ព័ត៌មានអន្ដរជាតិ

នាវាចម្បាំងអាមេរិក អាចស្ទាក់ចាប់ និងកម្ទេចមីស៊ីលអន្តរទ្វីប ICBM ដោយជោគជ័យ

បានផុស

៦ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

នាវាចម្បាំងមួយគ្រឿងរបស់អាមេរិក ត្រូវបានគេបញ្ជាឲ្យស្ទាក់ចាប់ និងកម្ទេចគ្រាប់មមីស៊ីលឆ្លងទ្វីប ប្រភេទ ICBM បានដោយជោគជ័យ នៅក្នុងការសាកល្បងសមត្ថភាពធ្វើឡើងនៅភាគខាងជើងឈាងខាងកើតកោះហាហៃ។ នេះបើតាមការអះអាងពីភ្នាក់ងារការពារមីស៊ីលអាមេរិក MDA។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសាកល្បងនេះ ធ្វើឡើងកាលពីថ្ងៃច័ន្ទ (ថ្ងៃអង្គារ៍ម៉ោងនៅកម្ពុជា) ទៅលើនាវាចម្បាំងមានបំពាក់ប្រព័ន្ធស្ទាក់ចាប់ និងកម្ទេចគ្រាប់មីស៊ីល ដែលគេហៅថា Aegis Ballistic Missile Defense ប៉ុន្តែមិនត្រូវបាន MDA បញ្ជាក់ច្បាស់ពីប្រព័ន្ធការពារមីស៊ីលដ៏ទំនើបនេះទេ។

នាយកភ្នាក់ងារប្រឆាំងគ្រាប់មីស៊ីល MDA លោក Jon Hill បាននិយាយថា ប្រព័ន្ធការពារមីស៊ីល Aegis Ballistic Missile Defense និងគ្រាប់មីស៊ីលស្តង់ដារ SM-3 Block IIA បញ្ចូលគ្នា អាចប្រឆាំងនឹងមីស៊ីលអន្តរទ្វីប ICBM បាន។

គ្រាប់មីស៊ីលស្តង់ដារ SM-3 Block IIA ត្រូវគេអះអាង ជាកិច្ចសហការផលិតរួមគ្នារវាងក្រុមហ៊ុនសពា្វវុធអាមេរិក Raytheon Co និងក្រុមហ៊ុនឧស្សាហកម្មធំធ្ងន់របស់ជប៉ុន Mitsubishi Heavy Industries Ltd។

យោងតាមការបញ្ជាក់ពីក្រុមហ៊ុន Raytheon មីស៊ីល ICBM ត្រូវគេបំផ្លាញដោយជោគជ័យទៅខាងក្រៅស្រទាប់ផែនដី ខណៈលោក Jon Hill និយាយដែរថា ជោគជ័យក្នុងការសាកល្បងលើកនេះ អាចបញ្ជាក់បានថា ប្រព័ន្ធការពារ Ground-based Midcourse Defense (GMD) និងបណ្តាញរ៉ាដា ប្រព័ន្ធប្រឆាំងគ្រាប់មីស៊ីល និងឧបករណ៍ដែលច្នៃឡើងមួយចំនួនទៀត គឺមានលទ្ធផលគ្រប់គ្រាន់ការពារអាមេរិកពីគ្រាប់មីស៊ីលអន្តរទ្វីបបាន៕

ប្រែសម្រួល៖ សុភា
ប្រភព៖ Reuters