Connect with us

ព័ត៌មានអន្ដរជាតិ

ការ​កាត់​ទោស​ Derek​ យក​​ជង្គង់សង្កត់​-ក​ George​ ឲ្យ​ស្លាប់​អបអរ​ទាំង​ប្រធានាធិបតី​ និងពលរដ្ឋ

បានផុស

នៅ

អតីត​ប៉ូលិស​អាមេរិក Derek Chauvin ត្រូវ​បាន​ផ្តន្ទាទោស​​ពី​បទ​មនុស្ស​ឃាត​លើ​ជន​រង​គ្រោះ​ឈ្មោះ George Floyd  ដោយ​យក​ជង្គង់សង្កត់​​ពីលើ​-ក​រយៈ​ពេល​ជាង​៩​នាទីបណ្តាល​ឲ្យ​ស្លាប់​ ដែល​ឧក្រិដ្ឋ​កម្ម​នេះ​បាន​ជំរុញ​ឲ្យ​ខឹង​សម្បាយ៉ាងខ្លាំង​​ទូទាំង​សហរដ្ឋ​អាមេរិក និង​ល្បី​ល្បាញ​ទូទាំង​ពិភព​លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
លោក Derek Chauvin ពេល​យក​ទៅឃុំ

បន្ទាប់​ពី​ចំណាយ​ពេល​បើក​សវនាការ​អស់​រយៈ​ពេល​៣​សប្តាហ៍ សេចក្តី​សម្រេច​ត្រូវ​​បាន​សន្និដ្ឋាន​ថា អតីត​ប៉ូលិសស្បែក​ស​នៅ Minneapoliis បាន​សម្លាប់​បុរស​ស្បែក​ខ្មៅ​អាយុ​៤៦​ឆ្នាំ​កាល​ពី​ខែ​ឧសភា​ជា​បទ​ឧក្រិដ្ឋកម្ម ដោយ​បាន​យក​ជង្គង់​សង្កត់​-ក​ដែល​មុខ​ជន​រង​គ្រោះ​ក្កាប់​​នឹង​ដី​មិន​អាច​ដក​ដង្ហើម​រួច។

គណៈ​វិនិច្ឆ័យ​​បាន​​ចេញ​សាលក្រម​ជា​ឯកច្ឆន្ទ​លើ Chauvin ដែល​​​ត្រូវ​ប្រឈមគឺមាន​ពិរុទ្ធភាព​​ចំនួន​៣​គឺឃាតកម្មកម្រិត​ទី​២ ឃាតកម្មកម្រិត​ទី​៣ និងឃាតកម្ម​។ គាត់​នឹង​បន្ត​ស្ថិត​នៅ​ក្នុង​ពន្ធនាគារ​រហូត​ដល់​គាត់​ត្រូវ​បាន​កាត់​ទោស។ យោង​តាម​គោលការណ៍​ច្បាប់គាត់​ប្រឈម​នឹង​ជាប់​ពន្ធនាគារ​​ដល់​៤០​ឆ្នាំ។

បន្ទាប់​​ពី​ការ​ប្រកាស​សាល​ក្រម ​ភ្លាម​ៗ​នោះ​មនុស្ស​ម្នា​ច្រើន​​បាន​អបអរសាទរ​​នៅ​ខាង​ក្រៅ​តុលាការ ក៏​ដូច​ជា​ទូទាំង​សហរដ្ឋ​អាមេរិក។

លោក Benjamin Crump មេ​ធាវី​ម្នាក់​របស់​គ្រួសារ​ជន​រង​គ្រោះ​ Floyd បាន​និយាយ​ក្នុង​សេចក្តី​ថ្លែង​ការណ៍​មួយ​ថា ៖«យុត្តិធម៌​សម្រាប់​ជន​ជាតិ​អាមេរិក​ស្បែក​ខ្មៅគឺ​ជា​យុត្តិធម៌​សម្រាប់​ពល​រដ្ឋ​អាមេរិក​ទាំង​អស់​គ្នា។ ករណី​នេះ​ជា​របថ​​មួយ​នៅ​ក្នុង​ប្រវត្តិ​សាស្ត្រ​អាមេរិក​សម្រាប់​ការ​ទទួល​ខុស​ត្រូវ​ចំពោះ​ការ​អនុវត្ត​ច្បាប់ និង​ជាសា​រ​យ៉ាង​ច្បាស់​​ដែល​យើង​​សង្ឃឹម​ថា គ្រប់​រដ្ឋ និង​ទី​ក្រុង​បាន​ឮយ៉ាង​ច្បាស់»។

