបានចាប់ផ្តើមកើតឡើងរយៈពេល៤សប្តាហ៍មកហើយ ដែលមានសភាពលឿនជាងរដូវកាលមុនៗ។

ក្រសួងបានឱ្យដឹងទៀតថា យ៉ាងហោចណាស់ ប្រទេសចំនួន២៧ ក្នុងចំណោម៣៨ កំពុងរាយការណ៍ពីទិន្នន័យនៃការឆ្លងកើនឡើងខ្ពស់របស់ជំងឺគ្រុនផ្តាសាយនេះ។

ក្នុងនោះ នៅប្រទេសអៀរឡង់ ស៊ែប៊ី និងចក្រភពអង់គ្លេស និងប្រទេសខ្លះទៀត ជាងពាក់កណ្តាលនៃអ្នកជំងឺដែលមានសភាពដូចផ្តាសាយ ពេលពួកគាត់ធ្វើតេស្ត ពិតជាវិជ្ជមានចំពោះជំងឺគ្រុនផ្តាសាយមែន។

លោក Hans Henri P. Kluge នាយកប្រចាំតំបន់របស់ WHO នៅតំបន់អឺរ៉ុប បាននិយាយថា៖ «ជំងឺគ្រុនផ្តាសាយកើតមានរាល់រដូវរងា ប៉ុន្តែឆ្នាំនេះខុសពីមុនបន្តិច»។

លោកបានបន្ថែមថា មេរោគថ្មី A(H3N2) subclade K ជាមេរោគដែលបង្ករោគខ្លាំង។ លោកឱ្យដឹងបន្ថែមថា ទោះមិនទាន់មានភស្តុតាងណាមួយក្តី ដែលអះអាងថា ជំងឺផ្តាសាយធ្ងន់ធ្ងរក៏ដោយ។ ហើយ WHO បាននិយាយថា រោគសញ្ញានេះបានកើតឡើងរហូតដល់ ៩០ភាគរយនៃករណីជំងឺគ្រុនផ្តាសាយដែលបានកើតឡើងនៅក្នុងតំបន់។

ភ្នាក់ងារ WHO បាននិយាយថា ទិន្នន័យដំបូងរបស់ចក្រភពអង់គ្លេស បង្ហាញថា វ៉ាក់សាំងផ្តាសាយតាមរដូវនីមួយៗ បច្ចុប្បន្នបានកាត់បន្ថយហានិភ័យនៃការឆ្លងពីគ្រុនផ្តាសាយប្រភេទ A(H3N2) បើទោះបីជាការចាក់វ៉ាក់សាំងនេះការពារមិនឱ្យឆ្លងមេរោគក៏ដោយ។

ក្រសួងបានរំឭកឡើងវិញផងដែរថា ការចាក់វ៉ាក់សាំងនៅតែជាវិធានការបង្ការដ៏សំខាន់បំផុតមួយ ដើម្បីជៀសវាងឆ្លងជំងឺធ្ងន់ធ្ងរ ជាពិសេសចំពោះក្រុមមនុស្សដែលមានហានិភ័យខ្ពស់ដូចជា មនុស្សចាស់ អ្នកដែលសុខភាពខ្សោយ ស្ត្រីមានផ្ទៃពោះ និងកុមារ៕

ណឺ មិនា