ព័ត៌មានអន្ដរជាតិ

ស្ថានភាពភាពសង្គ្រាមនៅអ៊ីរ៉ង់គិតត្រឹមម៉ោង១០ព្រឹកថ្ងៃទី៣ខែមីនា២០២៦

បានផុស

៤ ខែ មុន

នៅ

ថ្ងៃអង្គារ ៣ មីនា ២០២៦

ដោយ

សង្រ្គាមនៅប្រទេសអ៊ីរ៉ង់ដែលផ្តើមវាយប្រហារដោយ ភាគីអ៊ីស្រាអែលនិងមានការជួយគាំទ្រយ៉ាងពេញទំហឹងពីរដ្ឋាភិបាលសហរដ្ឋាមេរិក ដឹកនាំដោយរដ្ឋបាលប្រធានាធិបតី ដូណាល់ ត្រាំ បានឈានចូលដល់ថ្ងៃទី៤ ខណៈសង្គ្រាមនេះកំពុងកើតឡើងយ៉ាងពេញបន្ទុក រួមទាំងមានការបាញ់ធ្លាក់យន្តហោះចម្បាំងរបស់សហរដ្ឋមេរិក ដោយកងទ័ពគុយវ៉េតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំងរបស់អ៊ីស្រាអែលបន្តវាយប្រហារលើទីក្រុងតេហេរ៉ង់ នៃប្រទេសអ៊ីរ៉ង់ និង ទីក្រុងបេរូត នៃប្រទេសលីបង់នៅជាប់ប្រទេសអ៊ីស្រាអែល។ ការវាយប្រហារនោះ ក៏បានបំផ្លាញស្ថានីយ៍ប្រព័ន្ធផ្សព្វផ្សាយរដ្ឋរបស់អ៊ីរ៉ង់ផងដែរ។
តាមសេចក្តីរាយការណ៍បូកសរុប ចំនួនអ្នកស្លាប់ពីការវាយប្រហារលើគោលដៅទាំងពីរប្រទេសនេះ បានបណ្តាលឲ្យមានអ្នកស្លាប់លើសពី៦០០នាក់ ខណៈអ្នករបួសមិនត្រូវបានបង្ហាញនៅឡើយទេ។
ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយថា យុទ្ធនាការយោធា ឬក៏ប្រតិបត្តិការយោធាប្រឆាំងប្រទេសអ៊ីរ៉ង់នេះអាចប្រើពេលរហូតដល់១ខែពេញ ដោយសន្យាថា ទីក្រុងវ៉ាស៊ីនតោននឹងធ្វើអ្វីៗគ្រប់យ៉ាងដើម្បីបំផ្លាញសមត្ថភាពមីស៊ីល និងនុយក្លេអ៊ែររបស់អ៊ីរ៉ង់។
មានការវាយប្រហារលើស្ថានទូតសហរដ្ឋអាមេរិកនៅទីក្រុងរីយ៉ាដ ប្រទេសអារ៉ាប៊ីសាអ៊ូឌីត។ ជាការឆ្លើយតប ប្រធានាធិបតី ត្រាំ បានប្រាប់អ្នកសារព័ត៌មាន NewsNation អ្នកនាង Kellie Meyer «អ្នកនឹងដឹងច្បាស់នៅពេលឆាប់ៗនេះ ថាអ្វីជាការឆ្លើយតបចំពោះការវាយប្រហារលើស្ថានទូតសហរដ្ឋអាមេរិកនៅទីក្រុងរីយ៉ាដនោះ។
លោក ត្រាំ បានលើកឡើងថា គ្មានការចាំបាច់ដើម្បីវាយថ្មើរជើងចូលប្រទេសអ៊ីរ៉ង់ទេ
នាយករដ្ឋមន្ត្រីអ៊ីស្រាអែល លោក បេនចាមីន នីតាន់ញ៉ាហ៊ូ បានអះអាងប្រាប់ Fox News ថា សហរដ្ឋអាមេរិកនិងអ៊ីស្រាអែល វាយប្រហារអ៊ីរ៉ង់ដោយសារតែមីល៊ីលចំងាយឆ្ងាយ (ballistic missile) និង កម្មវិធីនុយក្លេអ៊ែររបស់អ៊ីរ៉ង់ ដែលអាចបាញ់ក្នុងប៉ុន្មានខែខាងមុខ។
