ព័ត៌មានអន្ដរជាតិ
រថភ្លើងធ្លាក់ផ្លូវនៅម៉ិកស៊ិក បណ្តាលឲ្យមនុស្ស១៣នាក់ស្លាប់
អាជ្ញាធរម៉ិកស៊ិកបានរាយការណ៍កាលពីថ្ងៃអាទិត្យទី២៨ខែធ្នូឆ្នាំ២០២៥ថា មនុស្សយ៉ាងហោចណាស់១៣នាក់បានបាត់បង់ជីវិត បន្ទាប់ពីរថភ្លើងមួយខ្សែ ដែលដឹកមនុស្ស២៥០នាក់ បានធ្លាក់ផ្លូវនៅក្នុងរដ្ឋ Oaxaca ភាគខាងត្បូងប្រទេស។ នេះបើតាមការចុះផ្សាយរបស់ Asia One នាថ្ងៃចន្ទនេះ។
យោងតាមកងទ័ពជើងទឹកម៉ិកស៊ិក រថភ្លើងដែលបានធ្លាក់ផ្លូវនៅជិតទីក្រុង Nizanda មានផ្ទុកក្រុមអ្នកបើក៩នាក់ និងអ្នកដំណើរ២៤១នាក់។ ក្នុងចំណោមអ្នកនៅលើរថភ្លើងទាំងនោះ មនុស្ស១៣៩នាក់ត្រូវបានរាយការណ៍ថាមានសុវត្ថិភាព ខណៈ៩៨នាក់បានរងរបួស រួមទាំង៣៦នាក់កំពុងទទួលការសង្គ្រោះបន្ទាន់។ ប្រធានាធិបតី លោកស្រី Claudia Sheinbaum បានបញ្ជាក់ថា មានជនរងគ្រោះ៥នាក់ស្ថិតក្នុងស្ថានភាពធ្ងន់ធ្ងរ។
សូមជម្រាបថា រថភ្លើងនេះ ត្រូវបានសម្ពោធដាក់ឲ្យប្រើប្រាស់ក្នុងឆ្នាំ២០២៣ ដែលជាផ្នែកមួយនៃគម្រោងច្រករបៀងអន្តរសមុទ្រដ៏ធំ ដើម្បីតភ្ជាប់កំពង់ផែសមុទ្រប៉ាស៊ីហ្វិក Salina Cruz ជាមួយកំពង់ផែ Coatzacoalcos នៃឆ្នេរសមុទ្រ Gulf។ រដ្ឋាភិបាលម៉ិកស៊ិកមានបំណងអភិវឌ្ឍតំបន់នេះឲ្យទៅជាច្រករបៀងពាណិជ្ជកម្មយុទ្ធសាស្ត្រ ដើម្បីប្រកួតប្រជែងជាមួយព្រែកជីកប៉ាណាម៉ា។
បច្ចុប្បន្ន អគ្គស្នងការដ្ឋាននៃអយ្យការម៉ិកស៊ិក បានចាប់ផ្តើមបើកការស៊ើបអង្កេតលើមូលហេតុនៃគ្រោះថ្នាក់នេះហើយ៕
ប្រែសម្រួល៖ ឈាង
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១៧ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន