អ្នកជំងឺស្រាល មានអង់ទីគ័រប្រឆាំងវីរុសបាន ១១ខែ ឬមួយជីវិតតែម្ដង ក្រោយជាសះស្បើយពីកូវីដ

ការស្រាវជ្រាវថ្មីមួយបង្ហាញថា អ្នកជំងឺកូវីដ-១៩ករណីស្រាល នឹងមានអង់ទីគ័រការពារការចម្លងរោគជាថ្មីជិតមួយឆ្នាំ បន្ទាប់ពីជាសះស្បើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវមកពីសាលាវេជ្ជសាស្ត្រនៃសាកលវិទ្យាល័យ វ៉ាស៊ីនតោន សហរដ្ឋអាមេរិក និយាយថា នៅពេលអ្នកជំងឺទើបតែឆ្លងមេរោគដំបូងៗ អង់ទីគ័ររបស់ពួកគេនឹងថយចុះ។ ប៉ុន្តែការរកឃើញរបស់អ្នកស្រាវជ្រាវបង្ហាញថា កោសិកាភាពស៊ាំនៅក្នុងខួរឆ្អឹងនៅតែអាចបង្កើតអង់ទីគ័របាន ទោះបីជាកម្រិតឈាមធ្លាក់ចុះក៏ដោយ។

លទ្ធផលសិក្សាអះអាងថា អ្នកជំងឺកូវីដ-១៩នឹងមានអង់ទីគ័រប្រឆាំងវីរុសរហូតដល់ ៧ ទៅ ១១ ខែក្រោយជាសះស្បើយ ហើយទំនងជាអាចការពារបានមួយជីវិតផង។

ផ្អែកតាមការស្រាវជ្រាវដែលចេញផ្សាយនៅក្នុងទិនានុប្បវត្តិធម្មជាតិ អ្នកវិទ្យាសាស្ត្របានតាមដានលើអ្នកជំងឺ ៧៧ នាក់ដែលមានកូវីដ-១៩ករណីស្រាល ក្នុងនោះមានមនុស្សតែ ៦ នាក់ប៉ុណ្ណោះដែលបានបញ្ជូនទៅមន្ទីរពេទ្យវិញ។ នេះបញ្ជាក់ថា អត្រាលាប់ឬឆ្លងវីរុសម្ដងទៀតអាចលេចឡើងមានមិនដល់ ​១០ ភាគរយផងទេ។

ទោះបីជាកម្រិតអង់ទីគ័របានធ្លាក់ចុះក្នុងពេលប៉ុន្មានខែដំបូងនៃការឆ្លងរោគក៏ដោយ ក៏វាមិនបានបាត់ទៅវិញដែរ ពួកវាគ្រាន់តែចុះខ្សោយមួយរយៈប៉ុណ្ណោះ។

ក្នុងនោះអ្នកវិទ្យាសាស្ត្របានរកឃើញកោសិកាភាពស៊ាំបន្តរហូតដល់ ១១ ខែ រាប់ពីអ្នកជំងឺតេស្តវិជ្ជមានកូវីដ-១៩៕

ប្រែសម្រួល៖ សន្យា

ប្រភព៖ Mail Daily

ចុចអាន៖ ក្រោយជាសះស្បើយ អ្នកជំងឺកូវីដ-១៩ ចាំបាច់ត្រូវអនុវត្តរឿង ៦ យ៉ាងនេះ

ចុចអាន៖ ត្រូវការពេលប៉ុនណាដើម្បីបង្កើតអង់ទីគ័រប្រឆាំងវីរុស ក្រោយចាក់វ៉ាក់សាំងដូសទី២?