ព័ត៌មានជាតិ

លោក ហែម សុវត្ថិ ចុះជួបសំណេះសំណាល និងលើកទឹកចិត្តសិស្សានុសិស្សត្រៀមប្រលងបាក់ឌុបនៅវិទ្យាល័យកោះសូទិន និងសន្យាឧបត្ថម្ភម៉ូតូម្នាក់ ១គ្រឿងសម្រាប់អ្នកទទួលបាននិទ្ទេស A

បានផុស

២ ម៉ោង មុន

នៅ

ថ្ងៃចន្ទ ២០ កក្កដា ២០២៦

ដោយ

នាព្រឹកថ្ងៃទី១៩ ខែកក្កដា ឆ្នាំ២០២៦ លោក ហែម សុវត្ថិ សមាជិកគណៈកម្មាធិការកណ្តាល និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋានឃុំកោះសូទិន ខេត្តកំពង់ចាម បានចុះជួបសំណេះសំណាល ជាមួយសិស្សានុសិស្សនៃវិទ្យាល័យកោះសូទិន ដែលត្រៀមប្រលងសញ្ញាបត្រមធ្យមសិក្សាទុតិយភូមិ ដោយបាននាំយកមកនូវសម្ភារៈសិក្សា និងឧបត្ថម្ភថវិកាមួយចំនួន សម្រាប់លើកទឹកចិត្ត ដើម្បីជំរុញឱ្យទទួលបាននូវលទ្ធផលកាន់តែល្អបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនេះដែរ លោកក៏បានជូនពរ និងលើកទឹកចិត្តដល់សិស្សានុសិស្សដែលត្រៀមប្រឡងនាពេលខាងមុខនេះ សុំឱ្យទទួលបានចំណាត់ថ្នាក់ល្អគ្រប់ៗគ្នា ជាពិសេសបើទទួលបាននិទ្ទេស A នឹងផ្តល់ជូនក្នុងសិស្សម្នាក់ៗ ម៉ូតូចំនួនមួយគ្រឿង៕