Connect with us

ព័ត៌មានអន្ដរជាតិ

តារា​ចម្រៀង​ថៃ​ម្នាក់​ធ្លាក់​ពី​លើអគារ​ស្លាប់​សង្ស័យ​វិបត្តិកូវីដ

បានផុស

នៅ

កាល​ពី​ល្ងាច​ថ្ងៃ​សៅរ៍ សមត្ថកិច្ច​នៅ Bang Khen បាន​ឲ្យ​ដឹង​ថា នារី​ម្នាក់​បាន​ធ្លាក់​ពី​លើ​អគារ​ជាន់​ទី​៣​នៅកន្លែង​ចំណត​រថយន្ត​​​ក្នុង​ផ្សារ​ទំនើប​មួយ​​នៅ​តំបន់ Saphan Mai ក្នុង​ទី​ក្រុង​បាំង​កក និងក្រោយ​មក​បាន​ស្លាប់។

នារី​រូប​នេះ​ត្រូវ​បាន​គេ​ស្គាល់​ឈ្មោះ Prakaifa Pooldoung ​ជា​តារា​ចម្រៀង​​របស់​​ក្រុម​ Pastel Season។ ដំណឹង​នេះ​បាន​ធ្វើ​ឲ្យ​អ្នក​គាំទ្រ​​របស់​នាង​សោក​ស្រាយ​យ៉ាងខ្លាំង ខណៈ​ជីវិត​រស់​នៅ​របស់​តារា​សិល្បៈ​កំពុង​ជួប​ផល​លំបាក​យ៉ាង​ខ្លាំង​ក្នុង​សម័យ​កាល​កូវីដ-១៩។

តារា​ចម្រៀង Prakaifa កាល​នៅ​រស់
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រី Prakaifa និង​ក្រុម​របស់​នាង​​ទទួល​បាន​ការ​គាំទ្រ​យ៉ាង​ខ្លាំង​ពី​អ្នក​គាំទ្រ​នៅ​ក្នុង​ប្រទេស​ជា​ពិសេស​ស្ទីវ​រៀប​ចំ​ខ្លួន​របស់​ក្រុម។ នាងត្រូវ​បាន​គេ​កោត​សរសើរ​ពី​ការ​ប្តេជ្ញា​ចិត្ត​​បង្ហាញ​ការ​ពិត​​នៅ​លើ Facebook កាល​ពី​ខែ​ឧសភា ឆ្នាំ​មុន បន្ទាប់​ពី​វិបត្តិ​កូវីដ-១៩​លើក​ទី​១​បាន​វាយ​លុក​​នៅ​ក្នុង​ប្រទេស​ថៃ ហើយ​សកម្មភាពសម្តែង​ទាំង​អស់​ត្រូវ​បាន​ផ្អាក។

ពេល​នោះ​នាង​បាន​សរសេរ​ថា ៖«នរណា​ខ្លះ​អត់​ការងារ​ធ្វើ​ សូម​លើក​ដៃ? ខ្ញុំ​ជា​តារា​ចម្រៀង​ម្នាក់​ដែល​អត់​ការងារ​ធ្វើ​ពីរ​ខែ​ហើយ។ គ្រប់​កម្មវិធី​ទាំង​អស់​ត្រូវ​បាន​លុប​ចោល។ ចំណូល​សូន្យ»។

មូល​ហេតុ​នៃ​ការ​ស្លាប់​របស់​នាង​មិន​ត្រូវ​បាន​សមត្ថកិច្ច​បញ្ជាក់​នៅ​ឡើយ​ទេ ប៉ុន្តែ​បើ​តាម​សាក្សី​នៅ​កន្លែង​កើត​ហេតុ​បាន​ប្រាប់​ប៉ូលិស​ថា ពួក​គេ​បាន​ឃើញ​នាង​ធ្លាក់​ពី​លើ​អគារ​ជាន់​ទី​៣​នៃ​កន្លែង​ចំណត​រថយន្ត។

សារព័ត៌មាន​ក្នុង​ស្រុក​ជា​ច្រើន​បាន​ផ្សាយ​​​ពាក់​ព័ន្ធ​​នឹង​សាច់​ញាតិ​របស់​នាង​ដែល​បាន​និយាយ​ថា នាង​មាន​វិបត្តិ​ធ្ងន់​ធ្ងរ​ដោយ​សារ​តែ​សកម្មភាព​សិល្បៈ​ស្ទើរ​ទាំង​ស្រុង​ត្រូវ​បាន​បិទ​តាំង​ពី​ឆ្នាំ​មុន​ដោយ​សារ​វិបត្តិ​កូវីដ-១៩។ ពួក​គេ​ជឿថា កត្តា​ទាំង​នេះ​អាច​ជា​មូល​ហេតុ​ដែល​ឈាន​ទៅ​រក​ការ​សម្លាប់​ខ្លួន៕

កន្លែង​កើត​ហេតុ

ប្រែ​សម្រួល៖ វីរបុត្រ
ប្រភព៖ bangkokpost

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម