ជីវិតកម្សាន្ដ
ភរិយាប្រាប់មូលហេតុពិធីបុណ្យសព Winai ធ្វើតាមពុទ្ធសាសនា ទោះស្វាមីកាន់សាសនាឥស្លាម
Ae Orchanyach ដែលជាភរិយារបស់តារាសម្ដែងជើងចាស់លោក Winai Kraibut បានទម្លាយប្រាប់នូវការពិតដែលពីធីបុណ្យសពប្រារព្ធធ្វើឡើងតាមបែបពុទ្ធសាសនា ខណៈស្វាមីជាអ្នកកាន់សាសនាឥស្លាម នេះក៏ព្រោះវាជា តម្រូវការពេលវេលា និងមានបំណងចង់ឲ្យក្រុមគ្រួសារ និងអ្នកគាំទ្រមកកាន់ទុក្ខជាមួយគ្នាតែប៉ុណ្ណោះ។
ចេញផ្សាយដោយព័ត៌មានកម្សាន្ត Sanook កាលពីថ្ងៃទី២១ ខែមីនា ឆ្នាំ២០២៤ បានបង្ហាញនូវរូបភាពក្នុងដំណើរនៃការទទួលមរណភាពរបស់អតីតតារាសម្ដែងល្បីល្បាញនាឆ្នាំ៩០ Mek Winai Kraibutr ដោយមាន Ae Archanyach ជាភរិយា បានដង្ហែសពស្វាមីទៅធ្វើបុណ្យនៅវត្ត Siriphong Thamnimit រួចហើយ។ ក្នុងនោះវាត្រូវបានបង្ហាញឲ្យឃើញថា នេះជាពិធីសាសនាព្រះពុទ្ធ ទោះបីជាប្តីជាជនជាតិឥស្លាមក៏ដោយ។
តាមរយៈគណនីផ្ទាល់របស់ភរិយារបស់លោក Winai បានចេញមុខបំភ្លឺជុំវិញរឿងនេះថា “ខ្ញុំបានសម្រេចចិត្តធ្វើពិធីបុណ្យសពបែបពុទ្ធសាសនា ទោះបីជាស្វាមីជាមូស្លីមក៏ដោយ។ ដោយសារពិធីសាសនាឥស្លាម ត្រូវតែបញ្ចប់ក្នុងរយៈពេល ២៤ ម៉ោង។ ទន្ទឹមនោះទៀតដែរ ក្នុងបំណងប្រាថ្នានេះខ្ញុំចង់ឲ្យម្តាយរបស់ស្វាមី មិត្តភ័ក្តិ និងអ្នកគាំទ្រចូលរួមកាន់ទុក្ខជាមួយគ្នា។ ដូច្នេះហើយ ទើបបានជ្រើសរើសរៀបចំពិធីតាមបែបពុទ្ធសាសនា ហើយការយល់ព្រមពីគ្រួសាររបស់ប្តីដូចគ្នាផងដែរ”។
យ៉ាងណាមិញ ដំណឹងនៃការទទួលមរណភាពរបស់តារាជើងចាស់លោក Winai Kraibut និងជាតួឯកប្រុសក្នុងរឿង“កូនពស់កេងកង” កាលពីយប់ថ្ងៃទី២០ ខែមីនា បានធ្វើឲ្យអ្នកគាំទ្រទូទាំងប្រទេសថៃ មានការសោកស្ដាយជាពន់ពេកនូវការបាត់បង់បុគ្គលដ៏សំខាន់។
ការបាត់បង់នេះផងដែរ គឺជាការបាត់បង់ដ៏ធំមួយទៀតសម្រាប់ឧស្សាហកម្មកម្សាន្តថៃ ក្រោយអតីតតារាសម្ដែងប្រុសឆ្នើមរូបនេះទទួលមរណភាព ក្នុងអាយុ ៥៤ឆ្នាំ បន្ទាប់ពីបេះដូងឈប់លោត ដោយសារសម្ពាធឈាមធ្លាក់ចុះ និងឆ្លងមេរោគក្នុងចរន្តឈាម នៅវេលាម៉ោង ១១៖៤៩នាទីយប់ ថ្ងៃទី២០ ខែមីនា ៕
អត្ថបទ៖ សាង ស្រីល័ក្ខ
ចុចអាន៖តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែកធ្ងន់ធ្ងរអស់ ៥ ឆ្នាំ
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)