មេ UN ទទួលភ្លើងខៀវសម្រាប់អាណត្តិទី ២ រយៈពេល ៥ ទៀត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មេ UN ទទួលភ្លើងខៀវសម្រាប់អាណត្តិទី ២ រយៈពេល ៥ ទៀត

បានផុស

នៅ

ក្រុមប្រឹក្សាសន្តិសុខ នៃអង្គការសហប្រជាជាតិ (UNSC) កាលពីថ្ងៃអង្គារ បង្ហាញការគាំទ្រដល់ អគ្គលេខាធិការ UN លោក Antonio Guterres សម្រាប់អាណត្តិទី ២ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកអគ្គរដ្ឋទូត UN ប្រចាំនៅប្រទេសអេស្តូនី លោក Sven Jurgenson ដែលកំពុងបម្រើការជា ប្រធានក្រុមប្រឹក្សាសន្តិសុខសម្រាប់ខែមិថុនា បានប្រកាសការយល់ព្រមនេះ បន្ទាប់ពីមានកិច្ចប្រជុំឯកជនមួយ របស់ក្រុមប្រឹក្សា ។

ការផ្ដល់ភ្លើងខៀវ ដល់មហាសន្និបាត UN នឹងតែងតាំងលោក Guterres សម្រាប់អាណត្តិ ៥ ឆ្នាំលើកទី ២ ចាប់ពីថ្ងៃទី ១ ខែមករា ឆ្នាំ ២០២២ ។

បុរសអាយុ ៧២ ឆ្នាំរូបនេះទទួលបានអាណត្តិទី ១ របស់គាត់នៅឆ្នាំ ២០១៦ ដោយឆ្លងកាត់ដំណើរការ ជ្រើសរើសកែទម្រង់ ដែលរួមមាន សម័យប្រជុំក្រៅផ្លូវការជាសាធារណៈ នៅក្នុងមហាសន្និបាតដែលមានការចូលរួម ពីតំណាងសង្គមស៊ីវិល ។

ទន្ទឹមនោះ អ្នកនាំពាក្យរបស់លោក Guterres លោក Stéphane Dujarric បានប្រកាសកាលពីខែមករាថា “ផែនការរបស់ប្រមុខដឹកនាំ UN ដើម្បីស្វែងរកអាណត្តិទី ២ គឺស្ថិតលើឆន្ទៈរបស់រដ្ឋជាសមាជិក” ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ មេ UN ប្រាប់ពិភពលោកបង្កើនការផលិតវ៉ាក់សាំងទ្វេដងសម្រាប់ចែកចាយដោយស្មើភាពគ្នា និងដើម្បីបំបាត់កំហឹងប្រទេសដែលទទួលបានតិច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services