Connect with us

ព័ត៌មានអន្ដរជាតិ

វ៉ាក់សាំង​អាមេរិក​ទី​៤​ Novavax​ មាន​ប្រសិទ្ធ​ភាព​ការពារ​កូវីដ​ល្អណាស់

បានផុស

នៅ

ក្រុម​ហ៊ុន​ផលិត​វ៉ាក់សាំង​​​តូច​មួយ​ឈ្មោះ Novavax ដែល​ទទួល​បាន​គាំទ្រ​ពី​រដ្ឋាភិបាល​សហរដ្ឋអាមេរិក​នៅ​ថ្ងៃច​ន្ទ​ម្សិល​មិញ​​បាន​ប្រកាស​ពី​លទ្ធផល​នៃ​ការ​ធ្វើ​តេស្ត​គ្លីនិក​វ៉ាក់សាំង​ការពារ​កូវីដ-១៩​​នៅ​អាមេរិក និង​ម៉ិកស៊ិក ហើយ​បាន​រកឃើញ​ថា ការ​ចាក់​ពីរ​ដូស​ពិត​ជា​ប្រសិទ្ធភាព​ការពារ​​វីរុស​កូរូណា​ខ្លាំង​ណាស់។

ការ​ធ្វើ​តេស្ត​លើ​មនុស្ស​ចំនួន ២៩ ៩៦០​នាក់ វ៉ាក់សាំង​បាន​បង្ហាញ​ពី​ប្រសិទ្ធភាព​​ទូ​ទៅ​​គឺ​៩០.៤​% ដែល​ស្មើ​នឹង​វ៉ាក់សាំង​ Pfizer និង​ Moderna ហើយ​មាន​ប្រសិទ្ធភាព​ខ្ពស់​ជាង​​​​វ៉ាក់សាំង​១​ដូស​ Johnson & Johnson។ វ៉ាក់សាំង Novavax បាន​បង្ហាញ​ពី​ប្រសិទ្ធភាព​១០០​%​​ការពារ​​មិន​ឲ្យ​ឈឺ​ធ្ងន់។

ទោះ​បី​ជា​យ៉ាង​ណា លទ្ធផល​គួរ​ឲ្យ​ចាប់​អារម្មណ៍​ទាំង​នេះ អនាគត​នៃ​វ៉ាក់​សាំង​ប្រើ​​នៅ​សហរដ្ឋ​អាមេរិក​នេះ​នៅ​មិន​ទាន់​ប្រាក​ដ​ប្រជា​ទេ​ ​​ប្រហែល​ជា​ចាំ​បាច់​​សម្រាប់​ប្រទេស​ផ្សេង។ ក្រុម​ហ៊ុន​ Novavax បាន​និយាយ​ថា ខ្លួន​ប្រហែល​ជា​មិន​ស្វែង​រក​ការ​អនុញ្ញាត​ឲ្យ​ប្រើ​ប្រាស់​បន្ទាន់​ពី​រដ្ឋបាល​ចំណី​អាហារ និង​ឱសថ​អាមេរិក​ឡើយ​រហូត​ដល់​​ដាច់​ខែ​កញ្ញា។

វ៉ាក់សាំង Novavax
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយ​សារ​អាមេរិក​​កំពុង​ប្រើ​ប្រាស់​វ៉ាក់សាំង​ដែល​ទទួល​បាន​ការ​អនុញ្ញាត​៣​ប្រភេទ​ហើយ ដូច្នេះ​វា​អាច​ទៅ​រួច​ដែល​ទី​ភ្នាក់​ងារ​អាច​នឹង​ប្រាប់​ទៅ​ក្រុម​ហ៊ុន Novavax ឲ្យ​ដាក់​ពាក្យ​ស្នើ​សុំ​អាជ្ញា​ប័ណ្ណ​ពេញ​លេញ ដែល​ដំណើរ​ការ​នេះ​នឹង​ត្រូវ​ចំណាយ​ពេល​ច្រើន​ខែ។

នាយក​ប្រតិបត្តិ​របស់​ក្រុម​ហ៊ុន លោក Stanley Erck បាន​ទទួល​ស្គាល់​ថា វ៉ាក់សាំង​ Novavax ប្រហែល​ជា​អាច​ទទួល​បាន​ការ​​អនុញ្ញាត​ប្រើ​ដំបូង​នៅ​កន្លែង​ផ្សេង។ ក្រុម​​ហ៊ុន​ក៏​បាន​ដាក់​ពាក្យ​ដើម្បី​ស្នើ​សុំ​ការ​អនុញ្ញាត​ប្រើ​ប្រាស់​បន្ទាន់​នៅ​ ​ចក្រភព​អង់គ្លេស សហភាព​អឺរ៉ុប ឥណ្ឌា និង​កូរ៉េ​ខាង​ត្បូង​ដែរ។

