ព័ត៌មានអន្ដរជាតិ
ព្យុះ Vamco បោកបក់មកដល់វៀតណាមហើយ ដោយមនុស្សជិត ៥សែននាក់ត្រូវជម្លៀសទៅកន្លែងមានសុវត្ថិភាព
ព្យុះទីហ្វុង Vamco បានបោកបក់មកដល់ប្រទេសវៀតណាមហើយ កាលពីព្រឹកថ្ងៃអាទិត្យនេះ ក្រោយសម្លាប់មនុស្សយ៉ាងហោចណាស់ ៥៣នាក់ នៅហ្វីលីពីន ខណៈនៅវៀតណាម ព្យុះនេះបានបង្កឲ្យមានការបាក់ដីនៅតំបន់កណ្តាលប្រទេស។
នាយករដ្ឋមន្ត្រីវៀតណាម លោក Nguyen Xuan Phuc នៅរសៀលថ្ងៃនេះ បានព្រមានបណ្តាខេត្តជាច្រើន ដែលកំពុងស្ថិតក្នុងគោលដៅរបស់ព្យុះកំណាចនេះ ឲ្យត្រៀមខ្លួនជាស្រេចដោះស្រាយផលប៉ះពាល់។
ខេត្តជាច្រើនរបស់វៀតណាម បានព្យាយាមជម្លៀសពលរដ្ឋចេញពីតំបន់ប្រឈមគ្រោះថ្នាក់ ខណៈពលរដ្ឋ ៤៦៨ ០០០នាក់ ត្រូវបានគេជម្លៀសចេញកាលពីថ្ងៃសៅរ៍ម្សិលមិញ។ នេះបើតាមសេចក្តីរាយការណ៍ពីទូរទស្សន៍រដ្ឋវៀតណាម។
ឆ្នាំនេះ វៀតណាម រងគ្រោះខ្លាំងដោយព្យុះត្រូពិក និងគ្រោះទឹកជំនន់តាមតំបន់ឆ្នេរទូទាំងប្រទេស ខណៈព្យុះទីហ្វុង Vamco ជាព្យុះទី ១៣ បោកបក់មកលើប្រជាជាតិអាស៊ានមួយនេះ ដោយគិតចាប់ពីដើមខែតុលា មកទល់និងអាទិត្យនេះ ព្យុះទាំងអស់ដែលបោកបក់លើវៀតណាម បានសម្លាប់មនុស្សយ៉ាងតិច ១៦០នាក់។
លោក Nguyen Thi Xuan Thu ប្រធានកាកបាទក្រហមប្រទេសវៀតណាម បាននិយាយថា មកទល់នឹងពេលនេះ ពលរដ្ឋវៀតណាមជាង ៨លាននាក់កំពុងរស់នៅក្នុងតំបន់ភាគកណ្តាល ហាក់មិនធូរស្រាលពីព្យុះធម្មជាតិនៅឡើយទេ ព្រោះអស់ពីព្យុះមួយ នៅព្យុះមួយទៀតមកបំផ្លិចបំផ្លាញជាប់៕
ប្រែសម្រួល៖ សុភា
ប្រភព៖ Reuters
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង