ខ្យល់ពុលនៅថៃ រាលដាលដល់ ​២៦ខេត្ត ​ខណៈ ​បាងកក ​ក៏រងគ្រោះ

នៅព្រឹកថ្ងៃអង្គារទី២៣ខែធ្នូឆ្នាំ២០២៥ ខ្យល់ពុលក្នុងកម្រិតគ្រោះថ្នាក់ បានរាលដាលដល់ខេត្តចំនួន២៦ហើយក្នុងប្រទេសថៃ ខណៈទីក្រុង បាងកក ក៏រងគ្រោះដែរ។

យោងតាមទិន្នន័យពីទីភ្នាក់ងារអភិវឌ្ឍន៍បច្ចេកវិទ្យាអវកាសនិងភូមិសាស្ត្រព័ត៌មានថៃ (Gistda), គិតត្រឹមម៉ោង៩ព្រឹក ខ្យល់ពុល PM2.5 បានវាយលុកខេត្តចំនួន២៦ ដូចជា៖ Saraburi, Samut Sakhon, Ang Thong, Sing Buri, Ayutthaya, Nakhon Pathom, Lop Buri, Suphan Buri, Nonthaburi, Chai Nat, Pathum Thani, Samut Prakan, Ratchaburi, Nakhon Nayok, Samut Songkhram, Kanchanaburi, Uthai Thani, Phetchaburi, Prachin Buri, Nakhon Ratchasima, Chachoengsao, Nakhon Sawan, Rayong, Phitsanulok, Prachuap Khiri Khan និង Phetchabun។

ខេត្តទាំង២៦ខាងលើបូករួមទាំងទីក្រុងបាងកកផងនោះ គឺមានកម្រិត PM2.5 ចាប់ពី៣៨.២ដល់៦៧.៩មីក្រូក្រាមក្នុងមួយម៉ែត្រគូបនៃខ្យល់ ដែលលើសកម្រិតសុវត្ថិភាពកំណត់ដោយរដ្ឋាភិបាល ត្រឹម៣៧.៥មីក្រូក្រាមក្នុងមួយម៉ែត្រគូបនៃខ្យល់។ 

កាលពីថ្ងៃចន្ទ ខ្យល់ពុល គ្របដណ្តប់តែ២៣ខេត្តប៉ុណ្ណោះ ហើយមានកម្រិតត្រឹម៣៧.៦ ដល់ ៥០.៦ មីក្រូក្រាមក្នុងមួយម៉ែត្រគូបនៃខ្យល់។

ខេត្តទាំង២៣មានដូចជា៖ Samut Sakhon, Pathum Thani, Nakhon Pathom, Ayutthaya, Nonthaburi, Ang Thong, Sing Buri, Samut Prakan, Suphan Buri, Chai Nat, Saraburi, Ratchaburi, Lop Buri, Chachoengsao, Kanchanaburi, Uthai Thani, Phetchaburi, Nakhon Nayok, Samut Songkhram, Phitsanulok, Prachin Buri, Rayong និង Chon Buri.

សូមជម្រាបថា កាលពីថ្ងៃចន្ទ Samut Sakhon គឺជាខេត្តត្រូវខ្យល់ពុលវាយលុកខ្លាំងជាងគេ ពោលគឺកម្រិត PM2.5 បានឈានដល់ទៅ៥០.៦ មីក្រូក្រាមក្នុងមួយម៉ែត្រគូបនៃខ្យល់ ឯណោះ ចំណែកនៅថ្ងៃអង្គារ Saraburi ជាខេត្តដែលរងគ្រោះខ្លាំងជាងគេវិញ ដោយ PM2.5 ឈានដល់៦៧.៩មីក្រូក្រាមក្នុងមួយម៉ែត្រគូបនៃខ្យល់៕

អត្ថបទ៖ សុខ សុវណ្ណ