ព័ត៌មានអន្ដរជាតិ

គ្មានអ្នកស្លាប់លើកដំបូង ព័រទុយហ្គាល់ទប់ស្កាត់កូវីដ-១៩ដល់តំបន់បៃតង

បានផុស

៥ years មុន

នៅ

ថ្ងៃអង្គារ ២៧ មេសា ២០២១

ដោយ

ប្រទេសព័រទុយហ្គាល់បានរាយការណណ៍ថា ក្នុងរយៈពេល២៤ម៉ោងចុងក្រោយគ្មានអ្នកស្លាប់ដោយកូវីដ-១៩ឡើយ ពីរលករាតត្បាតលើកទី២។ វាជាលើកដំបូងហើយដែលប្រទេសនេះគ្មានអ្នកស្លាប់គិតចាប់តាំងពីដើមខែសីហា ឆ្នាំ២០២០មក។

ដំណឹងវិជ្ជមានកាលពីថ្ងៃចន្ទម្សិលមិញបានកើតមានឡើង បន្ទាប់ពីព័រទុយហ្គាល់បានដាក់បំរាមរយៈពេលវែងដែលបានជួយឲ្យប្រទេសមួយនេះបានកាត់បន្ថយអត្រាការឆ្លងឲ្យចុះទាបជាលំដាប់ចាប់តាំងពីចុងខែមករា ជាពេលដែលទទួលរងការវាយប្រហារខ្លាំងបំផុតពីកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតដល់ពេលនេះ ព័រទុយហ្គាល់មានអ្នកស្លាប់ចំនួន១៦៩៦៥នាក់ចាប់តាំងពីការផ្ទុះកូវីដ-១៩មក ហើយករណីឆ្លងសរុបមានចំនួន៨៣៤០០០នាក់។

កាលពីខែមករា ជាពេលវេលាករណីឆ្លងច្រើនបំផុតដែលពេលនោះត្រូវបានគេមើលឃើញថា រថយន្តសង្គ្រោះបន្ទាន់បានដឹកអ្នកជំងឺបន្តបន្ទុយគ្នានៅខាងក្រៅមន្ទីរពេទ្យ។

ការដាក់បំរាមកាលពីខែនោះបានធ្វើឲ្យករណីឆ្លងចុះទាប និងធូរស្បើយជាលំដាប់ដែលផ្តល់ឲ្យសាលារៀនបើកទ្វារ ភោជនីយដ្ឋាន ហាងកាហ្វេ និងហាងអាជីវកម្មផ្សេងៗបានបើកទ្វារដំណើរការ។

អាជ្ញាធរសុខាភិបាលបាននិយាយថា ប្រទេសស្ថិតនៅក្នុងតំបន់បៃតងនៃហានិភ័យដោយអត្រាឆ្លងមានចំនួនតិចជាងមួយ ហើយថ្មីៗនេះ ប្រទេសព័រទុយហ្គាល់បានក្លាយជាប្រទេសមានអត្រាឆ្លងទាបបំផុតមួយនៅក្នុងចំណោមប្រទេសនៅអឺរ៉ុប។

ប្រហែលជា២០%នៃប្រជាជន១០លាននាក់នៅក្នុងប្រទេសព័រទុយហ្គាល់ឥឡូវនេះបានចាក់វ៉ាក់សាំងហោចណាស់ដូសទី១ និង៧%បានចាក់រួចរាល់ដូសទាំងពីរ ខណៈជាង៩០%នៃប្រជាជនអាយុ៨០ឆ្នាំឡើងដែលជាក្រុមងាយរងគ្រោះដល់អាយុជីវិតបានចាក់វ៉ាក់សាំងហោចណាស់ដូសទី១ហើយ៕

ប្រែសម្រួល៖ វីរបុត្រ
ប្រភព៖ BBC