ក្តៅៗ WHO ប្រកាសទទួលស្គាល់វ៉ាក់សាំង Sinovac ជាផ្លូវការ

អង្គការសុខភាពពិភពលោក​ (WHO) បានចេញសេចក្តីថ្លែងការណ៍មួយនៅថ្ងៃអង្គារនេះថា ខ្លួនបានអនុម័តវ៉ាក់សាំងកូវីដ ដែលផលិតដោយក្រុមហ៊ុន Sinovac Biotech​ សម្រាប់ការប្រើប្រាស់ជាបន្ទាន់ ដែលនេះជាវ៉ាក់សាំងផលិតដោយប្រទេសចិន ទី២ហើយ ដែលទទួលបានការអនុម័ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះបញ្ជីបន្ទាន់របស់​​ WHO នឹងអនុញ្ញាតឲ្យវ៉ាក់សាំងនេះ ដាក់បញ្ចូលទៅក្នុងកម្មវិធី COVAX ខណៈបច្ចុប្បន្ន កម្មវិធីនេះ កំពុងប្រឈមនឹងបញ្ហាផ្គត់ផ្គង់ធំៗដោយសារតែប្រទេសឥណ្ឌាផ្អាកការនាំចេញវ៉ាក់សាំង។

នៅក្នុងសេចក្តីថ្លែងការណ៍ ក្រុមអ្នកជំនាញឯករាជ្យបាននិយាយថា ខ្លួនផ្តល់អនុសាសន៍ឲ្យចាក់វ៉ាក់សាំង Sinovac សម្រាប់មនុស្សពេញវ័យ ដែលមានអាយុលើសពី១៨ឆ្នាំ ហើយអ្នកមានអាយុលើសនេះក៏ចាក់បានដែរ ព្រោះទិន្នន័យបានបង្ហាញថា វ៉ាក់សាំងនេះ ក៏មានឥទ្ធិពលការពារចំពោះមនុស្សវ័យចំណាស់ផងដែរ៕

ប្រែសម្រួល៖ Vann Vann

ប្រភព៖ AFP

ចុចអាន៖ ចំណូល CEO ក្រុមហ៊ុនវ៉ាក់សាំង Sinovac មួយខែរកបានមិនក្រោម១០ម៉ឺនដុល្លារ