ព័ត៌មានអន្ដរជាតិ
ផ្សារហ៊ុន វៀតណាម ធ្លាក់ចុះ ក្រោយប្រធានាធិបតីលាលែងពីតំណែង
ផ្សារហ៊ុនវៀតណាមបានធ្លាក់ចុះប៉ុន្មានម៉ោង បន្ទាប់ការលាលែងពីតំណែងរបស់លោកប្រធានាធិបតី Vo Van Thuong ហើយនេះអាចជាសញ្ញានៃភាពចលាចលផ្នែកនយោបាយ និងអាចប៉ះពាល់ដល់ទំនុកចិត្តរបស់វិនិយោគិនបរទេសនៅក្នុងប្រទេសនេះផងដែរ ។ នេះបើយោងតាមការចេញផ្សាយរបស់សារពត៌មាន CNA កាលពីថ្ងៃទី២១ ខែមីនាកន្លងទៅ ។
ផ្សារហ៊ុនទីក្រុងហូជីមិញដែលជាផ្សារហ៊ុនដ៏សំខាន់របស់ប្រទេសនេះបានធ្លាក់ចុះជិត ៣ ភាគរយក្នុងរយៈពេលប៉ុន្មានម៉ោងដំបូងនៃការជួញដូរ បន្ទាប់ពីលេចឮព័ត៌មានអំពីការផ្សព្វផ្សាយនៃការលាលែងពីតំណែងរបស់លោក ប្រធានាធិបតី Vo Van Thuong ។
កន្លងមកវិបត្តិនយោបាយប្រទេសនេះត្រូវបានដោះស្រាយយ៉ាងល្អជាមួយនឹងការបោះឆ្នោតប្រធានាធិបតីថ្មីយ៉ាងឆាប់រហ័ស ប៉ុន្តែហានិភ័យនៅតែមានពេលដែលមានការរុះរើម្តងហើយម្តងទៀតរបស់ថ្នាក់មេដឹកនាំ ដោយធ្វើឲ្យប៉ះពាល់ដល់ធុរកិច្ចនៅក្នុងប្រទេសដែលពឹងផ្អែកខ្លាំងលើការវិនិយោគបរទេស ។
ស្របពេលជាមួយគ្នា វិនិយោគិនភាគច្រើនដែលបានសរសើរលើស្ថិរភាពនយោបាយអាចនឹងមិនអាចទទួលយកបាននោះទេចំពោះការចាកចេញមុនអាណត្តិរបស់ប្រធានាធិបតី ២ រូបក្នុងរយៈពេលប្រហែល ១ ឆ្នាំមកនេះ ។
គណៈកម្មាធិការមជ្ឈិមបក្សដែលជាស្ថាប័នធ្វើការសម្រេចចិត្តកំពូលក្នុងប្រទេសវៀតណាមកាលពីថ្ងៃពុធ បានអនុម័តលើការលាលែងរបស់លោក Vo Van Thuong ពោលប្រហែលមួយឆ្នាំ បន្ទាប់ពីកាន់តំណែង ក្រោមអង្គហេតុលោកបានបំពានលើបទបញ្ញត្តិរបស់គណបក្ស និងការប្រព្រឹត្តកំហុសខុសឆ្គងមួយចំនួន ដែលប្រការនេះបានជះឥទ្ធិពលអវិជ្ជមានដល់មតិសាធារណៈ កិត្តិយសរបស់បក្ស រដ្ឋ និងខ្លួនលោកផ្ទាល់តែម្ដង ។
ទន្ទឹមនោះ ការលាលែងពីតំណែងរបស់លោក Vo Van Thuong នេះទៀតសោតគឺកើតមានឡើងប៉ុន្មានថ្ងៃប៉ុណ្ណោះ បន្ទាប់ពីប៉ូលិសវៀតណាមបានប្រកាសពីការចាប់ឃាត់ខ្លួនលើអតីតមន្ត្រីវៀតណាមម្នាក់ប្រចាំនៅខេត្ត Quang Ngai ដែលរកឃើញថាមានជាប់ពាក់ព័ន្ធនឹងអំពើពុករលួយកាលពីជាង ១០ ឆ្នាំមុន ពោលអំឡុងពេលដែលលោក Vo Van Thuong នៅកាន់ការជាប្រធានបក្សប្រចាំខេត្តមួយនេះ ។
គួរបញ្ជាក់ថា លោក Vo Van Thuong បានឡើងកាន់តួនាទីជាប្រធានាធិបតីវៀតណាមកាលពីថ្ងៃ២ ខែមីនា ឆ្នាំ២០២៣ ជំនួសតំណែងលោក Nguyen Xuan Phuc ដែលក៏បានលាលែងពីតំណែងដូចគ្នា ខណៈក្នុងរយៈកាលកាន់តំណែងជាង ១ ឆ្នាំមកនេះ លោក Vo Van Thuong បានធ្វើដំណើរ និងទស្សនកិច្ចជាង ១០ ដងជាមួយថ្នាក់ដឹកនាំអន្តរជាតិ ៕
អត្ថបទ ៖ ប៊ុន សុភាព
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?