លោក​មាន​ប្រសាសន៍​ថា ៖«ខ្ញុំ​គិត​ថា ដំណឹងល្អ​គឺ​ថា ទិន្នន័យ​គួរ​ឲ្យ​ទាក់​ទាញ​​បំផុត​​​នឹង​ផ្តល់​ឲ្យ​អ្នក​គ្រប់​គ្នា​យក​ចិត្ត​ទុក​ដាក់​ចំពោះ​ឯកសារ​របស់​យើង»។

រហូត​ដល់​ពេល​នេះ ក្រុម​ហ៊ុនវ៉ាក់សាំង Novavax ទទួល​បាន​ភ្លើង​ខៀវ​ពី​រដ្ឋាភិបាល​អាមេរិក​ហើយ ប៉ុន្តែ​​ប្រហែល​ជាយឹត​ពេល​ក្នុង​ការ​រួម​ចំណែក​ដល់​ប្រទេស​នេះ​។ យ៉ាង​ណា ​អ្នក​ជំនាញ​វ៉ាក់សាំង​ជា​ច្រើន​រំពឹង​ថា ប្រទេសនេះ​នឹង​ត្រូវ​ការ ​នៅ​ពេល​វ៉ាក់សាំង​ធ្លាក់​ចុះ ហើយ​វីរុស​បំប្លែង​ខ្លួន​កើន​ឡើង។

បច្ចេកវិទ្យា​ដែល​ត្រូវ​ប្រើ​​ផ្អែក​លើ​ប្រូតេអ៉ីន​នៅ​ក្នុង​ការ​ផលិត​វ៉ាក់សាំង Novavax អាច​ធ្វើ​ការ​ការពារ​បាន​ល្អ​ខ្លាំង​ណាស់ សូម្បី​តែ​មនុស្ស​ដែល​បាន​ចាក់​វ៉ាក់សាំង​ពី​មុន​ក៏​ដោយ​។

កាល​ពី​ខែ​មករា  ក្រុម​ហ៊ុន​វ៉ាក់សាំង Novavax បាន​ប្រកាស​ថា មនុស្ស​១៥០០០​នាក់​នៅ​ចក្រភព​អង់គ្លេស​រក​ឃើញ​ថា វ៉ាក់សាំង​នេះ​មាន​ប្រសិទ្ធភាព​ការពារ​៩៦​%​ប្រឆាំង​នឹង​វីរុស​ដើម។ ប្រឆាំង​នឹង​វីរុស Alpha ដែល​រក​ឃើញ​ដំបូង​នៅ​អង់គ្លេស ប្រសិទ្ធភាព​​បាន​ធ្លាក់​ចុះ​បន្តិច​មក​ត្រឹម​៨៦%។ នៅអាហ្វ្រិក សាក​ល្បង​លើ​មនុស្ស​ ២៩០០​នាក់ និងរក​ឃើញ​ប្រសិទ្ធភាព​ត្រឹម​៤៩​%។

រហូត​ដល់​ពេល​នេះ អាមេរិក​បាន​អនុម័ត​ជា​ផ្លូវ​ការ​វ៉ាក់សាំង Pfizer និង​ Moderna។ កាល​ពីខែ​កុម្ភៈ​វ៉ាក់សាំង Novavax កំពុង​សាកល្បង រដ្ឋាភិបាល​អាមេរិក​ក៏​បាន​អនុម័ត​វ៉ាក់សាំង Johnson & Johnson៕

ប្រែ​សម្រួល៖ វីរបុត្រ
ប្រភព៖ theguardian

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ នាទី មុន

ការលក់សំបុត្រថ្ងៃសុក្ររបស់ក្រុមហ៊ុន Vietjet មានតម្លៃកាន់តែទាបសម្រាប់ការធ្វើដំណើរទៅប្រទេសវៀតណាម និងគោលដៅធ្វើដំណើរផ្សេងៗទៀតពេញមួយឆ្នាំ

សេចក្ដីជូនដំណឹង៥១ នាទី មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ៥៦ នាទី មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

ព័ត៌មានអន្ដរជាតិ១ ម៉ោង មុន

មួយទសវត្សរ៍មកនេះ មានជនចំណាកស្រុកលើលោកជាង ៦៣,០០០ នាក់ស្លាប់បាត់បង់ជីវិត

កីឡា១ ម៉ោង មុន

ចាន់ ប៊ុនហឿន ប្រាប់​ថា ​នឹងពិបាកវ៉ៃ ខាំភូ ឲ្យសន្លប់យប់ស្អែក

Sokha Hotels

ព័ត៌មានពេញនិយម