ក្រុមសកម្មប្រយុទ្ធនៅប្រទេសអ៊ីរ៉ាក់ បានអះអាងពីការវាយប្រហារលើសណ្ឋាគារ Erbil ដែលយោធាសហរដ្ឋអាមេរិកប្រើប្រាស់ជាកន្លែងស្នាក់នៅ។ សណ្ឋាគារ Erbil ស្ថិតនៅតំបន់ដែលគ្រប់គ្រងដោយក្រុមឃើដក្នុងប្រទេសអ៊ីរ៉ាក់ ស្ថិតនៅជិតព្រំដែនជាមួយប្រទេសអ៊ីរ៉ង់។ ការវាយប្រហារនោះ ក្រុមតស៊ូអ៊ីស្លាមបានប្រើប្រាស់យន្តហោះគ្មានមនុស្សបើក
អំពើហិង្សាកើតចេញពីសង្គ្រាមនៅអ៊ីរ៉ង់ កំពុងកើតមានឡើងនៅក្នុងប្រទេសអ៊ីស្លាមជាច្រើននៅតំបន់មជ្ឈិមបូព៌ា។ អំពើហិង្សាទាំងនោះដែលមានទំនោរគាំទ្រអ៊ីរ៉ង់កើតមាននៅក្នុងប្រទេស បារ៉ែន ប៉ាគីស្ថាន តំបន់កាស្មៀររបស់ប្រទេសឥណ្ឌា ប្រទេសអ៊ីរ៉ង់ ជាដើម។
ប្រទេសកាតាស្ទាក់ចាប់មីស៊ីល និងយន្តហោះគ្មានមនុស្សបើករបស់អ៊ីរ៉ង់ភាគច្រើន។ ក្រសួងការពារជាតិកាតានិយាយថា ខ្លួនបានស្ទាក់ចាប់មីស៊ីលអ៊ីរ៉ង់ភាគច្រើនដែលបាញ់មកលើប្រទេសកាតា ចាប់តាំងពីការវាយប្រហារបានចាប់ផ្តើមមក រួមទាំងមីស៊ីលបណ្តែតទាំងបីគ្រាប់ មីស៊ីលបាលីស្ទិកចំនួន ៩៨គ្រាប់ក្នុងចំណោម ១០១គ្រាប់ យន្តហោះគ្មានមនុស្សបើកចំនួន ២៤ ក្នុងចំណោម៣៩ និងយន្តហោះចម្បាំង SU-24 ទាំងពីរគ្រឿងដែលត្រូវបានរកឃើញ។
មានសេចក្តីរាយការណ៍ដែលថា ក្រសួងការពារជាតិគុយវ៉េត ដោយមានកំហុស បានបាញ់ទម្លាក់យន្តហោះចម្បាំង F-15 របស់សហរដ្ឋអាមេរិកអំឡុងពេលប្រតិបត្តិការសង្គ្រាមដ៏សកម្ម។ នេះផ្អែកតាមសេចក្តីរាយការណ៍របស់ រ៉យទ័រ ដែលយោងទៅលើបញ្ជាការកណ្តាល។ ប៉ុន្តែក្រុមនាវិកទាំង៦នាក់នៅលើយន្តហោះនោះ បានរួចផុតជីវិត និងមានស្ថានភាពធម្មតា។
ប្រទេសអ៊ីរ៉៉ុបភាគច្រើន បានបង្ហាញការគាំទ្រដល់សហរដ្ឋអាមេរិកនិងអ៊ីស្រាអែលឲ្យលុបបំបាត់កម្មវិធីនុយក្លេអ៊ែរអ៊ីរ៉ង់ ប៉ុន្តែប្រទេសខ្លះមានបារាំងជាដើម យល់ថា «ការធ្វើសង្គ្រាមរបស់អាមេរិកនិងអ៊ីស្រាអែល» មិនស្របច្បាប់អន្តរជាតិទេ។
មហាអំណាចចិន និង រុស្ស៊ី បានបង្ហាញការគាំទ្រដល់អ៊ីរ៉ង់ ថ្កោលទោសដល់ការវាយប្រហារ ហើយអំពាវនាវឲ្យបញ្ឈប់ជាបន្ទាន់។