អង់គ្លេស​ត្រៀម​ប្រកាស​ថ្ងៃ​ឈប់​សម្រាក​បន្ថែម​ បើ​ឈ្នះ​ជើង​ឯក Euro 2020
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អង់គ្លេស​ត្រៀម​ប្រកាស​ថ្ងៃ​ឈប់​សម្រាក​បន្ថែម​ បើ​ឈ្នះ​ជើង​ឯក Euro 2020

បានផុស

នៅ

លោក​នាយក​រដ្ឋ​មន្ត្រី​អង់គ្លេស Boris Johnson ត្រៀម​នឹង​ប្រកាស​​​ថ្ងៃ​ឈប់​សម្រាក​បន្ថែម​​ ប្រសិន​បើ​ក្រុម​បាល់ទាត់​ជម្រើស​ជាតិអង់គ្លេស​​ឈ្នះ​ឯក​ទ្វីប​អឺរ៉ុប Euro 2020 ដើ​ម្បី​បញ្ចប់​សុបិន​រយៈ​ពេល​៥៥​ឆ្នាំ​​នា​ថ្ងៃ​អាទិត្យ​​នេះ​នៅ​កីឡដ្ឋាន Wembley ស្រប​ពេល​ដែល​​រដ្ឋាភិបាល​កំពុង​ជំរុញ​ផ្សព្វផ្សាយ​ពី​ទិន្នន័យ​សុវត្ថិភាព​​អំពី​​ការ​ប្រកួត​កន្លង​មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ពេល​សួរ​ថា​តើ​លោក​នឹង​ប្រកាស​ថ្ងៃ​ចន្ទ​ជា​​ពេល​វេលា​​ឈប់​សម្រាក​ ប្រសិន​បើ​​ក្រុម​ជម្រើស​ជាតិ​​ឈ្នះ​ជើង​ឯក លោក​នាយក​រដ្ឋ​មន្ត្រី​បាន​លើក​ឡើង​ថា ៖«ខ្ញុំ​គិត​ថា អាច​ជា​វាសនា​ប្រថុយ​ប្រថាន​ដែរ​ រង់​ចាំ​មើលមាន​អ្វី​កើត​ឡើង»។

លោកនាយករដ្ឋ​មន្ត្រី​ Johnson និង​ភរិយា

ក្រោយ​មក អ្នក​នាំ​ពាក្យ​ការិយាល័យ​របស់​លោក​បាន​បន្ថែម​ថា ៖«ខ្ញុំ​មិន​ចង់​និយាយ​លទ្ធផល​មុន​ការ​ប្រកួត​នា​ថ្ងៃ​អាទិត្យ​នេះ​ទេ។ ច្បាស់​ណាស់ យើង​ចង់​ឲ្យ​អង់គ្លេស​ស្ថិត​នៅ​លើ​គោល​ដៅ​ទាំង​អស់ និង​ឈ្នះ​វគ្គ​ផ្តាច់​ព្រ័ត្រ ហើយបន្ទាប់​មក យើង​នឹង​​ចេញ​​ផែន​ការ​ក្នុង​ពេល​ជាក់​លាក់»។

ប្រភព​ពី Downing Street បាន​ឲ្យ​ដឹង​ថា ពេល​វេលា​នៃ​ការ​ប្រកួត​​គឺ​មាន​ន័យ​ថា វា​យឹត​ពេល​​ដើម្បី​​ផ្តល់​ឲ្យ​អ្នក​គាំទ្រ​នូវ​ថ្ងៃ​ចន្ទ​ជា​ពេល​វេលា​ឈប់​សម្រាកបន្ទាន់ ប៉ុន្តែ​ជម្រើស​ផ្សេង​កំពុង​ត្រូវ​បាន​ពិចារណា​ដែរ។

