ព័ត៌មានអន្ដរជាតិ
ឥណ្ឌូណេស៊ីឆ្លងកូវីដច្រើនបំផុតមិនធ្លាប់មានពីម្សិលមិញ
ប្រទេសឥណ្ឌូណេស៊ីមានកំណត់ត្រាឆ្លងកូវីដ-១៩ប្រចាំថ្ងៃថ្មីទៀតហើយ បន្ទាប់ពីកាលពីថ្ងៃអាទិត្យម្សិលមិញមានអ្នកឆ្លងថ្មីជាង ២១ ០០០នាក់ ខណៈមន្ទីរពេទ្យនៅក្រុងហ្សាការតាពោរពេញដោយអ្នកជំងឺ និងធ្ងន់ធ្ងរជាងគេនៅអាស៊ាន។
តាមរយៈតួលេខថ្មីនេះបានធ្វើឲ្យឥណ្ឌូណេស៊ីមានអ្នកឆ្លងកូវីដ-១៩សរុបឡើងដល់ជាង២.១លាននាក់ និងករណីមរណភាពបានឡើងដល់ ៥៧ ១៣៨នាក់។ ប៉ុន្តែតួលេខពិតប្រាកដត្រូវបានគេជឿថាខ្ពស់ជាងនេះដោយសារអត្រាធ្វើតេស្តទាបនៅឡើយ។
អត្រាឆ្លងកូវីដ-១៩នៅឥណ្ឌូណេស៊ីបានហក់ឡើងខ្ពស់ខ្លាំងក្នុងរយៈពេលប៉ុន្មានសប្តាហ៍ចុងក្រោយនេះ បន្ទាប់ពីមនុស្សរាប់លាននាក់បានធ្វើដំណើរនៅពេលពិធីតមអាហារមូស្លីមរយៈពេលមួយខែ Ramadan បានចប់កាលពីខែឧសភា ហើយអាជ្ញាធរក៏បានបញ្ជាក់ពីវីរុសបំប្លែងខ្លួនថ្មីកំពុងវាយលុក។
ស្ត្រីនាំពាក្យក្រុមការងារកូវីដ-១៩ អ្នកស្រី Siti Nadia Tarmizi បានឲ្យដឹងថា ៖«យើងបានព្យាករហើយថានឹងមានកណីកើនឡើងនៃចំនួនឆ្លងថ្មី។ ការហក់ឡើងខ្ពស់បំផុតត្រូវបានរំពឹងថា នឹងកើតមានក្នុងពេលពីរបីសប្តាហ៍ខាងមុខ»។
ឥឡូវនេះ ប្រទេសឥណ្ឌូណេស៊ីកំពុងភ័យខ្លាចប្រព័ន្ធសុខាភិបាលរបស់ខ្លួនដួលរលំដោយសារករណីកើនឡើងកាន់តែខ្លាំង និងមានសេចក្តីរាយការណ៍មួយចំនួនថា មន្ទីរពេទ្យខ្លះកំពុងពេញលើសដោយអ្នកជំងឺ ហើយបានបង្វែរឲ្យអ្នកជំងឺទៅមន្ទីរពេទ្យផ្សេង។
ឥណ្ឌូណេស៊ីមានគោលដៅចាក់វ៉ាក់សាំងដល់ប្រជាជនរបស់ខ្លួនឲ្យបានជាង១៨០លាននាក់ក្នុងចំណោមប្រជាជនទាំងអស់២៧០លាននាក់នៅត្រឹមដើមឆ្នាំក្រោយ ប៉ុន្តែរហូតដល់ពេលនេះទើបចាក់វ៉ាក់សាំងពេញលេញបានប្រហែលជា៥%ប៉ុណ្ណោះនៃចំនួនប្រជាជនរបស់ខ្លួន៕
ប្រែសម្រួល៖ វីរបុត្រ
ប្រភព៖ straitstimes
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?