ព័ត៌មានអន្ដរជាតិ

ត្រាំប្រកាសបង្កើតនាវាចម្បាំងថ្មី២គ្រឿងធំបំផុត ដើម្បីធានាសន្តិសុខសហរដ្ឋអាមេរិក

បានផុស

៧ ខែ មុន

នៅ

ថ្ងៃអង្គារ ២៣ ធ្នូ ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយកាលពីថ្ងៃចន្ទ ថាខ្លួនបានអនុម័តឱ្យបង្កើតនាវាចម្បាំងថ្មីចំនួន២គ្រឿង ដែលជានាវាខ្នាតធំនិងមានឥទ្ធិពលមិនធ្លាប់បានបង្កើតមានពីមុនមក។ នេះបើតាមតាមសារព័ត៌មាន Anadola Ajansi ដែលបានរាយការណ៍។

លោកត្រាំ និងនាវាចម្បាំងរបស់សហរដ្ឋអាមេរិក។ AP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកត្រាំបាននិយាយថា៖ «ជាមហាកិត្តិយសណាស់ក្នុងការប្រកាសជាផ្លូវការថា ខ្ញុំបានយល់ព្រមឱ្យបង្កើតនាវាចម្បាំងថ្មីចំនួនពីរ ដែលនាវានោះមានទំហំធំ ធំបំផុតដែលយើងធ្លាប់បានសាងសង់វាមក»។

លោកបន្ថែមទៀតថា៖ «ហើយនាវានេះនឹងមានល្បឿនលឿនហួសពីការស្មាន ហើយមានទំហំធំបំផុត និងមានកម្លាំងខ្លាំងជាងនាវាដែលយើងធ្លាប់បានបង្កើតពីមុនមក ដល់ទៅ១០០ដង»។

យោងតាមអ្វីដែលប្រធានាធិបតីត្រាំបានលើកឡើង នាវាអាចផ្លាស់ប្តូរទីតាំបានយ៉ាងរហ័ស ហើយផ្ទុកទម្ងន់ចន្លោះពី ៣០០០០ ទៅ ៤០០០០តោន ឬច្រើនជាងនេះ។

លោកបន្តថា៖«វាអាចប្រតិបត្តិការណ៍ម្តងពី៣០ ទៅ ៤០០០០តោន ឬច្រើជាងនេះ ដែលជាកងទ័ពជើងទឹកដ៏វៃឆ្លាតរបស់ប្រជាជនអាមេរិក។ យើងមិនធ្លាប់បានបង្កើតនាវាឯណា ដែលអស្ចារ្យដូចលើកនេះទេ»។

ត្រាំបានបន្ថែមថា វាជាសព្វាវុធដែលមានល្បឿនលឿនជាងសំឡេង អាចជញ្ជូនអាវុធនុយក្លេអ៊ែរទៅសមុទ្របាន អាចបង្ហោះមីសីលបានទៀតផង៖ «នាវាទាំងនេះនឹងក្លាយជានាវាចម្បាំងលើផ្ទៃទឹកដ៏ខ្លាំងក្លាបំផុត»។

លោកបន្ត៖ «ពួកយើងបាននឹងកំពុងស្តារប្រជាជនអាមេរិកឱ្យក្លាយជាមេធំដែលអាចបង្កើតនាវាចម្បាំងដ៏ខ្លាំងក្លានេះបាន។ ហើយពួកយើងធានាថា ទឹកដីអាមេរិក គឺជាកន្លែងដែលមានសុវត្ថិភាពនិងមានអំណាចជាងនរណាទាំងអស់នៅក្នុងពិភពលោកនេះ»។

លោក Hegseth ជាមនុស្សជំនិតរបស់លោកត្រាំបាននិយាយថា ភាពខ្លាំងរបស់អាមេរិកគឺវិលមកលើឆាកអន្តរជាតិវិញហើយ។

លោកបានឱ្យដឹងថា៖ «យើងមាននាវា អស្ចារ្យ ធំ ហើយមានអត្ថប្រយោជន៍ដែលមិនធ្លាប់មានពីរមុនមក ទាំងអស់នេះហើយជាអំណាចដ៏ច្រើនលើសលុបនៅលើផ្លូវសមុទ្រ»។

ចំណែកលោក Phelan បាននិយាយថាជំនាន់ដែលត្រាំដឹកនាំគឺអស្ចារ្យ ដែលអាចផលិតនាវាចម្បាំងដ៏ធំនិងមានភាពវៃឆ្លាត។

លោកថា៖ «នេះគឺជាជំនាន់ដំបូងគេ ដែលពួកយើងមានឈ្នាន់ដ៏រឹងមាំដែលអាចដឹកជញ្ជូនអាវុធនុយក្លេអ៊ែរទៅសមុទ្របាន… ជ័យជម្នះរបស់អាមេរិកនៅលើដែនសមុទ្រគឺជាជ័យជម្នះដ៏ពិតប្រាកដ»៕

ប្រែសម្រួល៖ ណឺ មិនា