ក្រុម​អង់គ្លេស​រីករាយ​ពេល​ឡើង​វគ្គ​ផ្តាច់​ព្រ័ត្រ​លើក​ដំបូង

ពេល​សួរ​ថា​តើ​​ម្ចាស់​​អាជីវកម្ម ឬ​ក្រុម​ហ៊ុន​នានា​​អាច​នឹង​អនុញ្ញាត​ឲ្យ​បុគ្គល​របស់​ខ្លួន​ឈប់​សម្រាក​ដែរ​ទេ​​ដើម្បី​អបអរសាទរ បន្ទាប់​ពី​ការ​ប្រកួត​ អ្នក​នាំ​ពាក្យ​របស់​លោក​នាយក​រដ្ឋ​មន្ត្រី Johnson បាន​ឆ្លើយ​ថា ៖«យើង​ចង់​ឲ្យ​ក្រុម​ហ៊ុន​​​ពិចារណា​​ដែរ​ ប្រសិន​បើ​ពួក​គេ​អាច តែ​យើង​ទទួល​ស្គាល់​ វា​នឹង​ប្រែ​ប្រួល​ដោយ​អាស្រ័យ​លើ​អាជីវកម្ម និង​ក្រុម​ហ៊ុន»។

លោក​នាយក​រដ្ឋ​មន្ត្រីដែល​ត្រូវ​បាន​គេដឹង​ថា​មិន​ចូល​ចិត្ត​បាល់ទាត់បាន​ទស្សនាជា​មួយ​ភរិយា​របស់​លោកសម្រាប់​ការ​ប្រកួត​វគ្គ​ពាក់​កណ្តាលផ្តាច់​ព្រ័ត្រ​ជា​មួយ​ជម្រើស​ជាតិដាណឺម៉ាក​ប្រហែល​ជា​នៅ​ការិយាល័យ​របស់​លោក។ ពេល​នោះ​លោក​ត្រូវ​បាន​គេ​មើល​ឃើញ​ពាក់​អាវ​ជម្រើស​ជាតិ​អង់គ្លេស និង​ទស្សនា​រហូត​ចប់​ការ​ប្រកួត​ដែល​អង់គ្លេស​ឈ្នះ​២-១​ឡើង​វគ្គ​ផ្តាច់​ព្រ័ត្រ។

អ្នក​គាំទ្រ

រដ្ឋាភិបាល​អង់គ្លេស​បាន​អនុញ្ញាត​ឲ្យ​ហាងផឹក​ស៊ី​បើក​រហូត​ដល់​​ម៉ោង​១១.១៥​នាទី​យប់ ក្នុង​ថ្ងៃ​អាទិត្យ​ដើម្បី​បាន​ទស្សនា​ការ​ប្រកួត និង​អបអរសាទរ ឬ​សោក​សៅ​ទៅ​តាម​លទ្ធផល។

ទន្ទឹម​ជា​មួយ​គ្នា​នេះ សំនួរ​នៅ​តែ​បន្ត​កើនឡើង​អំពី​សុវត្ថិភាព​ដែល​អនុញ្ញាត​ឲ្យ​មនុស្ស​ច្រើន​កក​កុញ​ទស្សនា​កំឡុង​ពេល​កូវីដ-១៩​នៅ​រាល​ដាល​នៅ​ឡើយ។ ការ​ប្រកួត​វគ្គ​ផ្តាច់​ព្រ័ត្រ​រវាង​អង់គ្លេស និង​អ៉ីតាលី​នឹង​មាន​អ្នក​ទស្សនា​ចូល​មើល​ផ្ទាល់​៦​ម៉ឺន​នាក់​ដូច​កាល​ប្រកួត​វគ្គ​ពាក់​កណ្តាល​ផ្តាច់​ព្រ័ត្រ​ដែរ។

អ្នក​គាំទ្រ​អង់គ្លេស

ការ​ប្រកួត​៧​លើកកន្លង​មក​ក្នុង​ព្រឹត្តិការណ៍​នេះ​នៅ​ប្រទេស​អង់គ្លេស​​ត្រូវ​បាន​ធ្វើ​ឡើង​ជា​ផ្នែក​មួយ​នៃ​កម្មវិធី​ស្រាវជ្រាវ​របស់​រដ្ឋាភិបាល​ពី​ការ​​កំណត់​សាក​ល្បង​​សុវត្ថិភាព​នៃ​ការ​ជួប​ជុំ​មនុស្ស​ច្រើន​ក្នុង​អន្តរកាល​កូវីដ-១៩។

