ព័ត៌មានអន្ដរជាតិ

ស៊ុយអែតទើបចូលណាតូទិញសម្ភារៈយោធាពីអាមេរិកតម្លៃ៩៣០លានដុល្លារ

បានផុស

៤ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

ក្រសួងការបរទេសសហរដ្ឋអាមេរិកបានសម្រេចអនុម័តលក់សម្ភារៈយោធាទៅឱ្យរដ្ឋាភិបាលស៊ុយអែត មានទាំងប្រព័ន្ធរ៉ុក្កែត កាំភ្លើងធំចល័តខ្ពស់ M១៤២ និងឧបករណ៍ពាក់ព័ន្ធនឹងយោធាមានតម្លៃសរុបជាង៩៣០លានដុល្លារ។

យោងតាមគេហទំព័រផ្លូវការរបស់រដ្ឋាភិបាលសហរដ្ឋអាមេរិកនៅថ្ងៃទី១០ ខែមីនា ឆ្នាំ២០២៦ រដ្ឋាភិបាលស៊ុយអែតបានស្នើទិញប្រព័ន្ធរ៉ុក្កែតកាំភ្លើងធំចល័តខ្ពស់M១៤២ (HIMARS) ចំនួន២០គ្រឿង និងសម្ភារៈយោធាផ្សេងទៀតចំនួន១៦២គ្រឿង រួមទាំងប្រព័ន្ធទិន្នន័យយុទ្ធសាស្ត្រកាំភ្លើងធំអន្តរជាតិចំនួន ២៤គ្រឿងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សរុបទាំងអស់ឧបករណ៍យោធាមានទាំងតូច-ធំ ចំនួន២០០គ្រឿងជាង។

ក្រៅពីសម្ភារៈការពារជាតិក៏មានឧបករណ៍ទទួលប្រព័ន្ធកំណត់ទីតាំងសកលកម្រិតខ្ពស់សម្រាប់ការពារជាតិ […] ជំនួយបច្ចេកទេស និងធាតុផ្សំពាក់ព័ន្ធផ្សេងទៀតនៃការគាំទ្រលើវិស័យយោធា។

គួរបញ្ជាក់ថាការលក់នេះត្រូវបានស្នើឡើងនឹងគាំទ្រដល់គោលនយោបាយការបរទេស និងគោលបំណងសន្តិសុខជាតិរបស់សហរដ្ឋអាមេរិក តាមរយៈការកែលម្អសន្តិសុខរបស់សម្ព័ន្ធមិត្តណាតូ ដែលជាកម្លាំងសម្រាប់ស្ថិរភាពនយោបាយ និងវឌ្ឍនភាពសេដ្ឋកិច្ចនៅអឺរ៉ុប។

ជាពិសេសវានឹងធ្វើឱ្យប្រសើរឡើងនូវសមត្ថភាពរបស់ប្រទេសស៊ុយអែតក្នុងការទប់ទល់នឹងការគំរាមកំហែងបច្ចុប្បន្ន អនាគត និងបង្កើនសមត្ថភាពប្រតិបត្តិការជាមួយសហរដ្ឋអាមេរិក និងកងកម្លាំងសម្ព័ន្ធមិត្តផ្សេងទៀត។

មិនតែប៉ុណ្ណោះវាក៏នឹងបង្កើនសមត្ថភាពកាំភ្លើងធំ និងកាំភ្លើងធំចម្ងាយមធ្យមរបស់ប្រទេសស៊ុយអែតផងដែរ៕

ប្រែសម្រួល៖ ណឺ មិនា