អាមេរិក ប្រកាសឲ្យបុគ្គលិកស្ថានទូតនិងពលរដ្ឋខ្លួននៅទូទាំងមជ្ឈិមបូព៌ា រត់រកកន្លែងសុវត្ថិភាពជាបន្ទាន់

ស្របពេលសង្គ្រាមអ៊ីស្រាអែល-អ៊ីរ៉ង់ ផ្ទុះឡើងហើយនោះ ពេលនេះ សហរដ្ឋអាមេរិក បានចេញសេចក្តីប្រកាសឲ្យបុគ្គលិកស្ថានទូតនិងពលរដ្ឋខ្លួន នៅទូទាំងតំបន់មជ្ឈិមបូព៌ា រត់រកកន្លែងសុវត្ថិភាពជាបន្ទាន់។

ក្នុងសេចក្តីប្រកាសនៅថ្ងៃសៅរ៍ទី២៨ខែកុម្ភៈ ដោយសំដៅលើស្ថានទូតទាំងអស់ សហរដ្ឋអាមេរិកប្រាប់ថា៖

• សូមស្វែងរកទីតាំងដែលមានសុវត្ថិភាព នៅក្នុងលំនៅដ្ឋានរបស់អ្នក ឬអគារដែលមានសុវត្ថិភាពផ្សេងទៀត។ ត្រូវត្រៀមបម្រុងនូវស្បៀងអាហារ ទឹកស្អាត ថ្នាំសង្កូវ និងសម្ភារៈចាំបាច់ផ្សេងៗទៀត។
• ចៀសវាងការចូលរួមក្នុងសកម្មភាពបាតុកម្មនានា ព្យាយាមកុំធ្វើឲ្យគេចាប់អារម្មណ៍និងត្រូវមានការប្រុងប្រយ័ត្នខ្ពស់ចំពោះស្ថានភាពជុំវិញខ្លួន។
• តាមដានប្រព័ន្ធផ្សព្វផ្សាយក្នុងស្រុក ដើម្បីទទួលបានព័ត៌មានទាន់ហេតុការណ៍និង ត្រូវត្រៀមលក្ខណៈជានិច្ចក្នុងការកែប្រែផែនការរបស់អ្នក។
• សាកថ្មទូរស័ព្ទឲ្យបានពេញជានិច្ចនិងរក្សាទំនាក់ទំនងជាមួយក្រុមគ្រួសារនិងមិត្តភក្តិ ដើម្បីផ្តល់ដំណឹងដល់ពួកគេអំពីស្ថានភាពសុវត្ថិភាពរបស់អ្នក៕

អត្ថបទ៖ សុខ សុវណ្ណ