រដ្ឋ​មន្ត្រី​កីឡា អ្នក​ស្រី Alison McGovern មាន​ប្រសាសន៍​ថា ទិន្នន័យ​អំពី​សុវត្ថិភាព​នៃ​ការ​ប្រកួត​​៧​លើក​កន្លងមក​គួរ​ត្រូវ​បាន​ធ្វើ​មុន​​​ថ្ងៃ​អាទិត្យនេះ។ អ្នក​ស្រី​មាន​ប្រសាសន៍​ថា ៖«ប្រសិន​បើ​ពួក​គេ​មាន​ទិន្នន័យ ពួក​គេ​គួរ​តែ​ផ្សព្វផ្សាយ ហើយ​ប្រសិន​បើ​ពួក​គេ​មិន​មាន​ទេ ពួក​គេ​គួរ​តែ​ប្រាប់​​ពី​មូល​ហេតុ»។

អ្នក​គាំទ្រ​អង់គ្លេស

សុខភាព​​សាធារណៈ​ស្កុតឡែន​បានចេញ​ផ្សាយ​ទិន្នន័យ​រួច​ហើយ​អំពី​អ្នក​គាំទ្រ​របស់​ខ្លួន​ដែល​បាន​ចូល​ទស្សនា​ការ​ប្រកួត​រវាង​អង់គ្លេស និង​ស្កុតឡែន​កាល​ពី​ថ្ងៃ​ទី​១៨​ ខែ​មិថុនា​ដែល​មាន​អ្នក​គាំទ្រ​ចូល​ទស្សនា​ផ្ទាល់​២២៥០០​នាក់។

មនុស្ស​សរុប​១៩៩១​នាក់​ដែល​ក្រោយ​មក​រក​ឃើញ​ឆ្លង​កូវីដ-១៩បាន​ចូល​ទស្សនា​ផ្ទាល់​ការ​ប្រកួត​មួយ ឬ​ពីរកំឡុង​ពេល​ឆ្លង​ដែល​ពួក​គេ​មិន​ដឹង​ថា ឆ្លង​ទៅ​នរណា​ខ្លះ​ទេ៕

ប្រែ​សម្រួល៖ វីរបុត្រ
ប្រភព៖ theguardian​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៩ នាទី មុន

ក្រុង​ប៉ោយ​ប៉ែត​រង​ការជន់លិច​ ក្រោយ​ភ្លៀង​ជាង​៤​ម៉ោង​

ព័ត៌មានជាតិ២ ម៉ោង មុន

ចៅ​ហ្វាយ​ស្រុក​បន្ទាយ​ស្រី​បញ្ជាក់​ពី​កា​រភាន់​ច្រឡំថា​ អ្នក ឧកញ៉ា ឡេង ណាវ៉ាត្រាទិញ​ដី​មិន​ស្រប​ច្បាប់​

ព័ត៌មានជាតិ៣ ម៉ោង មុន

ចៅ​អធិការ​វត្ត​មួយ​ក្នុង​ស្រុក​បាទី​​ឆ្លងកូវីដ១៩ ​គ្រូពេទ្យ​ចុះ​​តេស្ត​ព្រះសង្ឃ​​តា​ជី​យាយ​ជី​​ ៥១​ អង្គ/នាក់​​​​​

ព័ត៌មានជាតិ៣ ម៉ោង មុន

កងរាជអាវុធហត្ថ ស្ទាក់ចាប់រថយន្តសាំយ៉ុង២គ្រឿង ដឹកធ្យូង និងឈើគ្រញូង

ជីវិតកម្សាន្ដ៤ ម៉ោង មុន

ទោះបីបាត់បង់ជីវិត តែតារាកំប្លែង ៥ដួងនេះបានបន្សល់ទុកកេរ្តិ៍ឈ្មោះល្បីរន្ធឺសម្រាប់អ្នកគាំទ្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services