ជា​មួយ​គ្នា​នេះ​លោក​ប្រធានាធិបតី ចូ បៃដិន អនុប្រធានាធិបតី Kamala Harris និងស្ត្រី​អាមេរិក​ទី​១​ Jill Biden ក៏​បាន​​ហៅ​ទូរសព្ទ​ទៅ​កាន់​សមាជិក​គ្រួសារ Floyd បន្ទាប់​ពី​សាលក្រម​សម្រេច។

លោក​ បៃដិន ប្រាប់​គ្រួសារ​ថា ៖«គ្មាន​អ្វី​នឹង​ធ្វើ​ឲ្យ​ប្រសើរ​ឡើង​ទាំង​អស់​ទេ​ ប៉ុន្តែ​ហោច​ណាស់​ឥឡូវ​នេះ​ទទួល​បាន​យុត្តិធម៌​ខ្លះ​ដែរ។ យើង​ទាំង​អស់​គ្នា​ធូរ​ចិត្ត​ច្រើន»។

លោក​ប្រធានាធិបតីី ចូ បៃដិន

នៅ​ទី​លាន George Floyd  ដែល​​ជា​កន្លែង​លោក​ Floyd ត្រូវ​បាន​សម្លាប់​មាន​មនុស្ស​ម្នា​ជា​ច្រើន​បាន​ចេញ​ទៅ​អបអរ និង​ស្វាគមន៍​សាលក្រម។

ស្ត្រី​ម្នាក់​ឈ្មោះ Mileesha Smith  និយាយ​ថា ៖«នេះ​គ្រាន់​តែ​ជា​ការ​ចាប់​ផ្តើម ព្រះជាម្ចាស់​នឹង​មិន​អនុញ្ញាត​ឲ្យ​គាត់​ស្លាប់​​ដោយ​ឥត​ន័យ​ទេ។ យើង​ត្រូវ​ការ​ផ្លាស់​ប្តូរ ហើយយើង​ទទួ​បាន។ វា​ធំ​ធេង​ជាង​សាល​ក្រម​ទៀត។ អ្វី​ដែល​យើង​បាន​កំពុង​ប្រយុទ្ធ​ប្រឆាំង​គឺ​សម្រាប់​ពេល​វេលា​ទាំង​ស្រុង។ អ្នក​កំពុង​ប្រាប់​យើង​ថា យើងត្រឹម​ត្រូវ»។

Chauvin ដែល​បាន​បង្ហាញ​អារម្មណ៍​ក្រៀម​ក្រំតិច​តូច​នៅ​ពេល​សាលក្រម​​បានអាន​ត្រូវ​បាន​នាំ​យក​ទៅ​កន្លែង​ឃុំឃាំង​ភ្លាម​ៗ​។

លោក​ប្រធានាធិបតី ចូ បៃដិន បាននិយាយ​ក្នុង​សុន្ទរកថា​មួយ​ទៅ​កាន់​ជន​រួម​ជាតិ​ ដោយ​បាន​សរសើរ​ពី​សាលក្រម ប៉ុន្តែ​កត់​សំគាល់​​ពីការលំបាក​យ៉ាង​ណា​ដើម្បី​ធានា​បាន​នូវ​យុត្តិធម៌៕

ប្រែ​សម្រួល៖ វីរបុត្រ
ប្រភព៖ theguardian

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤៥ នាទី មុន

ចាប់ខ្លួន​ជំនួយការ​ឧកញ៉ា​ម្នាក់ បញ្ជូន​ទៅ​តុលាការ​ពាក់​ព័ន្ធ​នឹង​លុយ​ជាង​២១​ម៉ឺន​ដុល្លារ

ព័ត៌មានជាតិ៥៧ នាទី មុន

សម្ដេច​តេ​ជោ ហ៊ុន សែន អំពាវនាវ​ឱ្យ​អាជ្ញាធរ​រៀបចំ​ទីតាំង និង​បង្កើត​ក្រុម​ចុះ​ចាក់​វ៉ាក់សាំង​ដល់​ភូមិ ដល់ផ្ទះ​របស់​ពលរដ្ឋ

កីឡា១ ម៉ោង មុន

វិសាខា កាន់តែ​មាន​សង្ឃឹម​ឡើង​វគ្គ​បន្ត AFC Cup ក្រោយ​ឈ្នះ​ប្រកួត​ទី​២ លើ​ម្ចាស់ផ្ទះ Bali United

ជីវិតកម្សាន្ដ១ ម៉ោង មុន

ទម្លាយរូបភាពចាស់ៗ បវរកញ្ញាចក្រវាលវៀតណាម កាលនៅក្មេង

នយោបាយ១ ម៉ោង មុន

គណបក្ស​ខ្មែរ​រួបរួម​ជាតិ ប្រកាស​ទទួលយក​លទ្ធ​ផល​ផ្លូវការ ដែល​ប្រកាស​ដោយ គ​.​ជ​.​ប​

Sokha Hotels

ព័ត៌មានពេញនិយម