ព័ត៌មានអន្ដរជាតិ
សហរដ្ឋអាមេរិកសម្រេចដកទ័ពចេញពី អាហ្វហ្គានីស្ថាន និង អ៊ីរ៉ាក់
ក្រសួងការពារជាតិបានបញ្ជាក់ថា សហរដ្ឋអាមេរិកនឹងកាត់បន្ថយចំនួនកងទ័ពរបស់ខ្លួននៅក្នុងប្រទេសអាហ្វហ្គានីស្ថាននិងអ៊ីរ៉ាក់នៅសល់ត្រឹម២,៥០០នាក់។
កន្លងមក លោកប្រធានាធិបតី ដូណាល់ ត្រាំ ធ្លាប់បានព្រមានថា លោកនឹងកាត់បន្ថយទំហំកងទ័ពអាមេរិកនៅក្នុងប្រទេសទាំងពីរនេះ។
មន្ទីរបញ្ចកោណនិយាយថា ការកាត់បន្ថយនេះនឹងចូលជាធរមានមុនពេលលោកប្រធានាធិបតី ត្រាំ ចាកចេញពីតំណែង។
ទោះបីជាយ៉ាងណាក៏ដោយ អគ្គលេខាធិការអង្គការណាតូលោក Jens Stoltenberg បានព្រមានពីហានិភ័យខ្ពស់ប្រសិនបើអាមេរិកនិងកងកម្លាំងសម្ព័ន្ធមិត្តចាកចេញពីប្រទេសអាហ្វហ្គានីស្ថានលឿនពេក។
នៅក្នុងសេចក្តីថ្លែងការណ៍មួយ លោកបាននិយាយថា ប្រទេសនេះមានហានិភ័យជាថ្មីម្តងទៀតក្នុងការក្លាយជាវេទិកាសម្រាប់ពួកសកម្មប្រយុទ្ធអន្តរជាតិដើម្បីរៀបចំការវាយប្រហារ។
បច្ចុប្បន្ន អង្គការណាតូកំពុងដឹកនាំបេសកកម្មបណ្តុះបណ្តាលនិងណែនាំដល់កងកម្លាំងសន្តិសុខអាហ្វហ្គានីស្ថាន។ ចាប់ពីឆ្នាំ២០០៣ដល់ឆ្នាំ២០១៤ ខ្លួនបានបំពេញបេសកកម្មប្រយុទ្ធនៅអាហ្វហ្គានីស្ថានដោយមានទាហានក្នុងចំនួនខ្ពស់បំផុត១៣ម៉ឺននាក់។
នៅប្រទេសអ៊ីរ៉ាក់ ចំនួនកងទ័ពអាមេរិកនឹងត្រូវកាត់បន្ថយ៥០០នាក់នៅសល់ត្រឹម២,៥០០នាក់ខណៈនៅអាហ្វហ្គានីស្ថាននឹងកាត់បន្ថយពី៤,៥០០នាក់មកនៅប្រហែល២,៥០០នាក់។
រដ្ឋមន្រ្តីការពារជាតិអាមេរិកស្តីទីលោក Chris Miller បាននិយាយថា វិធានការនេះគឺឆ្លុះបញ្ចាំងពីគោលនយោបាយរបស់លោក ត្រាំ ក្នុងការនាំសង្រ្គាមនៅអាហ្វហ្គានីស្ថាននិងអ៊ីរ៉ាក់ទៅរកទីបញ្ចប់ប្រកបដោយជោគជ័យនិងការទទួលខុសត្រូវហើយនាំកងទ័ពដ៏ក្លាហានរបស់យើងត្រឡប់មកផ្ទះវិញ៕
ប្រែសម្រួលដោយ៖ Vann Vann
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង