ព័ត៌មានអន្ដរជាតិ
ញាក់សាច់! ចិនកំពុងអភិវឌ្ឍ យាន AI ក្រោមទឹកដែលអាចលាក់ខ្លួនក្នុងសមុទ្រនិងបាញ់មីស៊ីលដាក់នាវាសត្រូវ ដោយមិនចាំបាច់មនុស្សបញ្ជា
ប្រទេសចិន កំពុងអភិវឌ្ឍមនុស្សយន្ត AI ក្រោមទឹក ដែលអាចលាក់ខ្លួននៅក្នុងសមុទ្រ ហើយវាយប្រហារនាវាសត្រូវ ជាមួយមីស៊ីលដោយមិនចាំបាច់មានការបញ្ជាពីមនុស្ស។
យានក្រោមទឹកគ្មានមនុស្សបើក (UUV) ត្រូវបានបង្កើតឡើង ក្នុងការពិសោធន៍កាលពីជាងមួយទសវត្សរ៍មុន ហើយទទួលបានជោគជ័យក្នុងការសាកល្បងប្រើប្រាស់បច្ចេកវិទ្យា AI ដើម្បីស្វែងរកនាវាមុជទឹក និងវាយប្រហារវាដោយមីស៊ីល។
ក្នុងការពិសោធន៍ដែលធ្វើឡើងនៅច្រកសមុទ្រតៃវ៉ាន់, UUV ត្រូវបានដាក់ពង្រាយនៅក្នុងជម្រៅ៩ម៉ែត្រ ក្រោមផ្ទៃទឹក។
វាអាចកំណត់ទីតាំងរបស់នាវាមុជទឹក ផ្លាស់ប្តូរទិសដៅ គូសរង្វង់គោលដៅ ហើយបន្ទាប់មក បាញ់មីស៊ីល។
UUV បានប្រើឧបករណ៍ចាប់សញ្ញា Sonar និង onBoard ដើម្បីប្រមូលយកទិន្នន័យ ដែលត្រូវបានវិភាគដោយកុំព្យូទ័រ ដើម្បីជួយឲ្យវាបំពេញការងារប្រកបដោយជោគជ័យ។
ការពិសោធន៍នេះ ត្រូវបានពិពណ៌នានៅក្នុងឯកសារ ដែលសរសេរដោយអ្នកស្រាវជ្រាវនៅសាកលវិទ្យាល័យវិស្វកម្ម Harbin ក្នុងឆ្នាំ ២០១០ និងត្រូវបានប្រកាសជាសាធារណៈកាលពីសប្តាហ៍មុន។
ក្រុមអ្នកវិទ្យាសាស្រ្តដឹកនាំដោយសាស្ត្រាចារ្យ Liang Guolong បានសរសេរថា “សេចក្តីត្រូវការនៃសង្គ្រាមក្រោមទឹកនាពេលអនាគត នាំមកនូវឱកាសអភិវឌ្ឍថ្មីសម្រាប់យានគ្មានមនុស្សបើក”។
លោកបានបន្ថែមទៀតថា UUV ដែលត្រូវបានអភិវឌ្ឍតាំងពីឆ្នាំ ២០១០មក អាចត្រូវបានរៀបចំឡើង ដើម្បីប្រតិបត្តិការជាក្រុមនិងធ្វើការវាយប្រហារលើគោលដៅតែមួយ។
ការប្រកាសអំពីយាននេះ បានធ្វើឡើងបន្ទាប់ពីប្រទេសចិន ព្រមានជប៉ុនប្រឆាំងនឹងការចូលរួមជាមួយយោធាអាមេរិក ដើម្បីការពារកោះតៃវ៉ាន់។
ទីក្រុងប៉េកាំងបានព្រមានថា ប្រទេសជប៉ុន កំពុងជីកផ្នូរកប់ខ្លួនឯង ដោយសារតែការអះអាង ការពារកោះតៃវ៉ាន់ រួមជាមួយសហរដ្ឋអាមេរិក។
យោងតាមការដកស្រង់អត្ថបទរបស់កាសែត Global Times បានបង្ហាញថា ប្រទេសនេះគ្មានអំណាចប្រឆាំងនឹងយោធាចិននោះទេ ហើយនឹងមិនដែលប្រយុទ្ធដើម្បីកោះតៃវ៉ាន់ ដោយគ្មានការគាំទ្រពីសហរដ្ឋអាមេរិកបានដែរ។
អត្ថបទនោះបានបន្ថែមការអះអាងថា ជប៉ុននឹងក្លាយជាគោលដៅស្របច្បាប់ ហើយប្រឈមនឹងការសងសឹកប្រសិនបើយោធារបស់ខ្លួនឆ្លងកាត់ “ខ្សែបន្ទាត់ក្រហម” របស់ចិន។
ទីភ្នាក់ងារសារព័ត៌មានក្យូដូបានរាយការណ៍ថា ឧបនាយករដ្ឋមន្ត្រីជប៉ុនលោក Taro Aso បាននិយាយកាលពីថ្ងៃចន្ទថា ព្រឹត្តិការណ៍បែបនេះនៅកោះតៃវ៉ាន់ អាចបង្កជាការគំរាមកំហែងដល់ទីក្រុងអូគីណាវ៉ារបស់ប្រទេសជប៉ុន។
លោកនិយាយថា “ប្រសិនបើបញ្ហាធំមួយបានកើតឡើងនៅក្នុងកោះតៃវ៉ាន់ វាអាចទាក់ទងនឹងស្ថានភាពគំរាមកំហែងដល់ការរស់រានមានជីវិតសម្រាប់ប្រទេស ជប៉ុន។ យើងត្រូវគិតឲ្យបានច្បាស់ថា កោះអូគីណាវ៉ា អាចជាគោលដៅបន្ទាប់”៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចិនព្រមានខ្លាំងៗ “ជប៉ុន កំពុងជីកផ្នូរកប់ខ្លួនឯង”
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