នៅតែកើនឡើង! ថៃ​​ រកឃើញអ្នកឆ្លងកូវីដថ្មីរហូតដល់ទៅ ២,០៧០ករណី និងស្លាប់៤នាក់ទៀត

នៅថ្ងៃសុក្រទី២៣ខែមេសានេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ ​(CCSA) បានរាយការណ៍អំពីការឆ្លងថ្មីរហូតដល់ទៅ ២,០៧០ករណីនិងអ្នកស្លាប់ ៤នាក់បន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីទាំងអស់ ករណីច្រើនបំផុតពោលគឺ៧៤០ករណី ត្រូវបានរកឃើញនៅទីក្រុងបាងកក បន្ទាប់មកគឺឈៀងម៉ៃមាន២៣៧ករណី, ឈុនបុរី ១២៥ករណីនិង សាមុត ប្រាកាន ៧៩ករណី។

ស្របពេលជាមួយគ្នានោះ មានការនាំចូលពីបរទេសចំនួន៨ករណី ដែលក្នុងនោះមានស្រ្តីជនជាតិថៃ២នាក់មកពីប្រទេសម៉ាឡេស៊ី និងទួរគី និងជនជាតិឥណ្ឌា៥នាក់ និងប៉ាគីស្ថានម្នាក់ ដែលសុទ្ធតែមកពីប្រទេសកំណើតរបស់ពួកគេរៀងៗខ្លួន។

ទន្ទឹមនោះ អ្នកជំងឺចំនួន៣៤១នាក់បានជាសះស្បើយ។

គួរបញ្ជាក់ថា គិតត្រឹមថ្ងៃសុក្រទី២៣ខែមេសានេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់៥០,១៨៣ករណី។ មនុស្សចំនួន ៣០,១៨៩នាក់បានជាសះស្បើយ ហើយអ្នកស្លាប់កើនដល់១២១នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ មិនធ្លាប់មានទាល់តែសោះ! ថ្ងៃនេះ ថៃប្រកាស មានអ្នកស្លាប់ដោយសារជំងឺកូវីដ-១៩ ច្រើនបំផុត